೪. ಪಚ್ಚುಪ್ಪನ್ನಾತೀತವಾರೋ

೨೫೨. (ಕ) ಯೋ ಚಕ್ಖಾಯತನಂ ಪರಿಜಾನಾತಿ ಸೋ ಸೋತಾಯತನಂ ಪರಿಜಾನಿತ್ಥಾತಿ? ನೋ.

(ಖ) ಯೋ ವಾ ಪನ ಸೋತಾಯತನಂ ಪರಿಜಾನಿತ್ಥ ಸೋ ಚಕ್ಖಾಯತನಂ ಪರಿಜಾನಾತೀತಿ? ನೋ.

(ಕ) ಯೋ ಚಕ್ಖಾಯತನಂ ನ ಪರಿಜಾನಾತಿ ಸೋ ಸೋತಾಯತನಂ ನ ಪರಿಜಾನಿತ್ಥಾತಿ?

ಅರಹಾ ಚಕ್ಖಾಯತನಂ ನ ಪರಿಜಾನಾತಿ, ನೋ ಚ ಸೋತಾಯತನಂ ನ ಪರಿಜಾನಿತ್ಥ. ಅಗ್ಗಮಗ್ಗಸಮಙ್ಗಿಞ್ಚ ಅರಹನ್ತಞ್ಚ ಠಪೇತ್ವಾ ಅವಸೇಸಾ ಪುಗ್ಗಲಾ ಚಕ್ಖಾಯತನಞ್ಚ ನ ಪರಿಜಾನನ್ತಿ ಸೋತಾಯತನಞ್ಚ ನ ಪರಿಜಾನಿತ್ಥ.

(ಖ) ಯೋ ವಾ ಪನ ಸೋತಾಯತನಂ ನ ಪರಿಜಾನಿತ್ಥ ಸೋ ಚಕ್ಖಾಯತನಂ ನ ಪರಿಜಾನಾತೀತಿ?

ಅಗ್ಗಮಗ್ಗಸಮಙ್ಗೀ ಸೋತಾಯತನಂ ನ ಪರಿಜಾನಿತ್ಥ, ನೋ ಚ ಚಕ್ಖಾಯತನಂ ನ ಪರಿಜಾನಾತಿ. ಅಗ್ಗಮಗ್ಗಸಮಙ್ಗಿಞ್ಚ ಅರಹನ್ತಞ್ಚ ಠಪೇತ್ವಾ ಅವಸೇಸಾ ಪುಗ್ಗಲಾ ಸೋತಾಯತನಞ್ಚ ನ ಪರಿಜಾನಿತ್ಥ ಚಕ್ಖಾಯತನಞ್ಚ ನ ಪರಿಜಾನನ್ತಿ.