(೫) ಪಚ್ಚುಪ್ಪನ್ನಾನಾಗತವಾರೋ
(ಕ) ಅನುಲೋಮಪುಗ್ಗಲೋ
೧೬೬. (ಕ) ಯಸ್ಸ ಚಕ್ಖಾಯತನಂ ನಿರುಜ್ಝತಿ ತಸ್ಸ ಸೋತಾಯತನಂ ನಿರುಜ್ಝಿಸ್ಸತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಚಕ್ಖಾಯತನಂ ನಿರುಜ್ಝತಿ, ನೋ ಚ ತೇಸಂ ಸೋತಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಸಚಕ್ಖುಕಾನಂ ಚವನ್ತಾನಂ ತೇಸಂ ಚಕ್ಖಾಯತನಞ್ಚ ನಿರುಜ್ಝತಿ ಸೋತಾಯತನಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಸೋತಾಯತನಂ ನಿರುಜ್ಝಿಸ್ಸತಿ ತಸ್ಸ ಚಕ್ಖಾಯತನಂ ನಿರುಜ್ಝತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ ಸೋತಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ಚಕ್ಖಾಯತನಂ ನಿರುಜ್ಝತಿ. ಸಚಕ್ಖುಕಾನಂ ಚವನ್ತಾನಂ ತೇಸಂ ಸೋತಾಯತನಞ್ಚ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನಿರುಜ್ಝತಿ.
(ಕ) ಯಸ್ಸ ಚಕ್ಖಾಯತನಂ ನಿರುಜ್ಝತಿ ತಸ್ಸ ಘಾನಾಯತನಂ ನಿರುಜ್ಝಿಸ್ಸತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಚಕ್ಖಾಯತನಂ ನಿರುಜ್ಝತಿ, ನೋ ಚ ತೇಸಂ ಘಾನಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಸಚಕ್ಖುಕಾನಂ ಚವನ್ತಾನಂ ತೇಸಂ ಚಕ್ಖಾಯತನಞ್ಚ ನಿರುಜ್ಝತಿ ಘಾನಾಯತನಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಘಾನಾಯತನಂ…ಪೇ….
(ಕ) ಯಸ್ಸ ಚಕ್ಖಾಯತನಂ ನಿರುಜ್ಝತಿ ತಸ್ಸ ರೂಪಾಯತನಂ ನಿರುಜ್ಝಿಸ್ಸತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಚಕ್ಖಾಯತನಂ ನಿರುಜ್ಝತಿ, ನೋ ಚ ತೇಸಂ ರೂಪಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಸಚಕ್ಖುಕಾನಂ ಚವನ್ತಾನಂ ತೇಸಂ ಚಕ್ಖಾಯತನಞ್ಚ ನಿರುಜ್ಝತಿ ರೂಪಾಯತನಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ರೂಪಾಯತನಂ…ಪೇ….
ಯಸ್ಸ ಚಕ್ಖಾಯತನಂ ನಿರುಜ್ಝತಿ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ನಿರುಜ್ಝಿಸ್ಸತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ಚಕ್ಖಾಯತನಂ ನಿರುಜ್ಝತಿ, ನೋ ಚ ತೇಸಂ ಧಮ್ಮಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಸಚಕ್ಖುಕಾನಂ ಚವನ್ತಾನಂ ತೇಸಂ ಚಕ್ಖಾಯತನಞ್ಚ ನಿರುಜ್ಝತಿ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ.
ಯಸ್ಸ ವಾ ಪನ ಧಮ್ಮಾಯತನಂ ನಿರುಜ್ಝಿಸ್ಸತಿ ತಸ್ಸ ಚಕ್ಖಾಯತನಂ ನಿರುಜ್ಝತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ…ಪೇ… ಸಚಕ್ಖುಕಾನಂ ಚವನ್ತಾನಂ ತೇಸಂ…ಪೇ….
೧೬೭. (ಕ) ಯಸ್ಸ ಘಾನಾಯತನಂ ನಿರುಜ್ಝತಿ ತಸ್ಸ ರೂಪಾಯತನಂ ನಿರುಜ್ಝಿಸ್ಸತೀತಿ?
ಕಾಮಾವಚರೇ ಪರಿನಿಬ್ಬನ್ತಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಘಾನಾಯತನಂ ನಿರುಜ್ಝತಿ, ನೋ ಚ ತೇಸಂ ರೂಪಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಸಘಾನಕಾನಂ ಚವನ್ತಾನಂ ತೇಸಂ ಘಾನಾಯತನಞ್ಚ ನಿರುಜ್ಝತಿ ರೂಪಾಯತನಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ರೂಪಾಯತನಂ ನಿರುಜ್ಝಿಸ್ಸತಿ ತಸ್ಸ ಘಾನಾಯತನಂ ನಿರುಜ್ಝತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅಘಾನಕಾನಂ ಚವನ್ತಾನಂ ತೇಸಂ ರೂಪಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ಘಾನಾಯತನಂ ನಿರುಜ್ಝತಿ. ಸಘಾನಕಾನಂ ಚವನ್ತಾನಂ ತೇಸಂ ರೂಪಾಯತನಞ್ಚ ನಿರುಜ್ಝಿಸ್ಸತಿ ಘಾನಾಯತನಞ್ಚ ನಿರುಜ್ಝತಿ.
ಯಸ್ಸ ಘಾನಾಯತನಂ ನಿರುಜ್ಝತಿ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ನಿರುಜ್ಝಿಸ್ಸತೀತಿ?
ಕಾಮಾವಚರೇ ಪರಿನಿಬ್ಬನ್ತಾನಂ ತೇಸಂ ಘಾನಾಯತನಂ ನಿರುಜ್ಝತಿ, ನೋ ಚ ತೇಸಂ ಧಮ್ಮಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಸಘಾನಕಾನಂ ಚವನ್ತಾನಂ ತೇಸಂ ಘಾನಾಯತನಞ್ಚ ನಿರುಜ್ಝತಿ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ.
ಯಸ್ಸ ವಾ ಪನ ಧಮ್ಮಾಯತನಂ…ಪೇ….
೧೬೮. ಯಸ್ಸ ರೂಪಾಯತನಂ ನಿರುಜ್ಝತಿ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ನಿರುಜ್ಝಿಸ್ಸತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ರೂಪಾಯತನಂ ನಿರುಜ್ಝತಿ, ನೋ ಚ ತೇಸಂ ಧಮ್ಮಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಸರೂಪಕಾನಂ ಚವನ್ತಾನಂ ತೇಸಂ ರೂಪಾಯತನಞ್ಚ ನಿರುಜ್ಝತಿ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ.
ಯಸ್ಸ ವಾ ಪನ ಧಮ್ಮಾಯತನಂ ನಿರುಜ್ಝಿಸ್ಸತಿ ತಸ್ಸ ರೂಪಾಯತನಂ ನಿರುಜ್ಝತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅರೂಪಕಾನಂ ಚವನ್ತಾನಂ ತೇಸಂ ಧಮ್ಮಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ರೂಪಾಯತನಂ ನಿರುಜ್ಝತಿ. ಸರೂಪಕಾನಂ ಚವನ್ತಾನಂ ತೇಸಂ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ ರೂಪಾಯತನಞ್ಚ ನಿರುಜ್ಝತಿ.
೧೬೯. (ಕ) ಯಸ್ಸ ಮನಾಯತನಂ ನಿರುಜ್ಝತಿ ತಸ್ಸ ಧಮ್ಮಾಯತನಂ ನಿರುಜ್ಝಿಸ್ಸತೀತಿ?
ಪರಿನಿಬ್ಬನ್ತಾನಂ ತೇಸಂ ಮನಾಯತನಂ ನಿರುಜ್ಝತಿ, ನೋ ಚ ತೇಸಂ ಧಮ್ಮಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಸಚಿತ್ತಕಾನಂ ಚವನ್ತಾನಂ ತೇಸಂ ಮನಾಯತನಞ್ಚ ನಿರುಜ್ಝತಿ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಧಮ್ಮಾಯತನಂ ನಿರುಜ್ಝಿಸ್ಸತಿ ತಸ್ಸ ಮನಾಯತನಂ ನಿರುಜ್ಝತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅಚಿತ್ತಕಾನಂ ಚವನ್ತಾನಂ ತೇಸಂ ಧಮ್ಮಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ಮನಾಯತನಂ ನಿರುಜ್ಝತಿ. ಸಚಿತ್ತಕಾನಂ ಚವನ್ತಾನಂ ತೇಸಂ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ ಮನಾಯತನಞ್ಚ ನಿರುಜ್ಝತಿ.
(ಖ) ಅನುಲೋಮಓಕಾಸೋ
೧೭೦. ಯತ್ಥ ಚಕ್ಖಾಯತನಂ ನಿರುಜ್ಝತಿ…ಪೇ….
(ಗ) ಅನುಲೋಮಪುಗ್ಗಲೋಕಾಸಾ
೧೭೧. (ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝತಿ ತಸ್ಸ ತತ್ಥ ಸೋತಾಯತನಂ ನಿರುಜ್ಝಿಸ್ಸತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ಸೋತಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಸಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನಿರುಜ್ಝತಿ ಸೋತಾಯತನಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಸೋತಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನಿರುಜ್ಝತೀತಿ?
ಪಞ್ಚವೋಕಾರಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಕಾಮಾವಚರಾ ಚವನ್ತಾನಂ ತೇಸಂ ತತ್ಥ ಸೋತಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝತಿ. ಸಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ಸೋತಾಯತನಞ್ಚ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನಿರುಜ್ಝತಿ.
(ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝತಿ ತಸ್ಸ ತತ್ಥ ಘಾನಾಯತನಂ ನಿರುಜ್ಝಿಸ್ಸತೀತಿ?
ಕಾಮಾವಚರೇ ಪರಿನಿಬ್ಬನ್ತಾನಂ ರೂಪಾವಚರಾ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ಘಾನಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಸಚಕ್ಖುಕಾನಂ ಕಾಮಾವಚರಾ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನಿರುಜ್ಝತಿ ಘಾನಾಯತನಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಘಾನಾಯತನಂ…ಪೇ… (ಯಥಾ ಪಚ್ಚುಪ್ಪನ್ನಾತೀತೇಪಿ ತಿವಿಧಂ ವಿತ್ಥಾರಿತಂ ಏವಂ ಇದಮ್ಪಿ ವಿತ್ಥಾರೇತಬ್ಬಂ).
(ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝತಿ ತಸ್ಸ ತತ್ಥ ರೂಪಾಯತನಂ ನಿರುಜ್ಝಿಸ್ಸತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ರೂಪಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಸಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನಿರುಜ್ಝತಿ ರೂಪಾಯತನಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ…ಪೇ….
(ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝತಿ ತಸ್ಸ ತತ್ಥ ಮನಾಯತನಂ ನಿರುಜ್ಝಿಸ್ಸತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ಮನಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಸಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನಿರುಜ್ಝತಿ ಮನಾಯತನಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ…ಪೇ….
(ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝತಿ ತಸ್ಸ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಸಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನಿರುಜ್ಝತಿ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನಿರುಜ್ಝತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝತಿ. ಸಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನಿರುಜ್ಝತಿ. (ಚಕ್ಖಾಯತನಮೂಲಕಂ)
೧೭೨. (ಕ) ಯಸ್ಸ ಯತ್ಥ ಘಾನಾಯತನಂ ನಿರುಜ್ಝತಿ ತಸ್ಸ ತತ್ಥ ರೂಪಾಯತನಂ ನಿರುಜ್ಝಿಸ್ಸತೀತಿ?
ಕಾಮಾವಚರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಘಾನಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ರೂಪಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಸಘಾನಕಾನಂ ಚವನ್ತಾನಂ ತೇಸಂ ತತ್ಥ ಘಾನಾಯತನಞ್ಚ ನಿರುಜ್ಝತಿ ರೂಪಾಯತನಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಘಾನಾಯತನಂ ನಿರುಜ್ಝತೀತಿ? ಕಾಮಾವಚರೇ ಪರಿನಿಬ್ಬಾನ್ತಾನಂ ತೇಸಂ ತತ್ಥ…ಪೇ….
ಕಾಮಾವಚರಂ ಉಪಪಜ್ಜನ್ತಾನಂ ಅಘಾನಕಾನಂ ಕಾಮಾವಚರಾ ಚವನ್ತಾನಂ ರೂಪಾವಚರಾನಂ ತೇಸಂ ತತ್ಥ…ಪೇ….
ಯಸ್ಸ ಯತ್ಥ ಘಾನಾಯತನಂ ನಿರುಜ್ಝತಿ ತಸ್ಸ ತತ್ಥ ಮನಾಯತನಂ…ಪೇ… ಧಮ್ಮಾಯತನಂ ನಿರುಜ್ಝಿಸ್ಸತೀತಿ?
ಕಾಮಾವಚರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಘಾನಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಸಘಾನಕಾನಂ ಚವನ್ತಾನಂ ತೇಸಂ ತತ್ಥ ಘಾನಾಯತನಞ್ಚ ನಿರುಜ್ಝತಿ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ.
ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ…ಪೇ….
೧೭೩. (ಕ) ಯಸ್ಸ ಯತ್ಥ ರೂಪಾಯತನಂ ನಿರುಜ್ಝತಿ ತಸ್ಸ ತತ್ಥ ಮನಾಯತನಂ ನಿರುಜ್ಝಿಸ್ಸತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾ ಚವನ್ತಾನಂ ತೇಸಂ ತತ್ಥ ರೂಪಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ಮನಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಪಞ್ಚವೋಕಾರಾ ಚವನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ನಿರುಜ್ಝತಿ ಮನಾಯತನಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ…ಪೇ….
(ಕ) ಯಸ್ಸ ಯತ್ಥ ರೂಪಾಯತನಂ ನಿರುಜ್ಝತಿ ತಸ್ಸ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ರೂಪಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಸರೂಪಕಾನಂ ಚವನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ನಿರುಜ್ಝತಿ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ರೂಪಾಯತನಂ ನಿರುಜ್ಝತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅರೂಪಕಾನಂ ಚವನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ರೂಪಾಯತನಂ ನಿರುಜ್ಝತಿ. ಸರೂಪಕಾನಂ ಚವನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ ರೂಪಾಯತನಞ್ಚ ನಿರುಜ್ಝತಿ.
೧೭೪. (ಕ) ಯಸ್ಸ ಯತ್ಥ ಮನಾಯತನಂ ನಿರುಜ್ಝತಿ ತಸ್ಸ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತೀತಿ?
ಪರಿನಿಬ್ಬನ್ತಾನಂ ತೇಸಂ ತತ್ಥ ಮನಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಸಚಿತ್ತಕಾನಂ ಚವನ್ತಾನಂ ತೇಸಂ ತತ್ಥ ಮನಾಯತನಞ್ಚ ನಿರುಜ್ಝತಿ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಮನಾಯತನಂ ನಿರುಜ್ಝತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅಚಿತ್ತಕಾನಂ ಚವನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಮನಾಯತನಂ ನಿರುಜ್ಝತಿ. ಸಚಿತ್ತಕಾನಂ ಚವನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ ಮನಾಯತನಞ್ಚ ನಿರುಜ್ಝತಿ.
(ಘ) ಪಚ್ಚನೀಕಪುಗ್ಗಲೋ
೧೭೫. (ಕ) ಯಸ್ಸ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ಸೋತಾಯತನಂ ನ ನಿರುಜ್ಝಿಸ್ಸತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ಸೋತಾಯತನಂ ನ ನಿರುಜ್ಝಿಸ್ಸತಿ. ಅರೂಪೇ ಪಚ್ಛಿಮಭವಿಕಾನಂ ತೇಸಂ ಚಕ್ಖಾಯತನಞ್ಚ ನ ನಿರುಜ್ಝತಿ ಸೋತಾಯತನಞ್ಚ ನ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಸೋತಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಚಕ್ಖಾಯತನಂ ನ ನಿರುಜ್ಝತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಸೋತಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ಚಕ್ಖಾಯತನಂ ನ ನಿರುಜ್ಝತಿ. ಅರೂಪೇ ಪಚ್ಛಿಮಭವಿಕಾನಂ ತೇಸಂ ಸೋತಾಯತನಞ್ಚ ನ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನ ನಿರುಜ್ಝತಿ.
(ಕ) ಯಸ್ಸ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ಘಾನಾಯತನಂ ನ ನಿರುಜ್ಝಿಸ್ಸತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ಘಾನಾಯತನಂ ನ ನಿರುಜ್ಝಿಸ್ಸತಿ. ಪಚ್ಛಿಮಭವಿಕಾನಂ ರೂಪಾವಚರಂ ಉಪಪಜ್ಜನ್ತಾನಂ ಅರೂಪೇ ಪಚ್ಛಿಮಭವಿಕಾನಂ ತೇಸಂ ಚಕ್ಖಾಯತನಞ್ಚ ನ ನಿರುಜ್ಝತಿ ಘಾನಾಯತನಞ್ಚ ನ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಘಾನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಚಕ್ಖಾಯತನಂ ನ ನಿರುಜ್ಝತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಘಾನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ಚಕ್ಖಾಯತನಂ ನ ನಿರುಜ್ಝತಿ. ಪಚ್ಛಿಮಭವಿಕಾನಂ ರೂಪಾವಚರಂ ಉಪಪಜ್ಜನ್ತಾನಂ ಅರೂಪೇ ಪಚ್ಛಿಮಭವಿಕಾನಂ ತೇಸಂ ಘಾನಾಯತನಞ್ಚ ನ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನ ನಿರುಜ್ಝತಿ.
(ಕ) ಯಸ್ಸ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ರೂಪಾಯತನಂ ನ ನಿರುಜ್ಝಿಸ್ಸತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ರೂಪಾಯತನಂ ನ ನಿರುಜ್ಝಿಸ್ಸತಿ. ಅರೂಪೇ ಪಚ್ಛಿಮಭವಿಕಾನಂ ತೇಸಂ ಚಕ್ಖಾಯತನಞ್ಚ ನ ನಿರುಜ್ಝತಿ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ರೂಪಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಚಕ್ಖಾಯತನಂ ನ ನಿರುಜ್ಝತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ರೂಪಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ಚಕ್ಖಾಯತನಂ ನ ನಿರುಜ್ಝತಿ. ಅರೂಪೇ ಪಚ್ಛಿಮಭವಿಕಾನಂ ತೇಸಂ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನ ನಿರುಜ್ಝತಿ.
ಯಸ್ಸ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ಧಮ್ಮಾಯತನಂ ನ ನಿರುಜ್ಝಿಸ್ಸತಿ. ಅರೂಪೇ ಪರಿನಿಬ್ಬನ್ತಾನಂ ತೇಸಂ ಚಕ್ಖಾಯತನಞ್ಚ ನ ನಿರುಜ್ಝತಿ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ.
ಯಸ್ಸ ವಾ ಪನ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಚಕ್ಖಾಯತನಂ ನ ನಿರುಜ್ಝತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ಧಮ್ಮಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ಚಕ್ಖಾಯತನಂ ನ ನಿರುಜ್ಝತಿ. ಅರೂಪೇ ಪರಿನಿಬ್ಬನ್ತಾನಂ ತೇಸಂ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನ ನಿರುಜ್ಝತಿ.
೧೭೬. (ಕ) ಯಸ್ಸ ಘಾನಾಯತನಂ ನ ನಿರುಜ್ಝತಿ ತಸ್ಸ ರೂಪಾಯತನಂ ನ ನಿರುಜ್ಝಿಸ್ಸತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅಘಾನಕಾನಂ ಚವನ್ತಾನಂ ತೇಸಂ ಘಾನಾಯತನಂ ನ ನಿರುಜ್ಝತಿ, ನೋ ಚ ತೇಸಂ ರೂಪಾಯತನಂ ನ ನಿರುಜ್ಝಿಸ್ಸತಿ. ರೂಪಾವಚರೇ ಪರಿನಿಬ್ಬನ್ತಾನಂ ಅರೂಪೇ ಪಚ್ಛಿಮಭವಿಕಾನಂ ತೇಸಂ ಘಾನಾಯತನಞ್ಚ ನ ನಿರುಜ್ಝತಿ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ರೂಪಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಘಾನಾಯತನಂ ನ ನಿರುಜ್ಝತೀತಿ?
ಕಾಮಾವಚರೇ ಪರಿನಿಬ್ಬನ್ತಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ರೂಪಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ಘಾನಾಯತನಂ ನ ನಿರುಜ್ಝತಿ. ರೂಪಾವಚರೇ ಪರಿನಿಬ್ಬನ್ತಾನಂ ಅರೂಪೇ ಪಚ್ಛಿಮಭವಿಕಾನಂ ತೇಸಂ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ ಘಾನಾಯತನಞ್ಚ ನ ನಿರುಜ್ಝತಿ.
ಯಸ್ಸ ಘಾನಾಯತನಂ ನ ನಿರುಜ್ಝತಿ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅಘಾನಕಾನಂ ಚವನ್ತಾನಂ ತೇಸಂ ಘಾನಾಯತನಂ ನ ನಿರುಜ್ಝತಿ, ನೋ ಚ ತೇಸಂ ಧಮ್ಮಾಯತನಂ ನ ನಿರುಜ್ಝಿಸ್ಸತಿ. ರೂಪಾವಚರೇ ಅರೂಪಾವಚರೇ ಪರಿನಿಬ್ಬನ್ತಾನಂ ತೇಸಂ ಘಾನಾಯತನಞ್ಚ ನ ನಿರುಜ್ಝತಿ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ.
ಯಸ್ಸ ವಾ ಪನ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಘಾನಾಯತನಂ ನ ನಿರುಜ್ಝತೀತಿ?
ಕಾಮಾವಚರೇ ಪರಿನಿಬ್ಬನ್ತಾನಂ ತೇಸಂ ಧಮ್ಮಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ಘಾನಾಯತನಂ ನ ನಿರುಜ್ಝತಿ. ರೂಪಾವಚರೇ ಅರೂಪಾವಚರೇ ಪರಿನಿಬ್ಬನ್ತಾನಂ ತೇಸಂ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ ಘಾನಾಯತನಞ್ಚ ನ ನಿರುಜ್ಝತಿ.
೧೭೭. ಯಸ್ಸ ರೂಪಾಯತನಂ ನ ನಿರುಜ್ಝತಿ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅರೂಪಕಾನಂ ಚವನ್ತಾನಂ ತೇಸಂ ರೂಪಾಯತನಂ ನ ನಿರುಜ್ಝತಿ, ನೋ ಚ ತೇಸಂ ಧಮ್ಮಾಯತನಂ ನ ನಿರುಜ್ಝಿಸ್ಸತಿ. ಅರೂಪೇ ಪರಿನಿಬ್ಬನ್ತಾನಂ ತೇಸಂ ರೂಪಾಯತನಞ್ಚ ನ ನಿರುಜ್ಝತಿ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ.
ಯಸ್ಸ ವಾ ಪನ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ರೂಪಾಯತನಂ ನ ನಿರುಜ್ಝತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ಧಮ್ಮಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ರೂಪಾಯತನಂ ನ ನಿರುಜ್ಝತಿ. ಅರೂಪೇ ಪರಿನಿಬ್ಬನ್ತಾನಂ ತೇಸಂ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ ರೂಪಾಯತನಞ್ಚ ನ ನಿರುಜ್ಝತಿ.
೧೭೮. (ಕ) ಯಸ್ಸ ಮನಾಯತನಂ ನ ನಿರುಜ್ಝತಿ ತಸ್ಸ ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ? ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಮನಾಯತನಂ ನ ನಿರುಜ್ಝತೀತಿ? ನಿರುಜ್ಝತಿ.
(ಙ) ಪಚ್ಚನೀಕಓಕಾಸೋ
೧೭೯. ಯತ್ಥ ಚಕ್ಖಾಯತನಂ ನ ನಿರುಜ್ಝತಿ…ಪೇ….
(ಚ) ಪಚ್ಚನೀಕಪುಗ್ಗಲೋಕಾಸಾ
೧೮೦. (ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಸೋತಾಯತನಂ ನ ನಿರುಜ್ಝಿಸ್ಸತೀತಿ?
ಪಞ್ಚವೋಕಾರಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಕಾಮಾವಚರಾ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಸೋತಾಯತನಂ ನ ನಿರುಜ್ಝಿಸ್ಸತಿ. ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನ ನಿರುಜ್ಝತಿ ಸೋತಾಯತನಞ್ಚ ನ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಸೋತಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಸೋತಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ. ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಸೋತಾಯತನಞ್ಚ ನ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನ ನಿರುಜ್ಝತಿ.
(ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಘಾನಾಯತನಂ ನ ನಿರುಜ್ಝಿಸ್ಸತೀತಿ?
ಕಾಮಾವಚರಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಕಾಮಾವಚರಾ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝಿಸ್ಸತಿ. ರೂಪಾವಚರಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನ ನಿರುಜ್ಝತಿ ಘಾನಾಯತನಞ್ಚ ನ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಘಾನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝತೀತಿ?
ಕಾಮಾವಚರೇ ಪರಿನಿಬ್ಬನ್ತಾನಂ ರೂಪಾವಚರಾ ಚವನ್ತಾನಂ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ. ರೂಪಾವಚರಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಘಾನಾಯತನಞ್ಚ ನ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನ ನಿರುಜ್ಝತಿ.
(ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತೀತಿ?
ಪಞ್ಚವೋಕಾರಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಕಾಮಾವಚರಾ ಚವನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ. ಅರೂಪಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನ ನಿರುಜ್ಝತಿ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ. ಅರೂಪಾನಂ ತೇಸಂ ತತ್ಥ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನ ನಿರುಜ್ಝತಿ.
(ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಮನಾಯತನಂ ನ ನಿರುಜ್ಝಿಸ್ಸತೀತಿ?
ಪಞ್ಚವೋಕಾರಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಕಾಮಾವಚರಾ ಚವನ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿಸ್ಸತಿ. ಅರೂಪೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನ ನಿರುಜ್ಝತಿ ಮನಾಯತನಞ್ಚ ನ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ. ಅರೂಪೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಮನಾಯತನಞ್ಚ ನ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನ ನಿರುಜ್ಝತಿ.
(ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ. ಅರೂಪೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನ ನಿರುಜ್ಝತಿ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ. ಅರೂಪೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನ ನಿರುಜ್ಝತಿ. (ಚಕ್ಖಾಯತನಮೂಲಕಂ)
೧೮೧. (ಕ) ಯಸ್ಸ ಯತ್ಥ ಘಾನಾಯತನಂ ನ ನಿರುಜ್ಝತಿ ತಸ್ಸ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತೀತಿ?
ಕಾಮಾವಚರಂ ಉಪಪಜ್ಜನ್ತಾನಂ ಅಘಾನಕಾನಂ ಕಾಮಾವಚರಾ ಚವನ್ತಾನಂ ರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ. ರೂಪಾವಚರೇ ಪರಿನಿಬ್ಬನ್ತಾನಂ ಅರೂಪಾನಂ ತೇಸಂ ತತ್ಥ ಘಾನಾಯತನಞ್ಚ ನ ನಿರುಜ್ಝತಿ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಘಾನಾಯತನಂ ನ ನಿರುಜ್ಝತೀತಿ?
ಕಾಮಾವಚರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝತಿ. ರೂಪಾವಚರೇ ಪರಿನಿಬ್ಬನ್ತಾನಂ ಅರೂಪಾನಂ ತೇಸಂ ತತ್ಥ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ ಘಾನಾಯತನಞ್ಚ ನ ನಿರುಜ್ಝತಿ.
(ಕ) ಯಸ್ಸ ಯತ್ಥ ಘಾನಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಮನಾಯತನಂ ನ ನಿರುಜ್ಝಿಸ್ಸತೀತಿ?
ಕಾಮಾವಚರಂ ಉಪಪಜ್ಜನ್ತಾನಂ ಅಘಾನಕಾನಂ ಕಾಮಾವಚರಾ ಚವನ್ತಾನಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿಸ್ಸತಿ. ರೂಪಾವಚರೇ ಅರೂಪಾವಚರೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಘಾನಾಯತನಞ್ಚ ನ ನಿರುಜ್ಝತಿ ಮನಾಯತನಞ್ಚ ನ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಘಾನಾಯತನಂ ನ ನಿರುಜ್ಝತೀತಿ?
ಕಾಮಾವಚರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝತಿ. ರೂಪಾವಚರೇ ಅರೂಪಾವಚರೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಮನಾಯತನಞ್ಚ ನ ನಿರುಜ್ಝಿಸ್ಸತಿ ಘಾನಾಯತನಞ್ಚ ನ ನಿರುಜ್ಝತಿ.
(ಕ) ಯಸ್ಸ ಯತ್ಥ ಘಾನಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅಘಾನಕಾನಂ ಚವನ್ತಾನಂ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ. ರೂಪಾವಚರೇ ಅರೂಪಾವಚರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಘಾನಾಯತನಞ್ಚ ನ ನಿರುಜ್ಝತಿ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಘಾನಾಯತನಂ ನ ನಿರುಜ್ಝತೀತಿ?
ಕಾಮಾವಚರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝತಿ. ರೂಪಾವಚರೇ ಅರೂಪಾವಚರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ ಘಾನಾಯತನಞ್ಚ ನ ನಿರುಜ್ಝತಿ. (ಘಾನಾಯತನಮೂಲಕಂ)
೧೮೨. (ಕ) ಯಸ್ಸ ಯತ್ಥ ರೂಪಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಮನಾಯತನಂ ನ ನಿರುಜ್ಝಿಸ್ಸತೀತಿ?
ಪಞ್ಚವೋಕಾರಂ ಉಪಪಜ್ಜನ್ತಾನಂ ಅರೂಪಾನಂ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿಸ್ಸತಿ. ಅರೂಪೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಂ ಉಪಪಜ್ಜನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ನ ನಿರುಜ್ಝತಿ ಮನಾಯತನಞ್ಚ ನ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ರೂಪಾಯತನಂ ನ ನಿರುಜ್ಝತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾ ಚವನ್ತಾನಂ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝತಿ. ಅರೂಪೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಂ ಉಪಪಜ್ಜನ್ತಾನಂ ತೇಸಂ ತತ್ಥ ಮನಾಯತನಞ್ಚ ನ ನಿರುಜ್ಝಿಸ್ಸತಿ ರೂಪಾಯತನಞ್ಚ ನ ನಿರುಜ್ಝತಿ.
(ಕ) ಯಸ್ಸ ಯತ್ಥ ರೂಪಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ?
ಸಬ್ಬೇಸಂ ಉಪಪಜ್ಜನ್ತಾನಂ ಅರೂಪಕಾನಂ ಚವನ್ತಾನಂ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ. ಅರೂಪೇ ಪರಿನಿಬ್ಬನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ನ ನಿರುಜ್ಝತಿ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ರೂಪಾಯತನಂ ನ ನಿರುಜ್ಝತೀತಿ?
ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝತಿ. ಅರೂಪೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ ರೂಪಾಯತನಞ್ಚ ನ ನಿರುಜ್ಝತಿ. (ರೂಪಾಯತನಮೂಲಕಂ)
೧೮೩. (ಕ) ಯಸ್ಸ ಯತ್ಥ ಮನಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ? ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಮನಾಯತನಂ ನ ನಿರುಜ್ಝತೀತಿ? ನಿರುಜ್ಝತಿ.