(೪) ಪಚ್ಚುಪ್ಪನ್ನಾತೀತವಾರೋ

(ಕ) ಅನುಲೋಮಪುಗ್ಗಲೋ

೧೫೧. (ಕ) ಯಸ್ಸ ಚಕ್ಖಾಯತನಂ ನಿರುಜ್ಝತಿ ತಸ್ಸ ಸೋತಾಯತನಂ ನಿರುಜ್ಝಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಸೋತಾಯತನಂ ನಿರುಜ್ಝಿತ್ಥ ತಸ್ಸ ಚಕ್ಖಾಯತನಂ ನಿರುಜ್ಝತೀತಿ?

ಸಬ್ಬೇಸಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ ಸೋತಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ಚಕ್ಖಾಯತನಂ ನಿರುಜ್ಝತಿ. ಸಚಕ್ಖುಕಾನಂ ಚವನ್ತಾನಂ ತೇಸಂ ಸೋತಾಯತನಞ್ಚ ನಿರುಜ್ಝಿತ್ಥ ಚಕ್ಖಾಯತನಞ್ಚ ನಿರುಜ್ಝತಿ.

ಯಸ್ಸ ಚಕ್ಖಾಯತನಂ ನಿರುಜ್ಝತಿ ತಸ್ಸ ಘಾನಾಯತನಂ…ಪೇ… ರೂಪಾಯತನಂ …ಪೇ… ಮನಾಯತನಂ…ಪೇ… ಧಮ್ಮಾಯತನಂ ನಿರುಜ್ಝಿತ್ಥಾತಿ? ಆಮನ್ತಾ.

ಯಸ್ಸ ವಾ ಪನ ಧಮ್ಮಾಯತನಂ ನಿರುಜ್ಝಿತ್ಥ ತಸ್ಸ ಚಕ್ಖಾಯತನಂ ನಿರುಜ್ಝತೀತಿ?

ಸಬ್ಬೇಸಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ ಧಮ್ಮಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ಚಕ್ಖಾಯತನಂ ನಿರುಜ್ಝತಿ. ಸಚಕ್ಖುಕಾನಂ ಚವನ್ತಾನಂ ತೇಸಂ ಧಮ್ಮಾಯತನಞ್ಚ ನಿರುಜ್ಝಿತ್ಥ ಚಕ್ಖಾಯತನಞ್ಚ ನಿರುಜ್ಝತಿ.

೧೫೨. ಯಸ್ಸ ಘಾನಾಯತನಂ ನಿರುಜ್ಝತಿ ತಸ್ಸ ರೂಪಾಯತನಂ…ಪೇ… ಮನಾಯತನಂ…ಪೇ… ಧಮ್ಮಾಯತನಂ ನಿರುಜ್ಝಿತ್ಥಾತಿ? ಆಮನ್ತಾ.

ಯಸ್ಸ ವಾ ಪನ ಧಮ್ಮಾಯತನಂ ನಿರುಜ್ಝಿತ್ಥ ತಸ್ಸ ಘಾನಾಯತನಂ ನಿರುಜ್ಝತೀತಿ?

ಸಬ್ಬೇಸಂ ಉಪಪಜ್ಜನ್ತಾನಂ ಅಘಾನಕಾನಂ ಚವನ್ತಾನಂ ತೇಸಂ ಧಮ್ಮಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ಘಾನಾಯತನಂ ನಿರುಜ್ಝತಿ. ಸಘಾನಕಾನಂ ಚವನ್ತಾನಂ ತೇಸಂ ಧಮ್ಮಾಯತನಞ್ಚ ನಿರುಜ್ಝಿತ್ಥ ಘಾನಾಯತನಞ್ಚ ನಿರುಜ್ಝತಿ.

೧೫೩. ಯಸ್ಸ ರೂಪಾಯತನಂ ನಿರುಜ್ಝತಿ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ನಿರುಜ್ಝಿತ್ಥಾತಿ? ಆಮನ್ತಾ.

ಯಸ್ಸ ವಾ ಪನ ಧಮ್ಮಾಯತನಂ ನಿರುಜ್ಝಿತ್ಥ ತಸ್ಸ ರೂಪಾಯತನಂ ನಿರುಜ್ಝತೀತಿ?

ಸಬ್ಬೇಸಂ ಉಪಪಜ್ಜನ್ತಾನಂ ಅರೂಪಕಾನಂ ಚವನ್ತಾನಂ ತೇಸಂ ಧಮ್ಮಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ರೂಪಾಯತನಂ ನಿರುಜ್ಝತಿ. ಸರೂಪಕಾನಂ ಚವನ್ತಾನಂ ತೇಸಂ ಧಮ್ಮಾಯತನಞ್ಚ ನಿರುಜ್ಝಿತ್ಥ ರೂಪಾಯತನಞ್ಚ ನಿರುಜ್ಝತಿ.

೧೫೪. (ಕ) ಯಸ್ಸ ಮನಾಯತನಂ ನಿರುಜ್ಝತಿ ತಸ್ಸ ಧಮ್ಮಾಯತನಂ ನಿರುಜ್ಝಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ನಿರುಜ್ಝಿತ್ಥ ತಸ್ಸ ಮನಾಯತನಂ ನಿರುಜ್ಝತೀತಿ?

ಸಬ್ಬೇಸಂ ಉಪಪಜ್ಜನ್ತಾನಂ ಅಚಿತ್ತಕಾನಂ ಚವನ್ತಾನಂ ತೇಸಂ ಧಮ್ಮಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ಮನಾಯತನಂ ನಿರುಜ್ಝತಿ. ಸಚಿತ್ತಕಾನಂ ಚವನ್ತಾನಂ ತೇಸಂ ಧಮ್ಮಾಯತನಞ್ಚ ನಿರುಜ್ಝಿತ್ಥ ಮನಾಯತನಞ್ಚ ನಿರುಜ್ಝತಿ.

(ಖ) ಅನುಲೋಮಓಕಾಸೋ

೧೫೫. ಯತ್ಥ ಚಕ್ಖಾಯತನಂ ನಿರುಜ್ಝತಿ…ಪೇ….

(ಗ) ಅನುಲೋಮಪುಗ್ಗಲೋಕಾಸಾ

೧೫೬. (ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝತಿ ತಸ್ಸ ತತ್ಥ ಸೋತಾಯತನಂ ನಿರುಜ್ಝಿತ್ಥಾತಿ?

ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ಸೋತಾಯತನಂ ನಿರುಜ್ಝಿತ್ಥ. ಇತರೇಸಂ ಸಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನಿರುಜ್ಝತಿ ಸೋತಾಯತನಞ್ಚ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಸೋತಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ಚಕ್ಖಾಯತನಂ ನಿರುಜ್ಝತೀತಿ?

ಪಞ್ಚವೋಕಾರಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಕಾಮಾವಚರಾ ಚವನ್ತಾನಂ ತೇಸಂ ತತ್ಥ ಸೋತಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝತಿ. ಸಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ಸೋತಾಯತನಞ್ಚ ನಿರುಜ್ಝಿತ್ಥ ಚಕ್ಖಾಯತನಞ್ಚ ನಿರುಜ್ಝತಿ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝತಿ ತಸ್ಸ ತತ್ಥ ಘಾನಾಯತನಂ ನಿರುಜ್ಝಿತ್ಥಾತಿ?

ರೂಪಾವಚರಾ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ಘಾನಾಯತನಂ ನಿರುಜ್ಝಿತ್ಥ. ಸಚಕ್ಖುಕಾನಂ ಕಾಮಾವಚರಾ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನಿರುಜ್ಝತಿ ಘಾನಾಯತನಞ್ಚ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಘಾನಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ಚಕ್ಖಾಯತನಂ ನಿರುಜ್ಝತೀತಿ?

ಕಾಮಾವಚರಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಕಾಮಾವಚರಾ ಚವನ್ತಾನಂ ತೇಸಂ ತತ್ಥ ಘಾನಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝತಿ. ಸಚಕ್ಖುಕಾನಂ ಕಾಮಾವಚರಾ ಚವನ್ತಾನಂ ತೇಸಂ ತತ್ಥ ಘಾನಾಯತನಞ್ಚ ನಿರುಜ್ಝಿತ್ಥ ಚಕ್ಖಾಯತನಞ್ಚ ನಿರುಜ್ಝತಿ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝತಿ ತಸ್ಸ ತತ್ಥ ರೂಪಾಯತನಂ ನಿರುಜ್ಝಿತ್ಥಾತಿ?

ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ರೂಪಾಯತನಂ ನಿರುಜ್ಝಿತ್ಥ. ಇತರೇಸಂ ಸಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನಿರುಜ್ಝತಿ ರೂಪಾಯತನಞ್ಚ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ಚಕ್ಖಾಯತನಂ ನಿರುಜ್ಝತೀತಿ?

ಪಞ್ಚವೋಕಾರಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಕಾಮಾವಚರಾ ಚವನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ರೂಪಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝತಿ. ಸಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ನಿರುಜ್ಝಿತ್ಥ ಚಕ್ಖಾಯತನಞ್ಚ ನಿರುಜ್ಝತಿ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝತಿ ತಸ್ಸ ತತ್ಥ ಮನಾಯತನಂ ನಿರುಜ್ಝಿತ್ಥಾತಿ?

ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ಮನಾಯತನಂ ನಿರುಜ್ಝಿತ್ಥ. ಇತರೇಸಂ ಸಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನಿರುಜ್ಝತಿ ಮನಾಯತನಞ್ಚ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ಚಕ್ಖಾಯತನಂ ನಿರುಜ್ಝತೀತಿ?

ಪಞ್ಚವೋಕಾರಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಕಾಮಾವಚರಾ ಚವನ್ತಾನಂ ಅರೂಪಾನಂ ತೇಸಂ ತತ್ಥ ಮನಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝತಿ. ಸಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ಮನಾಯತನಞ್ಚ ನಿರುಜ್ಝಿತ್ಥ ಚಕ್ಖಾಯತನಞ್ಚ ನಿರುಜ್ಝತಿ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝತಿ ತಸ್ಸ ತತ್ಥ ಧಮ್ಮಾಯತನಂ ನಿರುಜ್ಝಿತ್ಥಾತಿ?

ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿತ್ಥ. ಇತರೇಸಂ ಸಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನಿರುಜ್ಝತಿ ಧಮ್ಮಾಯತನಞ್ಚ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ಚಕ್ಖಾಯತನಂ ನಿರುಜ್ಝತೀತಿ?

ಸಬ್ಬೇಸಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನಿರುಜ್ಝತಿ. ಸಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನಿರುಜ್ಝಿತ್ಥ ಚಕ್ಖಾಯತನಞ್ಚ ನಿರುಜ್ಝತಿ. (ಚಕ್ಖಾಯತನಮೂಲಕಂ)

೧೫೭. (ಕ) ಯಸ್ಸ ಯತ್ಥ ಘಾನಾಯತನಂ ನಿರುಜ್ಝತಿ ತಸ್ಸ ತತ್ಥ ರೂಪಾಯತನಂ ನಿರುಜ್ಝಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ಘಾನಾಯತನಂ ನಿರುಜ್ಝತೀತಿ?

ಕಾಮಾವಚರಂ ಉಪಪಜ್ಜನ್ತಾನಂ ಅಘಾನಕಾನಂ ಕಾಮಾವಚರಾ ಚವನ್ತಾನಂ ರೂಪಾವಚರಾನಂ ತೇಸಂ ತತ್ಥ ರೂಪಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಘಾನಾಯತನಂ ನಿರುಜ್ಝತಿ. ಸಘಾನಕಾನಂ ಚವನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ನಿರುಜ್ಝಿತ್ಥ ಘಾನಾಯತನಞ್ಚ ನಿರುಜ್ಝತಿ.

(ಕ) ಯಸ್ಸ ಯತ್ಥ ಘಾನಾಯತನಂ ನಿರುಜ್ಝತಿ ತಸ್ಸ ತತ್ಥ ಮನಾಯತನಂ ನಿರುಜ್ಝಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ಘಾನಾಯತನಂ ನಿರುಜ್ಝತೀತಿ?

ಕಾಮಾವಚರಂ ಉಪಪಜ್ಜನ್ತಾನಂ ಅಘಾನಕಾನಂ ಕಾಮಾವಚರಾ ಚವನ್ತಾನಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಮನಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಘಾನಾಯತನಂ ನಿರುಜ್ಝತಿ. ಸಘಾನಕಾನಂ ಚವನ್ತಾನಂ ತೇಸಂ ತತ್ಥ ಮನಾಯತನಞ್ಚ ನಿರುಜ್ಝಿತ್ಥ ಘಾನಾಯತನಞ್ಚ ನಿರುಜ್ಝತಿ.

(ಕ) ಯಸ್ಸ ಯತ್ಥ ಘಾನಾಯತನಂ ನಿರುಜ್ಝತಿ ತಸ್ಸ ತತ್ಥ ಧಮ್ಮಾಯತನಂ ನಿರುಜ್ಝಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ಘಾನಾಯತನಂ ನಿರುಜ್ಝತೀತಿ?

ಸಬ್ಬೇಸಂ ಉಪಪಜ್ಜನ್ತಾನಂ ಅಘಾನಕಾನಂ ಚವನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಘಾನಾಯತನಂ ನಿರುಜ್ಝತಿ. ಸಘಾನಕಾನಂ ಚವನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನಿರುಜ್ಝಿತ್ಥ ಘಾನಾಯತನಞ್ಚ ನಿರುಜ್ಝತಿ. (ಘಾನಾಯತನಮೂಲಕಂ)

೧೫೮. (ಕ) ಯಸ್ಸ ಯತ್ಥ ರೂಪಾಯತನಂ ನಿರುಜ್ಝತಿ ತಸ್ಸ ತತ್ಥ ಮನಾಯತನಂ ನಿರುಜ್ಝಿತ್ಥಾತಿ?

ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾ ಚವನ್ತಾನಂ ತೇಸಂ ತತ್ಥ ರೂಪಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ಮನಾಯತನಂ ನಿರುಜ್ಝಿತ್ಥ. ಇತರೇಸಂ ಪಞ್ಚವೋಕಾರಾ ಚವನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ನಿರುಜ್ಝತಿ ಮನಾಯತನಞ್ಚ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ರೂಪಾಯತನಂ ನಿರುಜ್ಝತೀತಿ?

ಪಞ್ಚವೋಕಾರಂ ಉಪಪಜ್ಜನ್ತಾನಂ ಅರೂಪಾನಂ ತೇಸಂ ತತ್ಥ ಮನಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ನಿರುಜ್ಝತಿ. ಪಞ್ಚವೋಕಾರಾ ಚವನ್ತಾನಂ ತೇಸಂ ತತ್ಥ ಮನಾಯತನಞ್ಚ ನಿರುಜ್ಝಿತ್ಥ ರೂಪಾಯತನಞ್ಚ ನಿರುಜ್ಝತಿ.

(ಕ) ಯಸ್ಸ ಯತ್ಥ ರೂಪಾಯತನಂ ನಿರುಜ್ಝತಿ ತಸ್ಸ ತತ್ಥ ಧಮ್ಮಾಯತನಂ ನಿರುಜ್ಝಿತ್ಥಾತಿ?

ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ರೂಪಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿತ್ಥ. ಇತರೇಸಂ ಸರೂಪಕಾನಂ ಚವನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ನಿರುಜ್ಝತಿ ಧಮ್ಮಾಯತನಞ್ಚ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ರೂಪಾಯತನಂ ನಿರುಜ್ಝತೀತಿ?

ಸಬ್ಬೇಸಂ ಉಪಪಜ್ಜನ್ತಾನಂ ಅರೂಪಕಾನಂ ಚವನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ನಿರುಜ್ಝತಿ. ಸರೂಪಕಾನಂ ಚವನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನಿರುಜ್ಝಿತ್ಥ ರೂಪಾಯತನಞ್ಚ ನಿರುಜ್ಝತಿ. (ರೂಪಾಯತನಮೂಲಕಂ)

೧೫೯. (ಕ) ಯಸ್ಸ ಯತ್ಥ ಮನಾಯತನಂ ನಿರುಜ್ಝತಿ ತಸ್ಸ ತತ್ಥ ಧಮ್ಮಾಯತನಂ ನಿರುಜ್ಝಿತ್ಥಾತಿ?

ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಮನಾಯತನಂ ನಿರುಜ್ಝತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿತ್ಥ. ಇತರೇಸಂ ಸಚಿತ್ತಕಾನಂ ಚವನ್ತಾನಂ ತೇಸಂ ತತ್ಥ ಮನಾಯತನಞ್ಚ ನಿರುಜ್ಝತಿ ಧಮ್ಮಾಯತನಞ್ಚ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನಿರುಜ್ಝಿತ್ಥ ತಸ್ಸ ತತ್ಥ ಮನಾಯತನಂ ನಿರುಜ್ಝತೀತಿ?

ಸಬ್ಬೇಸಂ ಉಪಪಜ್ಜನ್ತಾನಂ ಅಚಿತ್ತಕಾನಂ ಚವನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ನಿರುಜ್ಝತಿ. ಸಚಿತ್ತಕಾನಂ ಚವನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನಿರುಜ್ಝಿತ್ಥ ಮನಾಯತನಞ್ಚ ನಿರುಜ್ಝತಿ.

(ಘ) ಪಚ್ಚನೀಕಪುಗ್ಗಲೋ

೧೬೦. (ಕ) ಯಸ್ಸ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ಸೋತಾಯತನಂ ನ ನಿರುಜ್ಝಿತ್ಥಾತಿ? ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಸೋತಾಯತನಂ ನ ನಿರುಜ್ಝಿತ್ಥ ತಸ್ಸ ಚಕ್ಖಾಯತನಂ ನ ನಿರುಜ್ಝತೀತಿ? ನತ್ಥಿ.

ಯಸ್ಸ ಚಕ್ಖಾಯತನಂ…ಪೇ… ಘಾನಾಯತನಂ…ಪೇ… ರೂಪಾಯತನಂ…ಪೇ… ಮನಾಯತನಂ ನ ನಿರುಜ್ಝತಿ ತಸ್ಸ ಧಮ್ಮಾಯತನಂ ನ ನಿರುಜ್ಝಿತ್ಥಾತಿ? ನಿರುಜ್ಝಿತ್ಥ.

ಯಸ್ಸ ವಾ ಪನ ಧಮ್ಮಾಯತನಂ ನ ನಿರುಜ್ಝಿತ್ಥ ತಸ್ಸ ಮನಾಯತನಂ ನ ನಿರುಜ್ಝತೀತಿ? ನತ್ಥಿ.

(ಙ) ಪಚ್ಚನೀಕಓಕಾಸೋ

೧೬೧. ಯತ್ಥ ಚಕ್ಖಾಯತನಂ ನ ನಿರುಜ್ಝತಿ…ಪೇ….

(ಚ) ಪಚ್ಚನೀಕಪುಗ್ಗಲೋಕಾಸಾ

೧೬೨. (ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಸೋತಾಯತನಂ ನ ನಿರುಜ್ಝಿತ್ಥಾತಿ?

ಪಞ್ಚವೋಕಾರಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಕಾಮಾವಚರಾ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಸೋತಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನ ನಿರುಜ್ಝತಿ ಸೋತಾಯತನಞ್ಚ ನ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಸೋತಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝತೀತಿ?

ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಸೋತಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ. ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಸೋತಾಯತನಞ್ಚ ನ ನಿರುಜ್ಝಿತ್ಥ ಚಕ್ಖಾಯತನಞ್ಚ ನ ನಿರುಜ್ಝತಿ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಘಾನಾಯತನಂ ನ ನಿರುಜ್ಝಿತ್ಥಾತಿ?

ಕಾಮಾವಚರಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಕಾಮಾವಚರಾ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝಿತ್ಥ. ರೂಪಾವಚರಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನ ನಿರುಜ್ಝತಿ ಘಾನಾಯತನಞ್ಚ ನ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಘಾನಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝತೀತಿ?

ರೂಪಾವಚರಾ ಚವನ್ತಾನಂ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ. ರೂಪಾವಚರಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಘಾನಾಯತನಞ್ಚ ನ ನಿರುಜ್ಝಿತ್ಥ ಚಕ್ಖಾಯತನಞ್ಚ ನ ನಿರುಜ್ಝತಿ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ತತ್ಥ ರೂಪಾಯತನಂ ನ ನಿರುಜ್ಝಿತ್ಥಾತಿ?

ಪಞ್ಚವೋಕಾರಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಕಾಮಾವಚರಾ ಚವನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸಂ ಉಪಪಜ್ಜನ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನ ನಿರುಜ್ಝತಿ ರೂಪಾಯತನಞ್ಚ ನ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝತೀತಿ?

ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ. ಸುದ್ಧಾವಾಸಂ ಉಪಪಜ್ಜನ್ತಾನಂ ಅರೂಪಾನಂ ತೇಸಂ ತತ್ಥ ರೂಪಾಯತನಞ್ಚ ನ ನಿರುಜ್ಝಿತ್ಥ ಚಕ್ಖಾಯತನಞ್ಚ ನ ನಿರುಜ್ಝತಿ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಮನಾಯತನಂ ನ ನಿರುಜ್ಝಿತ್ಥಾತಿ?

ಪಞ್ಚವೋಕಾರಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಕಾಮಾವಚರಾ ಚವನ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನ ನಿರುಜ್ಝತಿ ಮನಾಯತನಞ್ಚ ನ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝತೀತಿ?

ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ. ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಮನಾಯತನಞ್ಚ ನ ನಿರುಜ್ಝಿತ್ಥ ಚಕ್ಖಾಯತನಞ್ಚ ನ ನಿರುಜ್ಝತಿ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಧಮ್ಮಾಯತನಂ ನ ನಿರುಜ್ಝಿತ್ಥಾತಿ?

ಸಬ್ಬೇಸಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನ ನಿರುಜ್ಝತಿ ಧಮ್ಮಾಯತನಞ್ಚ ನ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝತೀತಿ?

ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝತಿ. ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನ ನಿರುಜ್ಝಿತ್ಥ ಚಕ್ಖಾಯತನಞ್ಚ ನ ನಿರುಜ್ಝತಿ. (ಚಕ್ಖಾಯತನಮೂಲಕಂ)

೧೬೩. (ಕ) ಯಸ್ಸ ಯತ್ಥ ಘಾನಾಯತನಂ ನ ನಿರುಜ್ಝತಿ ತಸ್ಸ ತತ್ಥ ರೂಪಾಯತನಂ ನ ನಿರುಜ್ಝಿತ್ಥಾತಿ?

ಕಾಮಾವಚರಂ ಉಪಪಜ್ಜನ್ತಾನಂ ಅಘಾನಕಾನಂ ಕಾಮಾವಚರಾ ಚವನ್ತಾನಂ ರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸಾನಂ ಅರೂಪಾನಂ ತೇಸಂ ತತ್ಥ ಘಾನಾಯತನಞ್ಚ ನ ನಿರುಜ್ಝತಿ ರೂಪಾಯತನಞ್ಚ ನ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಘಾನಾಯತನಂ ನ ನಿರುಜ್ಝತೀತಿ? ಆಮನ್ತಾ.

(ಕ) ಯಸ್ಸ ಯತ್ಥ ಘಾನಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಮನಾಯತನಂ ನ ನಿರುಜ್ಝಿತ್ಥಾತಿ?

ಕಾಮಾವಚರಂ ಉಪಪಜ್ಜನ್ತಾನಂ ಅಘಾನಕಾನಂ ಕಾಮಾವಚರಾ ಚವನ್ತಾನಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಘಾನಾಯತನಞ್ಚ ನ ನಿರುಜ್ಝತಿ ಮನಾಯತನಞ್ಚ ನ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಘಾನಾಯತನಂ ನ ನಿರುಜ್ಝತೀತಿ? ಆಮನ್ತಾ.

(ಕ) ಯಸ್ಸ ಯತ್ಥ ಘಾನಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಧಮ್ಮಾಯತನಂ ನ ನಿರುಜ್ಝಿತ್ಥಾತಿ?

ಸಬ್ಬೇಸಂ ಉಪಪಜ್ಜನ್ತಾನಂ ಅಘಾನಕಾನಂ ಚವನ್ತಾನಂ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸಾನಂ ತೇಸಂ ತತ್ಥ ಘಾನಾಯತನಞ್ಚ ನ ನಿರುಜ್ಝತಿ ಧಮ್ಮಾಯತನಞ್ಚ ನ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಘಾನಾಯತನಂ ನ ನಿರುಜ್ಝತೀತಿ? ಆಮನ್ತಾ. (ಘಾನಾಯತನಮೂಲಕಂ)

೧೬೪. (ಕ) ಯಸ್ಸ ಯತ್ಥ ರೂಪಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಮನಾಯತನಂ ನ ನಿರುಜ್ಝಿತ್ಥಾತಿ?

ಪಞ್ಚವೋಕಾರಂ ಉಪಪಜ್ಜನ್ತಾನಂ ಅರೂಪಾನಂ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಂ ಉಪಪಜ್ಜನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ನ ನಿರುಜ್ಝತಿ ಮನಾಯತನಞ್ಚ ನ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ರೂಪಾಯತನಂ ನ ನಿರುಜ್ಝತೀತಿ?

ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾ ಚವನ್ತಾನಂ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝತಿ. ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಂ ಉಪಪಜ್ಜನ್ತಾನಂ ತೇಸಂ ತತ್ಥ ಮನಾಯತನಞ್ಚ ನ ನಿರುಜ್ಝಿತ್ಥ ರೂಪಾಯತನಞ್ಚ ನ ನಿರುಜ್ಝತಿ.

(ಕ) ಯಸ್ಸ ಯತ್ಥ ರೂಪಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಧಮ್ಮಾಯತನಂ ನ ನಿರುಜ್ಝಿತ್ಥಾತಿ?

ಸಬ್ಬೇಸಂ ಉಪಪಜ್ಜನ್ತಾನಂ ಅರೂಪಕಾನಂ ಚವನ್ತಾನಂ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ನ ನಿರುಜ್ಝತಿ ಧಮ್ಮಾಯತನಞ್ಚ ನ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ರೂಪಾಯತನಂ ನ ನಿರುಜ್ಝತೀತಿ?

ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝತಿ. ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನ ನಿರುಜ್ಝಿತ್ಥ ರೂಪಾಯತನಞ್ಚ ನ ನಿರುಜ್ಝತಿ.

೧೬೫. (ಕ) ಯಸ್ಸ ಯತ್ಥ ಮನಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಧಮ್ಮಾಯತನಂ ನ ನಿರುಜ್ಝಿತ್ಥಾತಿ?

ಸಬ್ಬೇಸಂ ಉಪಪಜ್ಜನ್ತಾನಂ ಅಚಿತ್ತಕಾನಂ ಚವನ್ತಾನಂ ತೇಸಂ ತತ್ಥ ಮನಾಯತನಂ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿತ್ಥ. ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಮನಾಯತನಞ್ಚ ನ ನಿರುಜ್ಝತಿ ಧಮ್ಮಾಯತನಞ್ಚ ನ ನಿರುಜ್ಝಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನ ನಿರುಜ್ಝಿತ್ಥ ತಸ್ಸ ತತ್ಥ ಮನಾಯತನಂ ನ ನಿರುಜ್ಝತೀತಿ?

ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ನ ನಿರುಜ್ಝತಿ. ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನ ನಿರುಜ್ಝಿತ್ಥ ಮನಾಯತನಞ್ಚ ನ ನಿರುಜ್ಝತಿ.