(೩) ಅನಾಗತವಾರೋ

(ಕ) ಅನುಲೋಮಪುಗ್ಗಲೋ

೧೩೩. (ಕ) ಯಸ್ಸ ಚಕ್ಖಾಯತನಂ ನಿರುಜ್ಝಿಸ್ಸತಿ ತಸ್ಸ ಸೋತಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಸೋತಾಯತನಂ ನಿರುಜ್ಝಿಸ್ಸತಿ ತಸ್ಸ ಚಕ್ಖಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

(ಕ) ಯಸ್ಸ ಚಕ್ಖಾಯತನಂ ನಿರುಜ್ಝಿಸ್ಸತಿ ತಸ್ಸ ಘಾನಾಯತನಂ ನಿರುಜ್ಝಿಸ್ಸತೀತಿ?

ಪಚ್ಛಿಮಭವಿಕಾನಂ ರೂಪಾವಚರಂ ಉಪಪಜ್ಜನ್ತಾನಂ ಯೇ ಚ ರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಚಕ್ಖಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ಘಾನಾಯತನಂ ನಿರುಜ್ಝಿಸ್ಸತಿ. ಇತರೇಸಂ ತೇಸಂ ಚಕ್ಖಾಯತನಞ್ಚ ನಿರುಜ್ಝಿಸ್ಸತಿ ಘಾನಾಯತನಞ್ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಘಾನಾಯತನಂ ನಿರುಜ್ಝಿಸ್ಸತಿ ತಸ್ಸ ಚಕ್ಖಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

(ಕ) ಯಸ್ಸ ಚಕ್ಖಾಯತನಂ ನಿರುಜ್ಝಿಸ್ಸತಿ ತಸ್ಸ ರೂಪಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ರೂಪಾಯತನಂ ನಿರುಜ್ಝಿಸ್ಸತಿ ತಸ್ಸ ಚಕ್ಖಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

ಯಸ್ಸ ಚಕ್ಖಾಯತನಂ ನಿರುಜ್ಝಿಸ್ಸತಿ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

ಯಸ್ಸ ವಾ ಪನ ಧಮ್ಮಾಯತನಂ ನಿರುಜ್ಝಿಸ್ಸತಿ ತಸ್ಸ ಚಕ್ಖಾಯತನಂ ನಿರುಜ್ಝಿಸ್ಸತೀತಿ?

ಪಚ್ಛಿಮಭವಿಕಾನಂ ಅರೂಪಂ ಉಪಪಜ್ಜನ್ತಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಧಮ್ಮಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ಚಕ್ಖಾಯತನಂ ನಿರುಜ್ಝಿಸ್ಸತಿ. ಇತರೇಸಂ ತೇಸಂ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನಿರುಜ್ಝಿಸ್ಸತಿ. (ಚಕ್ಖಾಯತನಮೂಲಕಂ)

೧೩೪. (ಕ) ಯಸ್ಸ ಘಾನಾಯತನಂ ನಿರುಜ್ಝಿಸ್ಸತಿ ತಸ್ಸ ರೂಪಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ರೂಪಾಯತನಂ ನಿರುಜ್ಝಿಸ್ಸತಿ ತಸ್ಸ ಘಾನಾಯತನಂ ನಿರುಜ್ಝಿಸ್ಸತೀತಿ?

ಪಚ್ಛಿಮಭವಿಕಾನಂ ರೂಪಾವಚರಂ ಉಪಪಜ್ಜನ್ತಾನಂ ಯೇ ಚ ರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ರೂಪಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ಘಾನಾಯತನಂ ನಿರುಜ್ಝಿಸ್ಸತಿ. ಇತರೇಸಂ ತೇಸಂ ರೂಪಾಯತನಞ್ಚ ನಿರುಜ್ಝಿಸ್ಸತಿ ಘಾನಾಯತನಞ್ಚ ನಿರುಜ್ಝಿಸ್ಸತಿ.

ಯಸ್ಸ ಘಾನಾಯತನಂ ನಿರುಜ್ಝಿಸ್ಸತಿ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

ಯಸ್ಸ ವಾ ಪನ ಧಮ್ಮಾಯತನಂ ನಿರುಜ್ಝಿಸ್ಸತಿ ತಸ್ಸ ಘಾನಾಯತನಂ ನಿರುಜ್ಝಿಸ್ಸತೀತಿ?

ಪಚ್ಛಿಮಭವಿಕಾನಂ ರೂಪಾವಚರಂ ಅರೂಪಾವಚರಂ ಉಪಪಜ್ಜನ್ತಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಧಮ್ಮಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ಘಾನಾಯತನಂ ನಿರುಜ್ಝಿಸ್ಸತಿ. ಇತರೇಸಂ ತೇಸಂ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ ಘಾನಾಯತನಞ್ಚ ನಿರುಜ್ಝಿಸ್ಸತಿ. (ಘಾನಾಯತನಮೂಲಕಂ)

೧೩೫. ಯಸ್ಸ ರೂಪಾಯತನಂ ನಿರುಜ್ಝಿಸ್ಸತಿ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

ಯಸ್ಸ ವಾ ಪನ ಧಮ್ಮಾಯತನಂ ನಿರುಜ್ಝಿಸ್ಸತಿ ತಸ್ಸ ರೂಪಾಯತನಂ ನಿರುಜ್ಝಿಸ್ಸತೀತಿ?

ಪಚ್ಛಿಮಭವಿಕಾನಂ ಅರೂಪಂ ಉಪಪಜ್ಜನ್ತಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಧಮ್ಮಾಯತನಂ ನಿರುಜ್ಝಿಸ್ಸತಿ, ನೋ ಚ ತೇಸಂ ರೂಪಾಯತನಂ ನಿರುಜ್ಝಿಸ್ಸತಿ. ಇತರೇಸಂ ತೇಸಂ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ ರೂಪಾಯತನಞ್ಚ ನಿರುಜ್ಝಿಸ್ಸತಿ.

೧೩೬. (ಕ) ಯಸ್ಸ ಮನಾಯತನಂ ನಿರುಜ್ಝಿಸ್ಸತಿ ತಸ್ಸ ಧಮ್ಮಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ನಿರುಜ್ಝಿಸ್ಸತಿ ತಸ್ಸ ಮನಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಅನುಲೋಮಓಕಾಸೋ

೧೩೭. ಯತ್ಥ ಚಕ್ಖಾಯತನಂ ನಿರುಜ್ಝಿಸ್ಸತಿ…ಪೇ….

(ಗ) ಅನುಲೋಮಪುಗ್ಗಲೋಕಾಸಾ

೧೩೮. (ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಸೋತಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ…ಪೇ…? ಆಮನ್ತಾ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಘಾನಾಯತನಂ ನಿರುಜ್ಝಿಸ್ಸತೀತಿ?

ರೂಪಾವಚರಾನಂ…ಪೇ… ಕಾಮಾವಚರಾನಂ…ಪೇ….

(ಖ) ಯಸ್ಸ ವಾ ಪನ ಯತ್ಥ…ಪೇ…? ಆಮನ್ತಾ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ರೂಪಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನಿರುಜ್ಝಿಸ್ಸತೀತಿ?

ಅಸಞ್ಞಸತ್ತಾನಂ…ಪೇ… ಪಞ್ಚವೋಕಾರಾನಂ…ಪೇ….

(ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಮನಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ…ಪೇ…?

ಅರೂಪಾನಂ…ಪೇ… ಪಞ್ಚವೋಕಾರಾನಂ…ಪೇ….

(ಕ) ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ…ಪೇ…?

ಅಸಞ್ಞಸತ್ತಾನಂ ಅರೂಪಾನಂ…ಪೇ… ಪಞ್ಚವೋಕಾರಾನಂ…ಪೇ…. (ಚಕ್ಖಾಯತನಮೂಲಕಂ)

೧೩೯. (ಕ) ಯಸ್ಸ ಯತ್ಥ ಘಾನಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ರೂಪಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ…ಪೇ…?

ರೂಪಾವಚರಾನಂ…ಪೇ… ಕಾಮಾವಚರಾನಂ…ಪೇ….

(ಕ) ಯಸ್ಸ ಯತ್ಥ ಘಾನಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಮನಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ…ಪೇ…?

ರೂಪಾವಚರಾನಂ ಅರೂಪಾವಚರಾನಂ…ಪೇ… ಕಾಮಾವಚರಾನಂ…ಪೇ….

(ಕ) ಯಸ್ಸ ಯತ್ಥ ಘಾನಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ…ಪೇ…?

ರೂಪಾವಚರಾನಂ ಅರೂಪಾವಚರಾನಂ…ಪೇ… ಕಾಮಾವಚರಾನಂ…ಪೇ…. (ಘಾನಾಯತನಮೂಲಕಂ)

೧೪೦. (ಕ) ಯಸ್ಸ ಯತ್ಥ ರೂಪಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಮನಾಯತನಂ ನಿರುಜ್ಝಿಸ್ಸತೀತಿ?

ಅಸಞ್ಞಸತ್ತಾನಂ…ಪೇ… ಪಞ್ಚವೋಕಾರಾನಂ…ಪೇ….

(ಖ) ಯಸ್ಸ ವಾ ಪನ ಯತ್ಥ…ಪೇ…?

ಅರೂಪಾನಂ…ಪೇ… ಪಞ್ಚವೋಕಾರಾನಂ…ಪೇ….

(ಕ) ಯಸ್ಸ ಯತ್ಥ ರೂಪಾಯತನಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಧಮ್ಮಾಯತನಂ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ…ಪೇ…?

ಅರೂಪಾನಂ…ಪೇ… ಪಞ್ಚವೋಕಾರಾನಂ ಅಸಞ್ಞಸತ್ತಾನಂ…ಪೇ…. (ರೂಪಾಯತನಮೂಲಕಂ)

೧೪೧. (ಕ) ಯಸ್ಸ ಯತ್ಥ ಮನಾಯತನಂ…ಪೇ…? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ…ಪೇ…?

ಅಸಞ್ಞಸತ್ತಾನಂ…ಪೇ… ಚತುವೋಕಾರಾನಂ ಪಞ್ಚವೋಕಾರಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನಿರುಜ್ಝಿಸ್ಸತಿ ಮನಾಯತನಞ್ಚ ನಿರುಜ್ಝಿಸ್ಸತಿ. (ಯಥಾ ಉಪ್ಪಾದವಾರೇ ಯಸ್ಸ ಯತ್ಥಕೇ ಅನಾಗತಾ ಪುಚ್ಛಾ ವಿತ್ಥಾರಿತಾ, ಏವಂ ನಿರೋಧೇಪಿ ವಿತ್ಥಾರೇತಬ್ಬಾ).

(ಘ) ಪಚ್ಚನೀಕಪುಗ್ಗಲೋ

೧೪೨. (ಕ) ಯಸ್ಸ ಚಕ್ಖಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಸೋತಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಸೋತಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಚಕ್ಖಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

(ಕ) ಯಸ್ಸ ಚಕ್ಖಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಘಾನಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಘಾನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಚಕ್ಖಾಯತನಂ ನ ನಿರುಜ್ಝಿಸ್ಸತೀತಿ?

ಪಚ್ಛಿಮಭವಿಕಾನಂ ರೂಪಾವಚರಂ ಉಪಪಜ್ಜನ್ತಾನಂ ಯೇ ಚ ರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಘಾನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ಚಕ್ಖಾಯತನಂ ನ ನಿರುಜ್ಝಿಸ್ಸತಿ. ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಅರೂಪೇ ಪಚ್ಛಿಮಭವಿಕಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಘಾನಾಯತನಞ್ಚ ನ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನ ನಿರುಜ್ಝಿಸ್ಸತಿ.

(ಕ) ಯಸ್ಸ ಚಕ್ಖಾಯತನಂ ನ ನಿರುಜ್ಝಿಸ್ಸತಿ ತಸ್ಸ ರೂಪಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ರೂಪಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಚಕ್ಖಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

ಯಸ್ಸ ಚಕ್ಖಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ?

ಪಚ್ಛಿಮಭವಿಕಾನಂ ಅರೂಪಂ ಉಪಪಜ್ಜನ್ತಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಚಕ್ಖಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ಧಮ್ಮಾಯತನಂ ನ ನಿರುಜ್ಝಿಸ್ಸತಿ. ಪರಿನಿಬ್ಬನ್ತಾನಂ ತೇಸಂ ಚಕ್ಖಾಯತನಞ್ಚ ನ ನಿರುಜ್ಝಿಸ್ಸತಿ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ.

ಯಸ್ಸ ವಾ ಪನ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಚಕ್ಖಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ. (ಚಕ್ಖಾಯತನಮೂಲಕಂ)

೧೪೩. (ಕ) ಯಸ್ಸ ಘಾನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ರೂಪಾಯತನಂ ನ ನಿರುಜ್ಝಿಸ್ಸತೀತಿ?

ಪಚ್ಛಿಮಭವಿಕಾನಂ ರೂಪಾವಚರಂ ಉಪಪಜ್ಜನ್ತಾನಂ ಯೇ ಚ ರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಘಾನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ರೂಪಾಯತನಂ ನ ನಿರುಜ್ಝಿಸ್ಸತಿ. ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಅರೂಪೇ ಪಚ್ಛಿಮಭವಿಕಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಘಾನಾಯತನಞ್ಚ ನ ನಿರುಜ್ಝಿಸ್ಸತಿ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ರೂಪಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಘಾನಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

ಯಸ್ಸ ಘಾನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ?

ಪಚ್ಛಿಮಭವಿಕಾನಂ ರೂಪಾವಚರಂ ಅರೂಪಾವಚರಂ ಉಪಪಜ್ಜನ್ತಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಘಾನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ಧಮ್ಮಾಯತನಂ ನ ನಿರುಜ್ಝಿಸ್ಸತಿ. ಪರಿನಿಬ್ಬನ್ತಾನಂ ತೇಸಂ ಘಾನಾಯತನಞ್ಚ ನ ನಿರುಜ್ಝಿಸ್ಸತಿ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ.

ಯಸ್ಸ ವಾ ಪನ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಘಾನಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

೧೪೪. ಯಸ್ಸ ರೂಪಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ?

ಪಚ್ಛಿಮಭವಿಕಾನಂ ಅರೂಪಂ ಉಪಪಜ್ಜನ್ತಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ರೂಪಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ಧಮ್ಮಾಯತನಂ ನ ನಿರುಜ್ಝಿಸ್ಸತಿ. ಪರಿನಿಬ್ಬನ್ತಾನಂ ತೇಸಂ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ.

ಯಸ್ಸ ವಾ ಪನ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ರೂಪಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

೧೪೫. (ಕ) ಯಸ್ಸ ಮನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ಮನಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

(ಙ) ಪಚ್ಚನೀಕಓಕಾಸೋ

೧೪೬. ಯತ್ಥ ಚಕ್ಖಾಯತನಂ ನ ನಿರುಜ್ಝಿಸ್ಸತಿ…ಪೇ….

(ಚ) ಪಚ್ಚನೀಕಪುಗ್ಗಲೋಕಾಸಾ

೧೪೭. (ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಸೋತಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಸೋತಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಘಾನಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಘಾನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝಿಸ್ಸತೀತಿ?

ರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝಿಸ್ಸತಿ. ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಘಾನಾಯತನಞ್ಚ ನ ನಿರುಜ್ಝಿಸ್ಸತಿ ಚಕ್ಖಾಯತನಞ್ಚ ನ ನಿರುಜ್ಝಿಸ್ಸತಿ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತೀತಿ?

ಅಸಞ್ಞಸತ್ತಾನಂ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ. ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನ ನಿರುಜ್ಝಿಸ್ಸತಿ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಮನಾಯತನಂ ನ ನಿರುಜ್ಝಿಸ್ಸತೀತಿ?

ಅರೂಪಾನಂ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿಸ್ಸತಿ. ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನ ನಿರುಜ್ಝಿಸ್ಸತಿ ಮನಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ?

ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ. ಪರಿನಿಬ್ಬನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನ ನಿರುಜ್ಝಿಸ್ಸತಿ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ. (ಚಕ್ಖಾಯತನಮೂಲಕಂ)

೧೪೮. (ಕ) ಯಸ್ಸ ಯತ್ಥ ಘಾನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತೀತಿ?

ರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ. ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಅರೂಪಾನಂ ತೇಸಂ ತತ್ಥ ಘಾನಾಯತನಞ್ಚ ನ ನಿರುಜ್ಝಿಸ್ಸತಿ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಘಾನಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

(ಕ) ಯಸ್ಸ ಯತ್ಥ ಘಾನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಮನಾಯತನಂ ನ ನಿರುಜ್ಝಿಸ್ಸತೀತಿ?

ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿಸ್ಸತಿ, ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಘಾನಾಯತನಞ್ಚ ನ ನಿರುಜ್ಝಿಸ್ಸತಿ ಮನಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಘಾನಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.

(ಕ) ಯಸ್ಸ ಯತ್ಥ ಘಾನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ?

ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ. ಪರಿನಿಬ್ಬನ್ತಾನಂ ತೇಸಂ ತತ್ಥ ಘಾನಾಯತನಞ್ಚ ನ ನಿರುಜ್ಝಿಸ್ಸತಿ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಘಾನಾಯತನಂ ನ ನಿರುಜ್ಝಿಸ್ಸತೀತಿ?

ಆಮನ್ತಾ. (ಘಾನಾಯತನಮೂಲಕಂ)

೧೪೯. (ಕ) ಯಸ್ಸ ಯತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಮನಾಯತನಂ ನ ನಿರುಜ್ಝಿಸ್ಸತೀತಿ?

ಅರೂಪಾನಂ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿಸ್ಸತಿ. ಪರಿನಿಬ್ಬನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ ಮನಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತೀತಿ?

ಅಸಞ್ಞಸತ್ತಾನಂ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ. ಪರಿನಿಬ್ಬನ್ತಾನಂ ತೇಸಂ ತತ್ಥ ಮನಾಯತನಞ್ಚ ನ ನಿರುಜ್ಝಿಸ್ಸತಿ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ.

(ಕ) ಯಸ್ಸ ಯತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ?

ಅರೂಪಾನಂ ತೇಸಂ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ. ಪರಿನಿಬ್ಬನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ನ ನಿರುಜ್ಝಿಸ್ಸತಿ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ರೂಪಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ. (ರೂಪಾಯತನಮೂಲಕಂ)

೧೫೦. (ಕ) ಯಸ್ಸ ಯತ್ಥ ಮನಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತೀತಿ?

ಅಸಞ್ಞಸತ್ತಾನಂ ತೇಸಂ ತತ್ಥ ಮನಾಯತನಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ. ಪರಿನಿಬ್ಬನ್ತಾನಂ ತೇಸಂ ತತ್ಥ ಮನಾಯತನಞ್ಚ ನ ನಿರುಜ್ಝಿಸ್ಸತಿ ಧಮ್ಮಾಯತನಞ್ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಮನಾಯತನಂ ನ ನಿರುಜ್ಝಿಸ್ಸತೀತಿ? ಆಮನ್ತಾ.