(೧) ಪಚ್ಚುಪ್ಪನ್ನವಾರೋ

(ಕ) ಅನುಲೋಮಪುಗ್ಗಲೋ

೧೮. (ಕ) ಯಸ್ಸ ಚಕ್ಖಾಯತನಂ ಉಪ್ಪಜ್ಜತಿ ತಸ್ಸ ಸೋತಾಯತನಂ ಉಪ್ಪಜ್ಜತೀತಿ?

ಸಚಕ್ಖುಕಾನಂ ಅಸೋತಕಾನಂ ಉಪಪಜ್ಜನ್ತಾನಂ ತೇಸಂ ಚಕ್ಖಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ಸೋತಾಯತನಂ ಉಪ್ಪಜ್ಜತಿ. ಸಚಕ್ಖುಕಾನಂ ಸಸೋತಕಾನಂ ಉಪಪಜ್ಜನ್ತಾನಂ ತೇಸಂ ಚಕ್ಖಾಯತನಞ್ಚ ಉಪ್ಪಜ್ಜತಿ ಸೋತಾಯತನಞ್ಚ ಉಪ್ಪಜ್ಜತಿ.

(ಖ) ಯಸ್ಸ ವಾ ಪನ ಸೋತಾಯತನಂ ಉಪ್ಪಜ್ಜತಿ ತಸ್ಸ ಚಕ್ಖಾಯತನಂ ಉಪ್ಪಜ್ಜತೀತಿ?

ಸಸೋತಕಾನಂ ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಸೋತಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ಚಕ್ಖಾಯತನಂ ಉಪ್ಪಜ್ಜತಿ. ಸಸೋತಕಾನಂ ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಸೋತಾಯತನಞ್ಚ ಉಪ್ಪಜ್ಜತಿ ಚಕ್ಖಾಯತನಞ್ಚ ಉಪ್ಪಜ್ಜತಿ.

(ಕ) ಯಸ್ಸ ಚಕ್ಖಾಯತನಂ ಉಪ್ಪಜ್ಜತಿ ತಸ್ಸ ಘಾನಾಯತನಂ ಉಪ್ಪಜ್ಜತೀತಿ?

ಸಚಕ್ಖುಕಾನಂ ಅಘಾನಕಾನಂ ಉಪಪಜ್ಜನ್ತಾನಂ ತೇಸಂ ಚಕ್ಖಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ಘಾನಾಯತನಂ ಉಪ್ಪಜ್ಜತಿ. ಸಚಕ್ಖುಕಾನಂ ಸಘಾನಕಾನಂ ಉಪಪಜ್ಜನ್ತಾನಂ ತೇಸಂ ಚಕ್ಖಾಯತನಞ್ಚ ಉಪ್ಪಜ್ಜತಿ ಘಾನಾಯತನಞ್ಚ ಉಪ್ಪಜ್ಜತಿ.

(ಖ) ಯಸ್ಸ ವಾ ಪನ ಘಾನಾಯತನಂ ಉಪ್ಪಜ್ಜತಿ ತಸ್ಸ ಚಕ್ಖಾಯತನಂ ಉಪ್ಪಜ್ಜತೀತಿ?

ಸಘಾನಕಾನಂ ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಘಾನಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ಚಕ್ಖಾಯತನಂ ಉಪ್ಪಜ್ಜತಿ. ಸಘಾನಕಾನಂ ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಘಾನಾಯತನಞ್ಚ ಉಪ್ಪಜ್ಜತಿ ಚಕ್ಖಾಯತನಞ್ಚ ಉಪ್ಪಜ್ಜತಿ.

(ಕ) ಯಸ್ಸ ಚಕ್ಖಾಯತನಂ ಉಪ್ಪಜ್ಜತಿ ತಸ್ಸ ರೂಪಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ರೂಪಾಯತನಂ ಉಪ್ಪಜ್ಜತಿ ತಸ್ಸ ಚಕ್ಖಾಯತನಂ ಉಪ್ಪಜ್ಜತೀತಿ?

ಸರೂಪಕಾನಂ ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ರೂಪಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ಚಕ್ಖಾಯತನಂ ಉಪ್ಪಜ್ಜತಿ. ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ರೂಪಾಯತನಞ್ಚ ಉಪ್ಪಜ್ಜತಿ ಚಕ್ಖಾಯತನಞ್ಚ ಉಪ್ಪಜ್ಜತಿ.

(ಕ) ಯಸ್ಸ ಚಕ್ಖಾಯತನಂ ಉಪ್ಪಜ್ಜತಿ ತಸ್ಸ ಮನಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಮನಾಯತನಂ ಉಪ್ಪಜ್ಜತಿ ತಸ್ಸ ಚಕ್ಖಾಯತನಂ ಉಪ್ಪಜ್ಜತೀತಿ?

ಸಚಿತ್ತಕಾನಂ ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಮನಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ಚಕ್ಖಾಯತನಂ ಉಪ್ಪಜ್ಜತಿ. ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಮನಾಯತನಞ್ಚ ಉಪ್ಪಜ್ಜತಿ ಚಕ್ಖಾಯತನಞ್ಚ ಉಪ್ಪಜ್ಜತಿ.

(ಕ) ಯಸ್ಸ ಚಕ್ಖಾಯತನಂ ಉಪ್ಪಜ್ಜತಿ ತಸ್ಸ ಧಮ್ಮಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ಉಪ್ಪಜ್ಜತಿ ತಸ್ಸ ಚಕ್ಖಾಯತನಂ ಉಪ್ಪಜ್ಜತೀತಿ?

ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ಚಕ್ಖಾಯತನಂ ಉಪ್ಪಜ್ಜತಿ. ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಾಯತನಞ್ಚ ಉಪ್ಪಜ್ಜತಿ ಚಕ್ಖಾಯತನಞ್ಚ ಉಪ್ಪಜ್ಜತಿ. (ಚಕ್ಖಾಯತನಮೂಲಕಂ)

೧೯. (ಕ) ಯಸ್ಸ ಘಾನಾಯತನಂ ಉಪ್ಪಜ್ಜತಿ ತಸ್ಸ ರೂಪಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ರೂಪಾಯತನಂ ಉಪ್ಪಜ್ಜತಿ ತಸ್ಸ ಘಾನಾಯತನಂ ಉಪ್ಪಜ್ಜತೀತಿ?

ಸರೂಪಕಾನಂ ಅಘಾನಕಾನಂ ಉಪಪಜ್ಜನ್ತಾನಂ ತೇಸಂ ರೂಪಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ಘಾನಾಯತನಂ ಉಪ್ಪಜ್ಜತಿ. ಸಘಾನಕಾನಂ ಉಪಪಜ್ಜನ್ತಾನಂ ತೇಸಂ ರೂಪಾಯತನಞ್ಚ ಉಪ್ಪಜ್ಜತಿ ಘಾನಾಯತನಞ್ಚ ಉಪ್ಪಜ್ಜತಿ.

(ಕ) ಯಸ್ಸ ಘಾನಾಯತನಂ ಉಪ್ಪಜ್ಜತಿ ತಸ್ಸ ಮನಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಮನಾಯತನಂ ಉಪ್ಪಜ್ಜತಿ ತಸ್ಸ ಘಾನಾಯತನಂ ಉಪ್ಪಜ್ಜತೀತಿ?

ಸಚಿತ್ತಕಾನಂ ಅಘಾನಕಾನಂ ಉಪಪಜ್ಜನ್ತಾನಂ ತೇಸಂ ಮನಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ಘಾನಾಯತನಂ ಉಪ್ಪಜ್ಜತಿ. ಸಘಾನಕಾನಂ ಉಪಪಜ್ಜನ್ತಾನಂ ತೇಸಂ ಮನಾಯತನಞ್ಚ ಉಪ್ಪಜ್ಜತಿ ಘಾನಾಯತನಞ್ಚ ಉಪ್ಪಜ್ಜತಿ.

(ಕ) ಯಸ್ಸ ಘಾನಾಯತನಂ ಉಪ್ಪಜ್ಜತಿ ತಸ್ಸ ಧಮ್ಮಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ಉಪ್ಪಜ್ಜತಿ ತಸ್ಸ ಘಾನಾಯತನಂ ಉಪ್ಪಜ್ಜತೀತಿ?

ಅಘಾನಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ಘಾನಾಯತನಂ ಉಪ್ಪಜ್ಜತಿ. ಸಘಾನಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಾಯತನಞ್ಚ ಉಪ್ಪಜ್ಜತಿ ಘಾನಾಯತನಞ್ಚ ಉಪ್ಪಜ್ಜತಿ. (ಘಾನಾಯತನಮೂಲಕಂ)

೨೦. (ಕ) ಯಸ್ಸ ರೂಪಾಯತನಂ ಉಪ್ಪಜ್ಜತಿ ತಸ್ಸ ಮನಾಯತನಂ ಉಪ್ಪಜ್ಜತೀತಿ?

ಅಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ರೂಪಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ಮನಾಯತನಂ ಉಪ್ಪಜ್ಜತಿ. ಸರೂಪಕಾನಂ ಸಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ರೂಪಾಯತನಞ್ಚ ಉಪ್ಪಜ್ಜತಿ ಮನಾಯತನಞ್ಚ ಉಪ್ಪಜ್ಜತಿ.

(ಖ) ಯಸ್ಸ ವಾ ಪನ ಮನಾಯತನಂ ಉಪ್ಪಜ್ಜತಿ ತಸ್ಸ ರೂಪಾಯತನಂ ಉಪ್ಪಜ್ಜತೀತಿ?

ಅರೂಪಕಾನಂ ಉಪಪಜ್ಜನ್ತಾನಂ ತೇಸಂ ಮನಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ರೂಪಾಯತನಂ ಉಪ್ಪಜ್ಜತಿ. ಸಚಿತ್ತಕಾನಂ ಸರೂಪಕಾನಂ ಉಪಪಜ್ಜನ್ತಾನಂ ತೇಸಂ ಮನಾಯತನಞ್ಚ ಉಪ್ಪಜ್ಜತಿ ರೂಪಾಯತನಞ್ಚ ಉಪ್ಪಜ್ಜತಿ.

(ಕ) ಯಸ್ಸ ರೂಪಾಯತನಂ ಉಪ್ಪಜ್ಜತಿ ತಸ್ಸ ಧಮ್ಮಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ಉಪ್ಪಜ್ಜತಿ ತಸ್ಸ ರೂಪಾಯತನಂ ಉಪ್ಪಜ್ಜತೀತಿ?

ಅರೂಪಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ರೂಪಾಯತನಂ ಉಪ್ಪಜ್ಜತಿ. ಸರೂಪಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಾಯತನಞ್ಚ ಉಪ್ಪಜ್ಜತಿ ರೂಪಾಯತನಞ್ಚ ಉಪ್ಪಜ್ಜತಿ. (ರೂಪಾಯತನಮೂಲಕಂ)

೨೧. (ಕ) ಯಸ್ಸ ಮನಾಯತನಂ ಉಪ್ಪಜ್ಜತಿ ತಸ್ಸ ಧಮ್ಮಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ಉಪ್ಪಜ್ಜತಿ ತಸ್ಸ ಮನಾಯತನಂ ಉಪ್ಪಜ್ಜತೀತಿ?

ಅಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ಮನಾಯತನಂ ಉಪ್ಪಜ್ಜತಿ. ಸಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಾಯತನಞ್ಚ ಉಪ್ಪಜ್ಜತಿ ಮನಾಯತನಞ್ಚ ಉಪ್ಪಜ್ಜತಿ. (ಮನಾಯತನಮೂಲಕಂ)

(ಖ) ಅನುಲೋಮಓಕಾಸೋ

೨೨. (ಕ) ಯತ್ಥ ಚಕ್ಖಾಯತನಂ ಉಪ್ಪಜ್ಜತಿ ತತ್ಥ ಸೋತಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯತ್ಥ ವಾ ಪನ ಸೋತಾಯತನಂ ಉಪ್ಪಜ್ಜತಿ ತತ್ಥ ಚಕ್ಖಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಕ) ಯತ್ಥ ಚಕ್ಖಾಯತನಂ ಉಪ್ಪಜ್ಜತಿ ತತ್ಥ ಘಾನಾಯತನಂ ಉಪ್ಪಜ್ಜತೀತಿ?

ರೂಪಾವಚರೇ ತತ್ಥ ಚಕ್ಖಾಯತನಂ ಉಪ್ಪಜ್ಜತಿ, ನೋ ಚ ತತ್ಥ ಘಾನಾಯತನಂ ಉಪ್ಪಜ್ಜತಿ. ಕಾಮಾವಚರೇ ತತ್ಥ ಚಕ್ಖಾಯತನಞ್ಚ ಉಪ್ಪಜ್ಜತಿ ಘಾನಾಯತನಞ್ಚ ಉಪ್ಪಜ್ಜತಿ.

(ಖ) ಯತ್ಥ ವಾ ಪನ ಘಾನಾಯತನಂ ಉಪ್ಪಜ್ಜತಿ ತತ್ಥ ಚಕ್ಖಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಕ) ಯತ್ಥ ಚಕ್ಖಾಯತನಂ ಉಪ್ಪಜ್ಜತಿ ತತ್ಥ ರೂಪಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯತ್ಥ ವಾ ಪನ ರೂಪಾಯತನಂ ಉಪ್ಪಜ್ಜತಿ ತತ್ಥ ಚಕ್ಖಾಯತನಂ ಉಪ್ಪಜ್ಜತೀತಿ?

ಅಸಞ್ಞಸತ್ತೇ ತತ್ಥ ರೂಪಾಯತನಂ ಉಪ್ಪಜ್ಜತಿ, ನೋ ಚ ತತ್ಥ ಚಕ್ಖಾಯತನಂ ಉಪ್ಪಜ್ಜತಿ. ಪಞ್ಚವೋಕಾರೇ ತತ್ಥ ರೂಪಾಯತನಞ್ಚ ಉಪ್ಪಜ್ಜತಿ ಚಕ್ಖಾಯತನಞ್ಚ ಉಪ್ಪಜ್ಜತಿ.

(ಕ) ಯತ್ಥ ಚಕ್ಖಾಯತನಂ ಉಪ್ಪಜ್ಜತಿ ತತ್ಥ ಮನಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯತ್ಥ ವಾ ಪನ ಮನಾಯತನಂ ಉಪ್ಪಜ್ಜತಿ ತತ್ಥ ಚಕ್ಖಾಯತನಂ ಉಪ್ಪಜ್ಜತೀತಿ?

ಅರೂಪೇ ತತ್ಥ ಮನಾಯತನಂ ಉಪ್ಪಜ್ಜತಿ, ನೋ ಚ ತತ್ಥ ಚಕ್ಖಾಯತನಂ ಉಪ್ಪಜ್ಜತಿ. ಪಞ್ಚವೋಕಾರೇ ತತ್ಥ ಮನಾಯತನಞ್ಚ ಉಪ್ಪಜ್ಜತಿ ಚಕ್ಖಾಯತನಞ್ಚ ಉಪ್ಪಜ್ಜತಿ.

(ಕ) ಯತ್ಥ ಚಕ್ಖಾಯತನಂ ಉಪ್ಪಜ್ಜತಿ ತತ್ಥ ಧಮ್ಮಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯತ್ಥ ವಾ ಪನ ಧಮ್ಮಾಯತನಂ ಉಪ್ಪಜ್ಜತಿ ತತ್ಥ ಚಕ್ಖಾಯತನಂ ಉಪ್ಪಜ್ಜತೀತಿ?

ಅಸಞ್ಞಸತ್ತೇ ಅರೂಪೇ ತತ್ಥ ಧಮ್ಮಾಯತನಂ ಉಪ್ಪಜ್ಜತಿ, ನೋ ಚ ತತ್ಥ ಚಕ್ಖಾಯತನಂ ಉಪ್ಪಜ್ಜತಿ. ಪಞ್ಚವೋಕಾರೇ ತತ್ಥ ಧಮ್ಮಾಯತನಞ್ಚ ಉಪ್ಪಜ್ಜತಿ ಚಕ್ಖಾಯತನಞ್ಚ ಉಪ್ಪಜ್ಜತಿ. (ಚಕ್ಖಾಯತನಮೂಲಕಂ)

೨೩. (ಕ) ಯತ್ಥ ಘಾನಾಯತನಂ ಉಪ್ಪಜ್ಜತಿ ತತ್ಥ ರೂಪಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯತ್ಥ ವಾ ಪನ ರೂಪಾಯತನಂ ಉಪ್ಪಜ್ಜತಿ ತತ್ಥ ಘಾನಾಯತನಂ ಉಪ್ಪಜ್ಜತೀತಿ?

ರೂಪಾವಚರೇ ತತ್ಥ ರೂಪಾಯತನಂ ಉಪ್ಪಜ್ಜತಿ, ನೋ ಚ ತತ್ಥ ಘಾನಾಯತನಂ ಉಪ್ಪಜ್ಜತಿ. ಕಾಮಾವಚರೇ ತತ್ಥ ರೂಪಾಯತನಞ್ಚ ಉಪ್ಪಜ್ಜತಿ ಘಾನಾಯತನಞ್ಚ ಉಪ್ಪಜ್ಜತಿ.

(ಯತ್ಥ ಘಾನಾಯತನಂ ಉಪ್ಪಜ್ಜತಿ ತತ್ಥ ಮನಾಯತನಂ ಧಮ್ಮಾಯತನಞ್ಚ ಏಕಸದಿಸಂ, ನಾನಂ ನತ್ಥಿ, ಉಪರಿ ಪನ ವಾರಸಙ್ಖೇಪೋ [ಉಪರಿವಾರೇ ಸಙ್ಖೇಪೋ (ಸ್ಯಾ.), ಉಪರಿವಾರೇ ಸಙ್ಖೇಪಂ (ಸೀ. ಕ.)] ತೀತಿ ಜಾನಿತಬ್ಬಂ.)

(ಕ) ಯತ್ಥ ಘಾನಾಯತನಂ ಉಪ್ಪಜ್ಜತಿ ತತ್ಥ ಧಮ್ಮಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯತ್ಥ ವಾ ಪನ ಧಮ್ಮಾಯತನಂ ಉಪ್ಪಜ್ಜತಿ ತತ್ಥ ಘಾನಾಯತನಂ ಉಪ್ಪಜ್ಜತೀತಿ?

ರೂಪಾವಚರೇ ಅರೂಪಾವಚರೇ ತತ್ಥ ಧಮ್ಮಾಯತನಂ ಉಪ್ಪಜ್ಜತಿ, ನೋ ಚ ತತ್ಥ ಘಾನಾಯತನಂ ಉಪ್ಪಜ್ಜತಿ. ಕಾಮಾವಚರೇ ತತ್ಥ ಧಮ್ಮಾಯತನಞ್ಚ ಉಪ್ಪಜ್ಜತಿ ಘಾನಾಯತನಞ್ಚ ಉಪ್ಪಜ್ಜತಿ. (ಘಾನಾಯತನಮೂಲಕಂ)

೨೪. (ಕ) ಯತ್ಥ ರೂಪಾಯತನಂ ಉಪ್ಪಜ್ಜತಿ ತತ್ಥ ಮನಾಯತನಂ ಉಪ್ಪಜ್ಜತೀತಿ?

ಅಸಞ್ಞಸತ್ತೇ ತತ್ಥ ರೂಪಾಯತನಂ ಉಪ್ಪಜ್ಜತಿ, ನೋ ಚ ತತ್ಥ ಮನಾಯತನಂ ಉಪ್ಪಜ್ಜತಿ. ಪಞ್ಚವೋಕಾರೇ ತತ್ಥ ರೂಪಾಯತನಞ್ಚ ಉಪ್ಪಜ್ಜತಿ ಮನಾಯತನಞ್ಚ ಉಪ್ಪಜ್ಜತಿ.

(ಖ) ಯತ್ಥ ವಾ ಪನ ಮನಾಯತನಂ ಉಪ್ಪಜ್ಜತಿ ತತ್ಥ ರೂಪಾಯತನಂ ಉಪ್ಪಜ್ಜತೀತಿ?

ಅರೂಪೇ ತತ್ಥ ಮನಾಯತನಂ ಉಪ್ಪಜ್ಜತಿ, ನೋ ಚ ತತ್ಥ ರೂಪಾಯತನಂ ಉಪ್ಪಜ್ಜತಿ. ಪಞ್ಚವೋಕಾರೇ ತತ್ಥ ಮನಾಯತನಞ್ಚ ಉಪ್ಪಜ್ಜತಿ ರೂಪಾಯತನಞ್ಚ ಉಪ್ಪಜ್ಜತಿ.

(ಕ) ಯತ್ಥ ರೂಪಾಯತನಂ ಉಪ್ಪಜ್ಜತಿ ತತ್ಥ ಧಮ್ಮಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯತ್ಥ ವಾ ಪನ ಧಮ್ಮಾಯತನಂ ಉಪ್ಪಜ್ಜತಿ ತತ್ಥ ರೂಪಾಯತನಂ ಉಪ್ಪಜ್ಜತೀತಿ?

ಅರೂಪೇ ತತ್ಥ ಧಮ್ಮಾಯತನಂ ಉಪ್ಪಜ್ಜತಿ, ನೋ ಚ ತತ್ಥ ರೂಪಾಯತನಂ ಉಪ್ಪಜ್ಜತಿ. ಪಞ್ಚವೋಕಾರೇ ಅಸಞ್ಞಸತ್ತೇ ತತ್ಥ ಧಮ್ಮಾಯತನಞ್ಚ ಉಪ್ಪಜ್ಜತಿ ರೂಪಾಯತನಞ್ಚ ಉಪ್ಪಜ್ಜತಿ. (ರೂಪಾಯತನಮೂಲಕಂ)

೨೫. (ಕ) ಯತ್ಥ ಮನಾಯತನಂ ಉಪ್ಪಜ್ಜತಿ ತತ್ಥ ಧಮ್ಮಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯತ್ಥ ವಾ ಪನ ಧಮ್ಮಾಯತನಂ ಉಪ್ಪಜ್ಜತಿ ತತ್ಥ ಮನಾಯತನಂ ಉಪ್ಪಜ್ಜತೀತಿ?

ಅಸಞ್ಞಸತ್ತೇ ತತ್ಥ ಧಮ್ಮಾಯತನಂ ಉಪ್ಪಜ್ಜತಿ, ನೋ ಚ ತತ್ಥ ಮನಾಯತನಂ ಉಪ್ಪಜ್ಜತಿ. ಚತುವೋಕಾರೇ ಪಞ್ಚವೋಕಾರೇ ತತ್ಥ ಧಮ್ಮಾಯತನಞ್ಚ ಉಪ್ಪಜ್ಜತಿ ಮನಾಯತನಞ್ಚ ಉಪ್ಪಜ್ಜತಿ. (ಮನಾಯತನಮೂಲಕಂ)

(ಗ) ಅನುಲೋಮಪುಗ್ಗಲೋಕಾಸಾ

೨೬. (ಕ) ಯಸ್ಸ ಯತ್ಥ ಚಕ್ಖಾಯತನಂ ಉಪ್ಪಜ್ಜತಿ ತಸ್ಸ ತತ್ಥ ಸೋತಾಯತನಂ ಉಪ್ಪಜ್ಜತೀತಿ?

ಸಚಕ್ಖುಕಾನಂ ಅಸೋತಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ತತ್ಥ ಸೋತಾಯತನಂ ಉಪ್ಪಜ್ಜತಿ. ಸಚಕ್ಖುಕಾನಂ ಸಸೋತಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ಉಪ್ಪಜ್ಜತಿ ಸೋತಾಯತನಞ್ಚ ಉಪ್ಪಜ್ಜತಿ.

(ಖ) ಯಸ್ಸ ವಾ ಪನ ಯತ್ಥ ಸೋತಾಯತನಂ ಉಪ್ಪಜ್ಜತಿ ತಸ್ಸ ತತ್ಥ ಚಕ್ಖಾಯತನಂ ಉಪ್ಪಜ್ಜತೀತಿ?

ಸಸೋತಕಾನಂ ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಸೋತಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜತಿ. ಸಸೋತಕಾನಂ ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಸೋತಾಯತನಞ್ಚ ಉಪ್ಪಜ್ಜತಿ ಚಕ್ಖಾಯತನಞ್ಚ ಉಪ್ಪಜ್ಜತಿ (ಸಂಖಿತ್ತಂ ಯಸ್ಸಕಸದಿಸಂ [ಯಸ್ಸಕಮ್ಪಿ ಸದಿಸಂ (ಸೀ.), ಯಸ್ಸೇಕಸದಿಸಂ (ಸ್ಯಾ.)] ).

೨೭. (ಕ) ಯಸ್ಸ ಯತ್ಥ ಮನಾಯತನಂ ಉಪ್ಪಜ್ಜತಿ ತಸ್ಸ ತತ್ಥ ಧಮ್ಮಾಯತನಂ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ಉಪ್ಪಜ್ಜತಿ ತಸ್ಸ ತತ್ಥ ಮನಾಯತನಂ ಉಪ್ಪಜ್ಜತೀತಿ?

ಅಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ತತ್ಥ ಮನಾಯತನಂ ಉಪ್ಪಜ್ಜತಿ. ಸಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ಉಪ್ಪಜ್ಜತಿ ಮನಾಯತನಞ್ಚ ಉಪ್ಪಜ್ಜತಿ.

(ಘ) ಪಚ್ಚನೀಕಪುಗ್ಗಲೋ

೨೮. (ಕ) ಯಸ್ಸ ಚಕ್ಖಾಯತನಂ ನುಪ್ಪಜ್ಜತಿ ತಸ್ಸ ಸೋತಾಯತನಂ ನುಪ್ಪಜ್ಜತೀತಿ?

ಅಚಕ್ಖುಕಾನಂ ಸಸೋತಕಾನಂ ಉಪಪಜ್ಜನ್ತಾನಂ ತೇಸಂ ಚಕ್ಖಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ಸೋತಾಯತನಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ಅಚಕ್ಖುಕಾನಂ ಅಸೋತಕಾನಂ ಉಪಪಜ್ಜನ್ತಾನಂ ತೇಸಂ ಚಕ್ಖಾಯತನಞ್ಚ ನುಪ್ಪಜ್ಜತಿ ಸೋತಾಯತನಞ್ಚ ನುಪ್ಪಜ್ಜತಿ.

(ಖ) ಯಸ್ಸ ವಾ ಪನ ಸೋತಾಯತನಂ ನುಪ್ಪಜ್ಜತಿ ತಸ್ಸ ಚಕ್ಖಾಯತನಂ ನುಪ್ಪಜ್ಜತೀತಿ?

ಅಸೋತಕಾನಂ ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಸೋತಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ಚಕ್ಖಾಯತನಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ಅಸೋತಕಾನಂ ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಸೋತಾಯತನಞ್ಚ ನುಪ್ಪಜ್ಜತಿ ಚಕ್ಖಾಯತನಞ್ಚ ನುಪ್ಪಜ್ಜತಿ.

(ಕ) ಯಸ್ಸ ಚಕ್ಖಾಯತನಂ ನುಪ್ಪಜ್ಜತಿ ತಸ್ಸ ಘಾನಾಯತನಂ ನುಪ್ಪಜ್ಜತೀತಿ?

ಅಚಕ್ಖುಕಾನಂ ಸಘಾನಕಾನಂ ಉಪಪಜ್ಜನ್ತಾನಂ ತೇಸಂ ಚಕ್ಖಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ಘಾನಾಯತನಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ಅಚಕ್ಖುಕಾನಂ ಅಘಾನಕಾನಂ ಉಪಪಜ್ಜನ್ತಾನಂ ತೇಸಂ ಚಕ್ಖಾಯತನಞ್ಚ ನುಪ್ಪಜ್ಜತಿ ಘಾನಾಯತನಞ್ಚ ನುಪ್ಪಜ್ಜತಿ.

(ಖ) ಯಸ್ಸ ವಾ ಪನ ಘಾನಾಯತನಂ ನುಪ್ಪಜ್ಜತಿ ತಸ್ಸ ಚಕ್ಖಾಯತನಂ ನುಪ್ಪಜ್ಜತೀತಿ?

ಅಘಾನಕಾನಂ ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಘಾನಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ಚಕ್ಖಾಯತನಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ಅಘಾನಕಾನಂ ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಘಾನಾಯತನಞ್ಚ ನುಪ್ಪಜ್ಜತಿ ಚಕ್ಖಾಯತನಞ್ಚ ನುಪ್ಪಜ್ಜತಿ.

(ಕ) ಯಸ್ಸ ಚಕ್ಖಾಯತನಂ ನುಪ್ಪಜ್ಜತಿ ತಸ್ಸ ರೂಪಾಯತನಂ ನುಪ್ಪಜ್ಜತೀತಿ?

ಅಚಕ್ಖುಕಾನಂ ಸರೂಪಕಾನಂ ಉಪಪಜ್ಜನ್ತಾನಂ ತೇಸಂ ಚಕ್ಖಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ರೂಪಾಯತನಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ಅರೂಪಕಾನಂ ಉಪಪಜ್ಜನ್ತಾನಂ ತೇಸಂ ಚಕ್ಖಾಯತನಞ್ಚ ನುಪ್ಪಜ್ಜತಿ ರೂಪಾಯತನಞ್ಚ ನುಪ್ಪಜ್ಜತಿ.

(ಖ) ಯಸ್ಸ ವಾ ಪನ ರೂಪಾಯತನಂ ನುಪ್ಪಜ್ಜತಿ ತಸ್ಸ ಚಕ್ಖಾಯತನಂ ನುಪ್ಪಜ್ಜತೀತಿ? ಆಮನ್ತಾ.

(ಕ) ಯಸ್ಸ ಚಕ್ಖಾಯತನಂ ನುಪ್ಪಜ್ಜತಿ ತಸ್ಸ ಮನಾಯತನಂ ನುಪ್ಪಜ್ಜತೀತಿ?

ಅಚಕ್ಖುಕಾನಂ ಸಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ಚಕ್ಖಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ಮನಾಯತನಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ಅಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ಚಕ್ಖಾಯತನಞ್ಚ ನುಪ್ಪಜ್ಜತಿ ಮನಾಯತನಞ್ಚ ನುಪ್ಪಜ್ಜತಿ.

(ಖ) ಯಸ್ಸ ವಾ ಪನ ಮನಾಯತನಂ ನುಪ್ಪಜ್ಜತಿ ತಸ್ಸ ಚಕ್ಖಾಯತನಂ ನುಪ್ಪಜ್ಜತೀತಿ? ಆಮನ್ತಾ.

(ಕ) ಯಸ್ಸ ಚಕ್ಖಾಯತನಂ ನುಪ್ಪಜ್ಜತಿ ತಸ್ಸ ಧಮ್ಮಾಯತನಂ ನುಪ್ಪಜ್ಜತೀತಿ?

ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಚಕ್ಖಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ಧಮ್ಮಾಯತನಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ತೇಸಂ ಚಕ್ಖಾಯತನಞ್ಚ ನುಪ್ಪಜ್ಜತಿ ಧಮ್ಮಾಯತನಞ್ಚ ನುಪ್ಪಜ್ಜತಿ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ನುಪ್ಪಜ್ಜತಿ ತಸ್ಸ ಚಕ್ಖಾಯತನಂ ನುಪ್ಪಜ್ಜತೀತಿ? ಆಮನ್ತಾ. (ಚಕ್ಖಾಯತನಮೂಲಕಂ)

೨೯. (ಕ) ಯಸ್ಸ ಘಾನಾಯತನಂ ನುಪ್ಪಜ್ಜತಿ ತಸ್ಸ ರೂಪಾಯತನಂ ನುಪ್ಪಜ್ಜತೀತಿ?

ಅಘಾನಕಾನಂ ಸರೂಪಕಾನಂ ಉಪಪಜ್ಜನ್ತಾನಂ ತೇಸಂ ಘಾನಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ರೂಪಾಯತನಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ಅರೂಪಕಾನಂ ಉಪಪಜ್ಜನ್ತಾನಂ ತೇಸಂ ಘಾನಾಯತನಞ್ಚ ನುಪ್ಪಜ್ಜತಿ ರೂಪಾಯತನಞ್ಚ ನುಪ್ಪಜ್ಜತಿ.

(ಖ) ಯಸ್ಸ ವಾ ಪನ ರೂಪಾಯತನಂ ನುಪ್ಪಜ್ಜತಿ ತಸ್ಸ ಘಾನಾಯತನಂ ನುಪ್ಪಜ್ಜತೀತಿ? ಆಮನ್ತಾ.

(ಕ) ಯಸ್ಸ ಘಾನಾಯತನಂ ನುಪ್ಪಜ್ಜತಿ ತಸ್ಸ ಮನಾಯತನಂ ನುಪ್ಪಜ್ಜತೀತಿ?

ಅಘಾನಕಾನಂ ಸಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ಘಾನಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ಮನಾಯತನಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ಅಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ಘಾನಾಯತನಞ್ಚ ನುಪ್ಪಜ್ಜತಿ ಮನಾಯತನಞ್ಚ ನುಪ್ಪಜ್ಜತಿ.

(ಖ) ಯಸ್ಸ ವಾ ಪನ ಮನಾಯತನಂ ನುಪ್ಪಜ್ಜತಿ ತಸ್ಸ ಘಾನಾಯತನಂ ನುಪ್ಪಜ್ಜತೀತಿ? ಆಮನ್ತಾ.

(ಕ) ಯಸ್ಸ ಘಾನಾಯತನಂ ನುಪ್ಪಜ್ಜತಿ ತಸ್ಸ ಧಮ್ಮಾಯತನಂ ನುಪ್ಪಜ್ಜತೀತಿ?

ಅಘಾನಕಾನಂ ಉಪಪಜ್ಜನ್ತಾನಂ ತೇಸಂ ಘಾನಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ಧಮ್ಮಾಯತನಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ತೇಸಂ ಘಾನಾಯತನಞ್ಚ ನುಪ್ಪಜ್ಜತಿ ಧಮ್ಮಾಯತನಞ್ಚ ನುಪ್ಪಜ್ಜತಿ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ನುಪ್ಪಜ್ಜತಿ ತಸ್ಸ ಘಾನಾಯತನಂ ನುಪ್ಪಜ್ಜತೀತಿ? ಆಮನ್ತಾ. (ಘಾನಾಯತನಮೂಲಕಂ)

೩೦. (ಕ) ಯಸ್ಸ ರೂಪಾಯತನಂ ನುಪ್ಪಜ್ಜತಿ ತಸ್ಸ ಮನಾಯತನಂ ನುಪ್ಪಜ್ಜತೀತಿ?

ಅರೂಪಕಾನಂ ಉಪಪಜ್ಜನ್ತಾನಂ ತೇಸಂ ರೂಪಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ಮನಾಯತನಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ತೇಸಂ ರೂಪಾಯತನಞ್ಚ ನುಪ್ಪಜ್ಜತಿ ಮನಾಯತನಞ್ಚ ನುಪ್ಪಜ್ಜತಿ.

(ಖ) ಯಸ್ಸ ವಾ ಪನ ಮನಾಯತನಂ ನುಪ್ಪಜ್ಜತಿ ತಸ್ಸ ರೂಪಾಯತನಂ ನುಪ್ಪಜ್ಜತೀತಿ?

ಅಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ಮನಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ರೂಪಾಯತನಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ತೇಸಂ ಮನಾಯತನಞ್ಚ ನುಪ್ಪಜ್ಜತಿ ರೂಪಾಯತನಞ್ಚ ನುಪ್ಪಜ್ಜತಿ.

(ಕ) ಯಸ್ಸ ರೂಪಾಯತನಂ ನುಪ್ಪಜ್ಜತಿ ತಸ್ಸ ಧಮ್ಮಾಯತನಂ ನುಪ್ಪಜ್ಜತೀತಿ?

ಅರೂಪಕಾನಂ ಉಪಪಜ್ಜನ್ತಾನಂ ತೇಸಂ ರೂಪಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ಧಮ್ಮಾಯತನಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ತೇಸಂ ರೂಪಾಯತನಞ್ಚ ನುಪ್ಪಜ್ಜತಿ ಧಮ್ಮಾಯತನಞ್ಚ ನುಪ್ಪಜ್ಜತಿ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ನುಪ್ಪಜ್ಜತಿ ತಸ್ಸ ರೂಪಾಯತನಂ ನುಪ್ಪಜ್ಜತೀತಿ? ಆಮನ್ತಾ. (ರೂಪಾಯತನಮೂಲಕಂ)

೩೧. (ಕ) ಯಸ್ಸ ಮನಾಯತನಂ ನುಪ್ಪಜ್ಜತಿ ತಸ್ಸ ಧಮ್ಮಾಯತನಂ ನುಪ್ಪಜ್ಜತೀತಿ?

ಅಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ಮನಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ಧಮ್ಮಾಯತನಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ತೇಸಂ ಮನಾಯತನಞ್ಚ ನುಪ್ಪಜ್ಜತಿ ಧಮ್ಮಾಯತನಞ್ಚ ನುಪ್ಪಜ್ಜತಿ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ನುಪ್ಪಜ್ಜತಿ ತಸ್ಸ ಮನಾಯತನಂ ನುಪ್ಪಜ್ಜತೀತಿ? ಆಮನ್ತಾ. (ಮನಾಯತನಮೂಲಕಂ)

(ಙ) ಪಚ್ಚನೀಕಓಕಾಸೋ

೩೨. (ಕ) ಯತ್ಥ ಚಕ್ಖಾಯತನಂ ನುಪ್ಪಜ್ಜತಿ ತತ್ಥ ಸೋತಾಯತನಂ ನುಪ್ಪಜ್ಜತೀತಿ? ಆಮನ್ತಾ.

(ಖ) ಯತ್ಥ ವಾ ಪನ ಸೋತಾಯತನಂ ನುಪ್ಪಜ್ಜತಿ ತತ್ಥ ಚಕ್ಖಾಯತನಂ ನುಪ್ಪಜ್ಜತೀತಿ? ಆಮನ್ತಾ.

(ಕ) ಯತ್ಥ ಚಕ್ಖಾಯತನಂ ನುಪ್ಪಜ್ಜತಿ ತತ್ಥ ಘಾನಾಯತನಂ ನುಪ್ಪಜ್ಜತೀತಿ? ಆಮನ್ತಾ.

(ಖ) ಯತ್ಥ ವಾ ಪನ ಘಾನಾಯತನಂ ನುಪ್ಪಜ್ಜತಿ ತತ್ಥ ಚಕ್ಖಾಯತನಂ ನುಪ್ಪಜ್ಜತೀತಿ?

ರೂಪಾವಚರೇ ತತ್ಥ ಘಾನಾಯತನಂ ನುಪ್ಪಜ್ಜತಿ, ನೋ ಚ ತತ್ಥ ಚಕ್ಖಾಯತನಂ ನುಪ್ಪಜ್ಜತಿ. ಅಸಞ್ಞಸತ್ತೇ ಅರೂಪೇ ತತ್ಥ ಘಾನಾಯತನಞ್ಚ ನುಪ್ಪಜ್ಜತಿ ಚಕ್ಖಾಯತನಞ್ಚ ನುಪ್ಪಜ್ಜತಿ.

(ಕ) ಯತ್ಥ ಚಕ್ಖಾಯತನಂ ನುಪ್ಪಜ್ಜತಿ ತತ್ಥ ರೂಪಾಯತನಂ ನುಪ್ಪಜ್ಜತೀತಿ?

ಅಸಞ್ಞಸತ್ತೇ ತತ್ಥ ಚಕ್ಖಾಯತನಂ ನುಪ್ಪಜ್ಜತಿ, ನೋ ಚ ತತ್ಥ ರೂಪಾಯತನಂ ನುಪ್ಪಜ್ಜತಿ. ಅರೂಪೇ ತತ್ಥ ಚಕ್ಖಾಯತನಞ್ಚ ನುಪ್ಪಜ್ಜತಿ ರೂಪಾಯತನಞ್ಚ ನುಪ್ಪಜ್ಜತಿ.

(ಖ) ಯತ್ಥ ವಾ ಪನ ರೂಪಾಯತನಂ ನುಪ್ಪಜ್ಜತಿ ತತ್ಥ ಚಕ್ಖಾಯತನಂ ನುಪ್ಪಜ್ಜತೀತಿ? ಆಮನ್ತಾ.

(ಕ) ಯತ್ಥ ಚಕ್ಖಾಯತನಂ ನುಪ್ಪಜ್ಜತಿ ತತ್ಥ ಮನಾಯತನಂ ನುಪ್ಪಜ್ಜತೀತಿ?

ಅರೂಪೇ ತತ್ಥ ಚಕ್ಖಾಯತನಂ ನುಪ್ಪಜ್ಜತಿ, ನೋ ಚ ತತ್ಥ ಮನಾಯತನಂ ನುಪ್ಪಜ್ಜತಿ. ಅಸಞ್ಞಸತ್ತೇ ತತ್ಥ ಚಕ್ಖಾಯತನಞ್ಚ ನುಪ್ಪಜ್ಜತಿ ಮನಾಯತನಞ್ಚ ನುಪ್ಪಜ್ಜತಿ.

(ಖ) ಯತ್ಥ ವಾ ಪನ ಮನಾಯತನಂ ನುಪ್ಪಜ್ಜತಿ ತತ್ಥ ಚಕ್ಖಾಯತನಂ ನುಪ್ಪಜ್ಜತೀತಿ? ಆಮನ್ತಾ.

(ಕ) ಯತ್ಥ ಚಕ್ಖಾಯತನಂ ನುಪ್ಪಜ್ಜತಿ ತತ್ಥ ಧಮ್ಮಾಯತನಂ ನುಪ್ಪಜ್ಜತೀತಿ? ಉಪ್ಪಜ್ಜತಿ.

(ಖ) ಯತ್ಥ ವಾ ಪನ ಧಮ್ಮಾಯತನಂ ನುಪ್ಪಜ್ಜತಿ ತತ್ಥ ಚಕ್ಖಾಯತನಂ ನುಪ್ಪಜ್ಜತೀತಿ? ನತ್ಥಿ. (ಚಕ್ಖಾಯತನಮೂಲಕಂ)

೩೩. (ಕ) ಯತ್ಥ ಘಾನಾಯತನಂ ನುಪ್ಪಜ್ಜತಿ ತತ್ಥ ರೂಪಾಯತನಂ ನುಪ್ಪಜ್ಜತೀತಿ?

ರೂಪಾವಚರೇ ತತ್ಥ ಘಾನಾಯತನಂ ನುಪ್ಪಜ್ಜತಿ, ನೋ ಚ ತತ್ಥ ರೂಪಾಯತನಂ ನುಪ್ಪಜ್ಜತಿ. ಅರೂಪೇ ತತ್ಥ ಘಾನಾಯತನಞ್ಚ ನುಪ್ಪಜ್ಜತಿ ರೂಪಾಯತನಞ್ಚ ನುಪ್ಪಜ್ಜತಿ.

(ಖ) ಯತ್ಥ ವಾ ಪನ ರೂಪಾಯತನಂ ನುಪ್ಪಜ್ಜತಿ ತತ್ಥ ಘಾನಾಯತನಂ ನುಪ್ಪಜ್ಜತೀತಿ? ಆಮನ್ತಾ.

(ಕ) ಯತ್ಥ ಘಾನಾಯತನಂ ನುಪ್ಪಜ್ಜತಿ ತತ್ಥ ಮನಾಯತನಂ ನುಪ್ಪಜ್ಜತೀತಿ?

ರೂಪಾವಚರೇ ಅರೂಪಾವಚರೇ ತತ್ಥ ಘಾನಾಯತನಂ ನುಪ್ಪಜ್ಜತಿ, ನೋ ಚ ತತ್ಥ ಮನಾಯತನಂ ನುಪ್ಪಜ್ಜತಿ. ಅಸಞ್ಞಸತ್ತೇ ತತ್ಥ ಘಾನಾಯತನಞ್ಚ ನುಪ್ಪಜ್ಜತಿ ಮನಾಯತನಞ್ಚ ನುಪ್ಪಜ್ಜತಿ.

(ಖ) ಯತ್ಥ ವಾ ಪನ ಮನಾಯತನಂ ನುಪ್ಪಜ್ಜತಿ ತತ್ಥ ಘಾನಾಯತನಂ ನುಪ್ಪಜ್ಜತೀತಿ? ಆಮನ್ತಾ.

(ಕ) ಯತ್ಥ ಘಾನಾಯತನಂ ನುಪ್ಪಜ್ಜತಿ ತತ್ಥ ಧಮ್ಮಾಯತನಂ ನುಪ್ಪಜ್ಜತೀತಿ? ಉಪ್ಪಜ್ಜತಿ.

(ಖ) ಯತ್ಥ ವಾ ಪನ ಧಮ್ಮಾಯತನಂ ನುಪ್ಪಜ್ಜತಿ ತತ್ಥ ಘಾನಾಯತನಂ ನುಪ್ಪಜ್ಜತೀತಿ? ನತ್ಥಿ. (ಘಾನಾಯತನಮೂಲಕಂ)

೩೪. (ಕ) ಯತ್ಥ ರೂಪಾಯತನಂ ನುಪ್ಪಜ್ಜತಿ ತತ್ಥ ಮನಾಯತನಂ ನುಪ್ಪಜ್ಜತೀತಿ? ಉಪ್ಪಜ್ಜತಿ.

(ಖ) ಯತ್ಥ ವಾ ಪನ ಮನಾಯತನಂ ನುಪ್ಪಜ್ಜತಿ ತತ್ಥ ರೂಪಾಯತನಂ ನುಪ್ಪಜ್ಜತೀತಿ? ಉಪ್ಪಜ್ಜತಿ.

(ಕ) ಯತ್ಥ ರೂಪಾಯತನಂ ನುಪ್ಪಜ್ಜತಿ ತತ್ಥ ಧಮ್ಮಾಯತನಂ ನುಪ್ಪಜ್ಜತೀತಿ? ಉಪ್ಪಜ್ಜತಿ.

(ಖ) ಯತ್ಥ ವಾ ಪನ ಧಮ್ಮಾಯತನಂ ನುಪ್ಪಜ್ಜತಿ ತತ್ಥ ರೂಪಾಯತನಂ ನುಪ್ಪಜ್ಜತೀತಿ? ನತ್ಥಿ. (ರೂಪಾಯತನಮೂಲಕಂ)

೩೫. (ಕ) ಯತ್ಥ ಮನಾಯತನಂ ನುಪ್ಪಜ್ಜತಿ ತತ್ಥ ಧಮ್ಮಾಯತನಂ ನುಪ್ಪಜ್ಜತೀತಿ? ಉಪ್ಪಜ್ಜತಿ.

(ಖ) ಯತ್ಥ ವಾ ಪನ ಧಮ್ಮಾಯತನಂ ನುಪ್ಪಜ್ಜತಿ ತತ್ಥ ಮನಾಯತನಂ ನುಪ್ಪಜ್ಜತೀತಿ? ನತ್ಥಿ. (ಮನಾಯತನಮೂಲಕಂ)

(ಚ) ಪಚ್ಚನೀಕಪುಗ್ಗಲೋಕಾಸಾ

೩೬. (ಕ) ಯಸ್ಸ ಯತ್ಥ ಚಕ್ಖಾಯತನಂ ನುಪ್ಪಜ್ಜತಿ ತಸ್ಸ ತತ್ಥ ಸೋತಾಯತನಂ ನುಪ್ಪಜ್ಜತೀತಿ?

ಅಚಕ್ಖುಕಾನಂ ಸಸೋತಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಸೋತಾಯತನಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ಅಚಕ್ಖುಕಾನಂ ಅಸೋತಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನುಪ್ಪಜ್ಜತಿ ಸೋತಾಯತನಞ್ಚ ನುಪ್ಪಜ್ಜತಿ.

(ಖ) ಯಸ್ಸ ವಾ ಪನ ಯತ್ಥ ಸೋತಾಯತನಂ ನುಪ್ಪಜ್ಜತಿ ತಸ್ಸ ತತ್ಥ ಚಕ್ಖಾಯತನಂ ನುಪ್ಪಜ್ಜತೀತಿ?

ಅಸೋತಕಾನಂ ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಸೋತಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ಅಸೋತಕಾನಂ ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಸೋತಾಯತನಞ್ಚ ನುಪ್ಪಜ್ಜತಿ ಚಕ್ಖಾಯತನಞ್ಚ ನುಪ್ಪಜ್ಜತಿ…ಪೇ….

೩೭. (ಕ) ಯಸ್ಸ ಯತ್ಥ ಮನಾಯತನಂ ನುಪ್ಪಜ್ಜತಿ ತಸ್ಸ ತತ್ಥ ಧಮ್ಮಾಯತನಂ ನುಪ್ಪಜ್ಜತೀತಿ?

ಅಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಮನಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ತೇಸಂ ತತ್ಥ ಮನಾಯತನಞ್ಚ ನುಪ್ಪಜ್ಜತಿ ಧಮ್ಮಾಯತನಞ್ಚ ನುಪ್ಪಜ್ಜತಿ.