(೬) ಅತೀತಾನಾಗತವಾರೋ

(ಕ) ಅನುಲೋಮಪುಗ್ಗಲೋ

೧೮೪. (ಕ) ಯಸ್ಸ ಚಕ್ಖಾಯತನಂ ನಿರುಜ್ಝಿತ್ಥ ತಸ್ಸ ಸೋತಾಯತನಂ ನಿರುಜ್ಝಿಸ್ಸತೀತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಅರೂಪೇ ಪಚ್ಛಿಮಭವಿಕಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಚಕ್ಖಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ಸೋತಾಯತನಂ ನಿರುಜ್ಝಿಸ್ಸತಿ. ಇತರೇಸಂ ತೇಸಂ ಚಕ್ಖಾಯತನಞ್ಚ ನಿರುಜ್ಝಿತ್ಥ ಸೋತಾಯತನಞ್ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಸೋತಾಯತನಂ ನಿರುಜ್ಝಿಸ್ಸತಿ ತಸ್ಸ ಚಕ್ಖಾಯತನಂ ನಿರುಜ್ಝಿತ್ಥಾತಿ? ಆಮನ್ತಾ.

(ಕ) ಯಸ್ಸ ಚಕ್ಖಾಯತನಂ ನಿರುಜ್ಝಿತ್ಥ ತಸ್ಸ ಘಾನಾಯತನಂ ನಿರುಜ್ಝಿಸ್ಸತೀತಿ?

ಕಾಮಾವಚರೇ ಪರಿನಿಬ್ಬನ್ತಾನಂ ರೂಪಾವಚರೇ ಅರೂಪಾವಚರೇ ಪಚ್ಛಿಮಭವಿಕಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಚಕ್ಖಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ಘಾನಾಯತನಂ ನಿರುಜ್ಝಿಸ್ಸತಿ. ಇತರೇಸಂ ತೇಸಂ ಚಕ್ಖಾಯತನಞ್ಚ ನಿರುಜ್ಝಿತ್ಥ ಘಾನಾಯತನಞ್ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ…ಪೇ…? ಆಮನ್ತಾ.

(ಕ) ಯಸ್ಸ ಚಕ್ಖಾಯತನಂ ನಿರುಜ್ಝಿತ್ಥ ತಸ್ಸ ರೂಪಾಯತನಂ ನಿರುಜ್ಝಿಸ್ಸತೀತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಅರೂಪೇ ಪಚ್ಛಿಮಭವಿಕಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಚಕ್ಖಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ರೂಪಾಯತನಂ ನಿರುಜ್ಝಿಸ್ಸತಿ. ಇತರೇಸಂ ತೇಸಂ ಚಕ್ಖಾಯತನಞ್ಚ ನಿರುಜ್ಝಿತ್ಥ ರೂಪಾಯತನಞ್ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ…ಪೇ…? ಆಮನ್ತಾ.

ಯಸ್ಸ ಚಕ್ಖಾಯತನಂ ನಿರುಜ್ಝಿತ್ಥ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ನಿರುಜ್ಝಿಸ್ಸತೀತಿ?

ಪರಿನಿಬ್ಬನ್ತಾನಂ ತೇಸಂ ಚಕ್ಖಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ಧಮ್ಮಾಯತನಂ ನಿರುಜ್ಝಿಸ್ಸತಿ. ಇತರೇಸಂ ತೇಸಂ ಚಕ್ಖಾಯತನಞ್ಚ ನಿರುಜ್ಝಿತ್ಥ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ. ಯಸ್ಸ ವಾ ಪನ…ಪೇ…? ಆಮನ್ತಾ. (ಚಕ್ಖಾಯತನಮೂಲಕಂ)

೧೮೫. (ಕ) ಯಸ್ಸ ಘಾನಾಯತನಂ ನಿರುಜ್ಝಿತ್ಥ ತಸ್ಸ ರೂಪಾಯತನಂ ನಿರುಜ್ಝಿಸ್ಸತೀತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಅರೂಪೇ ಪಚ್ಛಿಮಭವಿಕಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಘಾನಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ರೂಪಾಯತನಂ ನಿರುಜ್ಝಿಸ್ಸತಿ. ಇತರೇಸಂ ತೇಸಂ ಘಾನಾಯತನಞ್ಚ ನಿರುಜ್ಝಿತ್ಥ ರೂಪಾಯತನಞ್ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ…ಪೇ…? ಆಮನ್ತಾ.

ಯಸ್ಸ ಘಾನಾಯತನಂ ನಿರುಜ್ಝಿತ್ಥ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ನಿರುಜ್ಝಿಸ್ಸತೀತಿ?

ಪರಿನಿಬ್ಬನ್ತಾನಂ ತೇಸಂ ಘಾನಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ಧಮ್ಮಾಯತನಂ ನಿರುಜ್ಝಿಸ್ಸತಿ. ಇತರೇಸಂ ತೇಸಂ ಘಾನಾಯತನಞ್ಚ ನಿರುಜ್ಝಿತ್ಥ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ.

ಯಸ್ಸ ವಾ ಪನ…ಪೇ…? ಆಮನ್ತಾ.

೧೮೬. ಯಸ್ಸ ರೂಪಾಯತನಂ ನಿರುಜ್ಝಿತ್ಥ ತಸ್ಸ ಮನಾಯತನ…ಪೇ… ಧಮ್ಮಾಯತನಂ ನಿರುಜ್ಝಿಸ್ಸತೀತಿ?

ಪರಿನಿಬ್ಬನ್ತಾನಂ ತೇಸಂ ರೂಪಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ಧಮ್ಮಾಯತನಂ ನಿರುಜ್ಝಿಸ್ಸತಿ. ಇತರೇಸಂ ತೇಸಂ ರೂಪಾಯತನಞ್ಚ ನಿರುಜ್ಝಿತ್ಥ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ…ಪೇ…? ಆಮನ್ತಾ.

೧೮೭. (ಕ) ಯಸ್ಸ ಮನಾಯತನಂ ನಿರುಜ್ಝಿತ್ಥ ತಸ್ಸ ಧಮ್ಮಾಯತನಂ ನಿರುಜ್ಝಿಸ್ಸತೀತಿ?

ಪರಿನಿಬ್ಬನ್ತಾನಂ ತೇಸಂ ಮನಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ಧಮ್ಮಾಯತನಂ ನಿರುಜ್ಝಿಸ್ಸತಿ. ಇತರೇಸಂ ತೇಸಂ ಮನಾಯತನಞ್ಚ ನಿರುಜ್ಝಿತ್ಥ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ…ಪೇ…? ಆಮನ್ತಾ.

(ಖ) ಅನುಲೋಮಓಕಾಸೋ

೧೮೮. ಯತ್ಥ ಚಕ್ಖಾಯತನಂ ನಿರುಜ್ಝಿತ್ಥ…ಪೇ….

(ಗ) ಅನುಲೋಮಪುಗ್ಗಲೋಕಾಸಾ

೧೮೯. (ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ಸೋತಾಯತನಂ ನಿರುಜ್ಝಿಸ್ಸತೀತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಸೋತಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಪಞ್ಚವೋಕಾರಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನಿರುಜ್ಝಿತ್ಥ ಸೋತಾಯತನಞ್ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಸೋತಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನಿರುಜ್ಝಿತ್ಥಾತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಸೋತಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝಿತ್ಥ. ಇತರೇಸಂ ಪಞ್ಚವೋಕಾರಾನಂ ತೇಸಂ ತತ್ಥ ಸೋತಾಯತನಞ್ಚ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನಿರುಜ್ಝಿತ್ಥ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ಘಾನಾಯತನಂ ನಿರುಜ್ಝಿಸ್ಸತೀತಿ?

ಕಾಮಾವಚರೇ ಪರಿನಿಬ್ಬನ್ತಾನಂ ರೂಪಾವಚರಾನಂ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಘಾನಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಕಾಮಾವಚರಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನಿರುಜ್ಝಿತ್ಥ ಘಾನಾಯತನಞ್ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಘಾನಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನಿರುಜ್ಝಿತ್ಥಾತಿ? ಆಮನ್ತಾ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ರೂಪಾಯತನಂ ನಿರುಜ್ಝಿಸ್ಸತೀತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಪಞ್ಚವೋಕಾರಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನಿರುಜ್ಝಿತ್ಥ ರೂಪಾಯತನಞ್ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನಿರುಜ್ಝಿತ್ಥಾತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ರೂಪಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝಿತ್ಥ. ಇತರೇಸಂ ಪಞ್ಚವೋಕಾರಾನಂ ತೇಸಂ ತತ್ಥ ರೂಪಾಯತನಞ್ಚ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನಿರುಜ್ಝಿತ್ಥ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ಮನಾಯತನಂ ನಿರುಜ್ಝಿಸ್ಸತೀತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಪಞ್ಚವೋಕಾರಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನಿರುಜ್ಝಿತ್ಥ ಮನಾಯತನಞ್ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನಿರುಜ್ಝಿತ್ಥಾತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ಅರೂಪಾನಂ ತೇಸಂ ತತ್ಥ ಮನಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝಿತ್ಥ. ಇತರೇಸಂ ಪಞ್ಚವೋಕಾರಾನಂ ತೇಸಂ ತತ್ಥ ಮನಾಯತನಞ್ಚ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನಿರುಜ್ಝಿತ್ಥ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತೀತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಪಞ್ಚವೋಕಾರಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನಿರುಜ್ಝಿತ್ಥ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನಿರುಜ್ಝಿತ್ಥಾತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝಿತ್ಥ. ಇತರೇಸಂ ಪಞ್ಚವೋಕಾರಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನಿರುಜ್ಝಿತ್ಥ. (ಚಕ್ಖಾಯತನಮೂಲಕಂ)

೧೯೦. (ಕ) ಯಸ್ಸ ಯತ್ಥ ಘಾನಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ರೂಪಾಯತನಂ ನಿರುಜ್ಝಿಸ್ಸತೀತಿ?

ಕಾಮಾವಚರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಘಾನಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಕಾಮಾವಚರಾನಂ ತೇಸಂ ತತ್ಥ ಘಾನಾಯತನಞ್ಚ ನಿರುಜ್ಝಿತ್ಥ ರೂಪಾಯತನಞ್ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಘಾನಾಯತನಂ ನಿರುಜ್ಝಿತ್ಥಾತಿ?

ರೂಪಾವಚರಾನಂ ತೇಸಂ ತತ್ಥ ರೂಪಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಘಾನಾಯತನಂ ನಿರುಜ್ಝಿತ್ಥ. ಕಾಮಾವಚರಾನಂ ತೇಸಂ ತತ್ಥ ರೂಪಾಯತನಞ್ಚ ನಿರುಜ್ಝಿಸ್ಸತಿ ಘಾನಾಯತನಞ್ಚ ನಿರುಜ್ಝಿತ್ಥ.

ಯಸ್ಸ ಯತ್ಥ ಘಾನಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ಮನಾಯತನಂ…ಪೇ… ಧಮ್ಮಾಯತನಂ ನಿರುಜ್ಝಿಸ್ಸತೀತಿ?

ಕಾಮಾವಚರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಘಾನಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಕಾಮಾವಚರಾನಂ ತೇಸಂ ತತ್ಥ ಘಾನಾಯತನಞ್ಚ ನಿರುಜ್ಝಿತ್ಥ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ.

ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಘಾನಾಯತನಂ ನಿರುಜ್ಝಿತ್ಥಾತಿ?

ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಘಾನಾಯತನಂ ನಿರುಜ್ಝಿತ್ಥ. ಕಾಮಾವಚರಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ ಘಾನಾಯತನಞ್ಚ ನಿರುಜ್ಝಿತ್ಥ. (ಘಾನಾಯತನಮೂಲಕಂ)

೧೯೧. (ಕ) ಯಸ್ಸ ಯತ್ಥ ರೂಪಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ಮನಾಯತನಂ ನಿರುಜ್ಝಿಸ್ಸತೀತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ರೂಪಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಪಞ್ಚವೋಕಾರಾನಂ ತೇಸಂ ತತ್ಥ ರೂಪಾಯತನಞ್ಚ ನಿರುಜ್ಝಿತ್ಥ ಮನಾಯತನಞ್ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ರೂಪಾಯತನಂ ನಿರುಜ್ಝಿತ್ಥಾತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ಅರೂಪಾನಂ ತೇಸಂ ತತ್ಥ ಮನಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ರೂಪಾಯತನಂ ನಿರುಜ್ಝಿತ್ಥ. ಇತರೇಸಂ ಪಞ್ಚವೋಕಾರಾನಂ ತೇಸಂ ತತ್ಥ ಮನಾಯತನಞ್ಚ ನಿರುಜ್ಝಿಸ್ಸತಿ ರೂಪಾಯತನಞ್ಚ ನಿರುಜ್ಝಿತ್ಥ.

(ಕ) ಯಸ್ಸ ಯತ್ಥ ರೂಪಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತೀತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ರೂಪಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಪಞ್ಚವೋಕಾರಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ರೂಪಾಯತನಞ್ಚ ನಿರುಜ್ಝಿತ್ಥ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ರೂಪಾಯತನಂ ನಿರುಜ್ಝಿತ್ಥಾತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ಅರೂಪಾನಂ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ರೂಪಾಯತನಂ ನಿರುಜ್ಝಿತ್ಥ. ಇತರೇಸಂ ಪಞ್ಚವೋಕಾರಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ ರೂಪಾಯತನಞ್ಚ ನಿರುಜ್ಝಿತ್ಥ. (ರೂಪಾಯತನಮೂಲಕಂ)

೧೯೨. (ಕ) ಯಸ್ಸ ಯತ್ಥ ಮನಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತೀತಿ?

ಪರಿನಿಬ್ಬನ್ತಾನಂ ತೇಸಂ ತತ್ಥ ಮನಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ. ಇತರೇಸಂ ಚತುವೋಕಾರಾನಂ ಪಞ್ಚವೋಕಾರಾನಂ ತೇಸಂ ತತ್ಥ ಮನಾಯತನಞ್ಚ ನಿರುಜ್ಝಿತ್ಥ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಮನಾಯತನಂ ನಿರುಜ್ಝಿತ್ಥಾತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಮನಾಯತನಂ ನಿರುಜ್ಝಿತ್ಥ. ಇತರೇಸಂ ಚತುವೋಕಾರಾನಂ ಪಞ್ಚವೋಕಾರಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ ಮನಾಯತನಞ್ಚ ನಿರುಜ್ಝಿತ್ಥ.

(ಘ) ಪಚ್ಚನೀಕಪುಗ್ಗಲೋ

೧೯೩. (ಕ) ಯಸ್ಸ ಚಕ್ಖಾಯತನಂ ನ ನಿರುಜ್ಝಿತ್ಥ ತಸ್ಸ ಸೋತಾಯತನಂ ನ ನಿರುಜ್ಝಿಸ್ಸತೀತಿ? ನತ್ಥಿ.

(ಖ) ಯಸ್ಸ ವಾ ಪನ ಸೋತಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಚಕ್ಖಾಯತನಂ ನ ನಿರುಜ್ಝಿತ್ಥಾತಿ? ನಿರುಜ್ಝಿತ್ಥ.

ಯಸ್ಸ ಚಕ್ಖಾಯತನಂ…ಪೇ… ಘಾನಾಯತನಂ… ರೂಪಾಯತನಂ… ಮನಾಯತನಂ ನ ನಿರುಜ್ಝಿತ್ಥ ತಸ್ಸ ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ? ನತ್ಥಿ.

ಯಸ್ಸ ವಾ ಪನ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಮನಾಯತನಂ ನ ನಿರುಜ್ಝಿತ್ಥಾತಿ? ನಿರುಜ್ಝಿತ್ಥ.

(ಙ) ಪಚ್ಚನೀಕಓಕಾಸೋ

೧೯೪. ಯಸ್ಸ ಚಕ್ಖಾಯತನಂ ನ ನಿರುಜ್ಝಿತ್ಥ…ಪೇ….

(ಚ) ಪಚ್ಚನೀಕಪುಗ್ಗಲೋಕಾಸಾ

೧೯೫. (ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಸೋತಾಯತನಂ ನ ನಿರುಜ್ಝಿಸ್ಸತೀತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಸೋತಾಯತನಂ ನ ನಿರುಜ್ಝಿಸ್ಸತಿ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನ ನಿರುಜ್ಝಿತ್ಥ ಸೋತಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಸೋತಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥಾತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಸೋತಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಸೋತಾಯತನಞ್ಚ ನ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನ ನಿರುಜ್ಝಿತ್ಥ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಘಾನಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಘಾನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥಾತಿ?

ಕಾಮಾವಚರೇ ಪರಿನಿಬ್ಬನ್ತಾನಂ ರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಘಾನಾಯತನಞ್ಚ ನ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನ ನಿರುಜ್ಝಿತ್ಥ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತೀತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನ ನಿರುಜ್ಝಿತ್ಥ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥಾತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅರೂಪಾನಂ ತೇಸಂ ತತ್ಥ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನ ನಿರುಜ್ಝಿತ್ಥ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಮನಾಯತನಂ ನ ನಿರುಜ್ಝಿಸ್ಸತೀತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿಸ್ಸತಿ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅರೂಪೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನ ನಿರುಜ್ಝಿತ್ಥ ಮನಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥಾತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅರೂಪೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಮನಾಯತನಞ್ಚ ನ ನಿರುಜ್ಝಿಸ್ಸತಿ, ಚಕ್ಖಾಯತನಞ್ಚ ನ ನಿರುಜ್ಝಿತ್ಥ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅರೂಪೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನ ನಿರುಜ್ಝಿತ್ಥ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥಾತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅರೂಪೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನ ನಿರುಜ್ಝಿತ್ಥ. (ಚಕ್ಖಾಯತನಮೂಲಕಂ)

೧೯೬. (ಕ) ಯಸ್ಸ ಯತ್ಥ ಘಾನಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತೀತಿ?

ರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ. ರೂಪಾವಚರೇ ಪರಿನಿಬ್ಬನ್ತಾನಂ ಅರೂಪಾನಂ ತೇಸಂ ತತ್ಥ ಘಾನಾಯತನಞ್ಚ ನ ನಿರುಜ್ಝಿತ್ಥ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಘಾನಾಯತನಂ ನ ನಿರುಜ್ಝಿತ್ಥಾತಿ?

ಕಾಮಾವಚರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝಿತ್ಥ. ರೂಪಾವಚರೇ ಪರಿನಿಬ್ಬನ್ತಾನಂ ಅರೂಪಾನಂ ತೇಸಂ ತತ್ಥ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ ಘಾನಾಯತನಞ್ಚ ನ ನಿರುಜ್ಝಿತ್ಥ.

(ಕ) ಯಸ್ಸ ಯತ್ಥ ಘಾನಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಮನಾಯತನಂ ನ ನಿರುಜ್ಝಿಸ್ಸತೀತಿ?

ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿಸ್ಸತಿ. ರೂಪಾವಚರೇ ಅರೂಪಾವಚರೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಘಾನಾಯತನಞ್ಚ ನ ನಿರುಜ್ಝಿತ್ಥ ಮನಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಘಾನಾಯತನಂ ನ ನಿರುಜ್ಝಿತ್ಥಾತಿ?

ಕಾಮಾವಚರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝಿತ್ಥ. ರೂಪಾವಚರೇ ಅರೂಪಾವಚರೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಮನಾಯತನಞ್ಚ ನ ನಿರುಜ್ಝಿಸ್ಸತಿ ಘಾನಾಯತನಞ್ಚ ನ ನಿರುಜ್ಝಿತ್ಥ.

(ಕ) ಯಸ್ಸ ಯತ್ಥ ಘಾನಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ?

ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ. ರೂಪಾವಚರೇ ಅರೂಪಾವಚರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಘಾನಾಯತನಞ್ಚ ನ ನಿರುಜ್ಝಿತ್ಥ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಘಾನಾಯತನಂ ನ ನಿರುಜ್ಝಿತ್ಥಾತಿ?

ಕಾಮಾವಚರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝಿತ್ಥ. ರೂಪಾವಚರೇ ಅರೂಪಾವಚರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ ಘಾನಾಯತನಞ್ಚ ನ ನಿರುಜ್ಝಿತ್ಥ. (ಘಾನಾಯತನಮೂಲಕಂ)

೧೯೭. (ಕ) ಯಸ್ಸ ಯತ್ಥ ರೂಪಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಮನಾಯತನಂ ನ ನಿರುಜ್ಝಿಸ್ಸತೀತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ಅರೂಪಾನಂ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿಸ್ಸತಿ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅರೂಪೇ ಪರಿನಿಬ್ಬನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ನ ನಿರುಜ್ಝಿತ್ಥ ಮನಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ರೂಪಾಯತನಂ ನ ನಿರುಜ್ಝಿತ್ಥಾತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅರೂಪೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಮನಾಯತನಞ್ಚ ನ ನಿರುಜ್ಝಿಸ್ಸತಿ ರೂಪಾಯತನಞ್ಚ ನ ನಿರುಜ್ಝಿತ್ಥ.

(ಕ) ಯಸ್ಸ ಯತ್ಥ ರೂಪಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ಅರೂಪಾನಂ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅರೂಪೇ ಪರಿನಿಬ್ಬನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ನ ನಿರುಜ್ಝಿತ್ಥ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ರೂಪಾಯತನಂ ನ ನಿರುಜ್ಝಿತ್ಥಾತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅರೂಪೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ ರೂಪಾಯತನಞ್ಚ ನ ನಿರುಜ್ಝಿತ್ಥ. (ರೂಪಾಯತನಮೂಲಕಂ)

೧೯೮. (ಕ) ಯಸ್ಸ ಯತ್ಥ ಮನಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಮನಾಯತನಞ್ಚ ನ ನಿರುಜ್ಝಿತ್ಥ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಮನಾಯತನಂ ನ ನಿರುಜ್ಝಿತ್ಥಾತಿ?

ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ ಮನಾಯತನಞ್ಚ ನ ನಿರುಜ್ಝಿತ್ಥ.

ನಿರೋಧವಾರೋ.