(೧) ಪಚ್ಚುಪ್ಪನ್ನವಾರೋ

(ಕ) ಅನುಲೋಮಪುಗ್ಗಲೋ

೧೮. (ಕ) ಯಸ್ಸ ಚಕ್ಖುಧಾತು ಉಪ್ಪಜ್ಜತಿ ತಸ್ಸ ಸೋತಧಾತು ಉಪ್ಪಜ್ಜತೀತಿ?

ಸಚಕ್ಖುಕಾನಂ ಅಸೋತಕಾನಂ ಉಪಪಜ್ಜನ್ತಾನಂ ತೇಸಂ ಚಕ್ಖುಧಾತು ಉಪ್ಪಜ್ಜತಿ, ನೋ ಚ ತೇಸಂ ಸೋತಧಾತು ಉಪ್ಪಜ್ಜತಿ. ಸಚಕ್ಖುಕಾನಂ ಸಸೋತಕಾನಂ ಉಪಪಜ್ಜನ್ತಾನಂ ತೇಸಂ ಚಕ್ಖುಧಾತು ಚ ಉಪ್ಪಜ್ಜತಿ ಸೋತಧಾತು ಚ ಉಪ್ಪಜ್ಜತಿ.

(ಖ) ಯಸ್ಸ ವಾ ಪನ ಸೋತಧಾತು ಉಪ್ಪಜ್ಜತಿ ತಸ್ಸ ಚಕ್ಖುಧಾತು ಉಪ್ಪಜ್ಜತೀತಿ?

ಸಸೋತಕಾನಂ ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಸೋತಧಾತು ಉಪ್ಪಜ್ಜತಿ, ನೋ ಚ ತೇಸಂ ಚಕ್ಖುಧಾತು ಉಪ್ಪಜ್ಜತಿ. ಸಸೋತಕಾನಂ ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಸೋತಧಾತು ಚ ಉಪ್ಪಜ್ಜತಿ ಚಕ್ಖುಧಾತು ಚ ಉಪ್ಪಜ್ಜತಿ.

(ಕ) ಯಸ್ಸ ಚಕ್ಖುಧಾತು ಉಪ್ಪಜ್ಜತಿ ತಸ್ಸ ಘಾನಧಾತು ಉಪ್ಪಜ್ಜತೀತಿ?

ಸಚಕ್ಖುಕಾನಂ ಅಘಾನಕಾನಂ ಉಪಪಜ್ಜನ್ತಾನಂ ತೇಸಂ ಚಕ್ಖುಧಾತು ಉಪ್ಪಜ್ಜತಿ, ನೋ ಚ ತೇಸಂ ಘಾನಧಾತು ಉಪ್ಪಜ್ಜತಿ. ಸಚಕ್ಖುಕಾನಂ ಸಘಾನಕಾನಂ ಉಪಪಜ್ಜನ್ತಾನಂ ತೇಸಂ ಚಕ್ಖುಧಾತು ಚ ಉಪ್ಪಜ್ಜತಿ ಘಾನಧಾತು ಚ ಉಪ್ಪಜ್ಜತಿ.

(ಖ) ಯಸ್ಸ ವಾ ಪನ ಘಾನಧಾತು ಉಪ್ಪಜ್ಜತಿ ತಸ್ಸ ಚಕ್ಖುಧಾತು ಉಪ್ಪಜ್ಜತೀತಿ?

ಸಘಾನಕಾನಂ ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಘಾನಧಾತು ಉಪ್ಪಜ್ಜತಿ, ನೋ ಚ ತೇಸಂ ಚಕ್ಖುಧಾತು ಉಪ್ಪಜ್ಜತಿ. ಸಘಾನಕಾನಂ ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಘಾನಧಾತು ಚ ಉಪ್ಪಜ್ಜತಿ ಚಕ್ಖುಧಾತು ಚ ಉಪ್ಪಜ್ಜತಿ.

(ಕ) ಯಸ್ಸ ಚಕ್ಖುಧಾತು ಉಪ್ಪಜ್ಜತಿ ತಸ್ಸ ರೂಪಧಾತು ಉಪ್ಪಜ್ಜತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ರೂಪಧಾತು ಉಪ್ಪಜ್ಜತಿ ತಸ್ಸ ಚಕ್ಖುಧಾತು ಉಪ್ಪಜ್ಜತೀತಿ?

ಸರೂಪಕಾನಂ ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ರೂಪಧಾತು ಉಪ್ಪಜ್ಜತಿ, ನೋ ಚ ತೇಸಂ ಚಕ್ಖುಧಾತು ಉಪ್ಪಜ್ಜತಿ. ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ರೂಪಧಾತು ಚ ಉಪ್ಪಜ್ಜತಿ ಚಕ್ಖುಧಾತು ಚ ಉಪ್ಪಜ್ಜತಿ.

(ಕ) ಯಸ್ಸ ಚಕ್ಖುಧಾತು ಉಪ್ಪಜ್ಜತಿ ತಸ್ಸ ಮನೋವಿಞ್ಞಾಣಧಾತು ಉಪ್ಪಜ್ಜತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಮನೋವಿಞ್ಞಾಣಧಾತು ಉಪ್ಪಜ್ಜತಿ ತಸ್ಸ ಚಕ್ಖುಧಾತು ಉಪ್ಪಜ್ಜತೀತಿ?

ಸಚಿತ್ತಕಾನಂ ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಮನೋವಿಞ್ಞಾಣಧಾತು ಉಪ್ಪಜ್ಜತಿ, ನೋ ಚ ತೇಸಂ ಚಕ್ಖುಧಾತು ಉಪ್ಪಜ್ಜತಿ. ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಮನೋವಿಞ್ಞಾಣಧಾತು ಚ ಉಪ್ಪಜ್ಜತಿ ಚಕ್ಖುಧಾತು ಚ ಉಪ್ಪಜ್ಜತಿ.

(ಕ) ಯಸ್ಸ ಚಕ್ಖುಧಾತು ಉಪ್ಪಜ್ಜತಿ ತಸ್ಸ ಧಮ್ಮಧಾತು ಉಪ್ಪಜ್ಜತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಧಮ್ಮಧಾತು ಉಪ್ಪಜ್ಜತಿ ತಸ್ಸ ಚಕ್ಖುಧಾತು ಉಪ್ಪಜ್ಜತೀತಿ?

ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಧಾತು ಉಪ್ಪಜ್ಜತಿ, ನೋ ಚ ತೇಸಂ ಚಕ್ಖುಧಾತು ಉಪ್ಪಜ್ಜತಿ. ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಧಾತು ಚ ಉಪ್ಪಜ್ಜತಿ ಚಕ್ಖುಧಾತು ಚ ಉಪ್ಪಜ್ಜತಿ.

(ಯಥಾ ಆಯತನಯಮಕಂ ವಿಭತ್ತಂ ಏವಂ ಧಾತುಯಮಕಮ್ಪಿ ವಿಭಜಿತಬ್ಬಂ, ಸದಿಸಂ ಕಾತಬ್ಬಂ).