(೨) ಅತೀತವಾರೋ

(ಕ) ಅನುಲೋಮಪುಗ್ಗಲೋ

೩೮. (ಕ) ಯಸ್ಸ ಚಕ್ಖಾಯತನಂ ಉಪ್ಪಜ್ಜಿತ್ಥ ತಸ್ಸ ಸೋತಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಸೋತಾಯತನಂ ಉಪ್ಪಜ್ಜಿತ್ಥ ತಸ್ಸ ಚಕ್ಖಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

ಯಸ್ಸ ಚಕ್ಖಾಯತನಂ ಉಪ್ಪಜ್ಜಿತ್ಥ ತಸ್ಸ ಘಾನಾಯತನಂ…ಪೇ… ರೂಪಾಯತನಂ… ಮನಾಯತನಂ… ಧಮ್ಮಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

ಯಸ್ಸ ವಾ ಪನ ಧಮ್ಮಾಯತನಂ ಉಪ್ಪಜ್ಜಿತ್ಥ ತಸ್ಸ ಚಕ್ಖಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

೩೯. ಯಸ್ಸ ಘಾನಾಯತನಂ…ಪೇ… ರೂಪಾಯತನಂ… ಮನಾಯತನಂ ಉಪ್ಪಜ್ಜಿತ್ಥ ತಸ್ಸ ಧಮ್ಮಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

ಯಸ್ಸ ವಾ ಪನ ಧಮ್ಮಾಯತನಂ ಉಪ್ಪಜ್ಜಿತ್ಥ ತಸ್ಸ ಮನಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಅನುಲೋಮಓಕಾಸೋ

೪೦. (ಕ) ಯತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ…ಪೇ… (ಯತ್ಥಕಂ ಪಚ್ಚುಪ್ಪನ್ನೇಪಿ ಅತೀತೇಪಿ ಅನಾಗತೇಪಿ ಪಚ್ಚುಪ್ಪನ್ನಾತೀತೇಪಿ ಪಚ್ಚುಪ್ಪನ್ನಾನಾಗತೇಪಿ ಅತೀತಾನಾಗತೇಪಿ ಸಬ್ಬತ್ಥ ಸದಿಸಂ, ಉಪ್ಪಜ್ಜತಿ ಉಪ್ಪಜ್ಜಿತ್ಥಾತಿ ನಾಮಂ ಅತಿರೇಕಂ ಕಾತಬ್ಬಂ).

(ಗ) ಅನುಲೋಮಪುಗ್ಗಲೋಕಾಸಾ

೪೧. (ಕ) ಯಸ್ಸ ಯತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಸೋತಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಸೋತಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಘಾನಾಯತನಂ ಉಪ್ಪಜ್ಜಿತ್ಥಾತಿ?

ರೂಪಾವಚರಾನಂ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಘಾನಾಯತನಂ ಉಪ್ಪಜ್ಜಿತ್ಥ. ಕಾಮಾವಚರಾನಂ ತೇಸಂ ತತ್ಥ ಚಕ್ಖಾಯತನಞ್ಚ ಉಪ್ಪಜ್ಜಿತ್ಥ ಘಾನಾಯತನಞ್ಚ ಉಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಘಾನಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥಾತಿ?

ಅಸಞ್ಞಸತ್ತಾನಂ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ. ಪಞ್ಚವೋಕಾರಾನಂ ತೇಸಂ ತತ್ಥ ರೂಪಾಯತನಞ್ಚ ಉಪ್ಪಜ್ಜಿತ್ಥ ಚಕ್ಖಾಯತನಞ್ಚ ಉಪ್ಪಜ್ಜಿತ್ಥ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಮನಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥಾತಿ?

ಅರೂಪಾನಂ ತೇಸಂ ತತ್ಥ ಮನಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ. ಪಞ್ಚವೋಕಾರಾನಂ ತೇಸಂ ತತ್ಥ ಮನಾಯತನಞ್ಚ ಉಪ್ಪಜ್ಜಿತ್ಥ ಚಕ್ಖಾಯತನಞ್ಚ ಉಪ್ಪಜ್ಜಿತ್ಥ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥಾತಿ?

ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ. ಪಞ್ಚವೋಕಾರಾನಂ ತೇಸಂ ತತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿತ್ಥ ಚಕ್ಖಾಯತನಞ್ಚ ಉಪ್ಪಜ್ಜಿತ್ಥ. (ಚಕ್ಖಾಯತನಮೂಲಕಂ)

೪೨. (ಕ) ಯಸ್ಸ ಯತ್ಥ ಘಾನಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಘಾನಾಯತನಂ ಉಪ್ಪಜ್ಜಿತ್ಥಾತಿ?

ರೂಪಾವಚರಾನಂ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಘಾನಾಯತನಂ ಉಪ್ಪಜ್ಜಿತ್ಥ. ಕಾಮಾವಚರಾನಂ ತೇಸಂ ತತ್ಥ ರೂಪಾಯತನಞ್ಚ ಉಪ್ಪಜ್ಜಿತ್ಥ ಘಾನಾಯತನಞ್ಚ ಉಪ್ಪಜ್ಜಿತ್ಥ.

(ಕ) ಯಸ್ಸ ಯತ್ಥ ಘಾನಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಮನಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಘಾನಾಯತನಂ ಉಪ್ಪಜ್ಜಿತ್ಥಾತಿ?

ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಮನಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಘಾನಾಯತನಂ ಉಪ್ಪಜ್ಜಿತ್ಥ. ಕಾಮಾವಚರಾನಂ ತೇಸಂ ತತ್ಥ ಮನಾಯತನಞ್ಚ ಉಪ್ಪಜ್ಜಿತ್ಥ ಘಾನಾಯತನಞ್ಚ ಉಪ್ಪಜ್ಜಿತ್ಥ.

(ಕ) ಯಸ್ಸ ಯತ್ಥ ಘಾನಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಘಾನಾಯತನಂ ಉಪ್ಪಜ್ಜಿತ್ಥಾತಿ?

ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಘಾನಾಯತನಂ ಉಪ್ಪಜ್ಜಿತ್ಥ. ಕಾಮಾವಚರಾನಂ ತೇಸಂ ತತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿತ್ಥ ಘಾನಾಯತನಞ್ಚ ಉಪ್ಪಜ್ಜಿತ್ಥ. (ಘಾನಾಯತನಮೂಲಕಂ)

೪೩. (ಕ) ಯಸ್ಸ ಯತ್ಥ ರೂಪಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಮನಾಯತನಂ ಉಪ್ಪಜ್ಜಿತ್ಥಾತಿ?

ಅಸಞ್ಞಸತ್ತಾನಂ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ಉಪ್ಪಜ್ಜಿತ್ಥ. ಪಞ್ಚವೋಕಾರಾನಂ ತೇಸಂ ತತ್ಥ ರೂಪಾಯತನಞ್ಚ ಉಪ್ಪಜ್ಜಿತ್ಥ ಮನಾಯತನಞ್ಚ ಉಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥಾತಿ?

ಅರೂಪಾನಂ ತೇಸಂ ತತ್ಥ ಮನಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥ. ಪಞ್ಚವೋಕಾರಾನಂ ತೇಸಂ ತತ್ಥ ಮನಾಯತನಞ್ಚ ಉಪ್ಪಜ್ಜಿತ್ಥ ರೂಪಾಯತನಞ್ಚ ಉಪ್ಪಜ್ಜಿತ್ಥ.

(ಕ) ಯಸ್ಸ ಯತ್ಥ ರೂಪಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥಾತಿ?

ಅರೂಪಾನಂ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥ. ಪಞ್ಚವೋಕಾರಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿತ್ಥರೂಪಾಯತನಞ್ಚ ಉಪ್ಪಜ್ಜಿತ್ಥ. (ರೂಪಾಯತನಮೂಲಕಂ).

೪೪. (ಕ) ಯಸ್ಸ ಯತ್ಥ ಮನಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಮನಾಯತನಂ ಉಪ್ಪಜ್ಜಿತ್ಥಾತಿ?

ಅಸಞ್ಞಸತ್ತಾನಂ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ಉಪ್ಪಜ್ಜಿತ್ಥ. ಚತುವೋಕಾರಾನಂ ಪಞ್ಚವೋಕಾರಾನಂ ತೇಸಂ ತತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿತ್ಥ ಮನಾಯತನಞ್ಚ ಉಪ್ಪಜ್ಜಿತ್ಥ. (ಮನಾಯತನಮೂಲಕಂ)

(ಘ) ಪಚ್ಚನೀಕಪುಗ್ಗಲೋ

೪೫. (ಕ) ಯಸ್ಸ ಚಕ್ಖಾಯತನಂ ನುಪ್ಪಜ್ಜಿತ್ಥ ತಸ್ಸ ಸೋತಾಯತನಂ ನುಪ್ಪಜ್ಜಿತ್ಥಾತಿ? ನತ್ಥಿ.

(ಖ) ಯಸ್ಸ ವಾ ಪನ ಸೋತಾಯತನಂ ನುಪ್ಪಜ್ಜಿತ್ಥ ತಸ್ಸ ಚಕ್ಖಾಯತನಂ ನುಪ್ಪಜ್ಜಿತ್ಥಾತಿ? ನತ್ಥಿ. (ಸಂಖಿತ್ತಂ).

೪೬. (ಕ) ಯಸ್ಸ ಮನಾಯತನಂ ನುಪ್ಪಜ್ಜಿತ್ಥ ತಸ್ಸ ಧಮ್ಮಾಯತನಂ ನುಪ್ಪಜ್ಜಿತ್ಥಾತಿ? ನತ್ಥಿ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ನುಪ್ಪಜ್ಜಿತ್ಥ ತಸ್ಸ ಮನಾಯತನಂ ನುಪ್ಪಜ್ಜಿತ್ಥಾತಿ? ನತ್ಥಿ.…ಪೇ….

(ಙ) ಪಚ್ಚನೀಕಓಕಾಸೋ

೪೭. ಯತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ…ಪೇ….

(ಚ) ಪಚ್ಚನೀಕಪುಗ್ಗಲೋಕಾಸಾ

೪೮. (ಕ) ಯಸ್ಸ ಯತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಸೋತಾಯತನಂ ನುಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಸೋತಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥಾತಿ? ಆಮನ್ತಾ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಘಾನಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥಾತಿ?

ರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಘಾನಾಯತನಞ್ಚ ನುಪ್ಪಜ್ಜಿತ್ಥ ಚಕ್ಖಾಯತನಞ್ಚ ನುಪ್ಪಜ್ಜಿತ್ಥ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥಾತಿ?

ಅಸಞ್ಞಸತ್ತಾನಂ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನುಪ್ಪಜ್ಜಿತ್ಥ ರೂಪಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥಾತಿ? ಆಮನ್ತಾ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಮನಾಯತನಂ ನುಪ್ಪಜ್ಜಿತ್ಥಾತಿ?

ಅರೂಪಾನಂ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನುಪ್ಪಜ್ಜಿತ್ಥ ಮನಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥಾತಿ? ಆಮನ್ತಾ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥಾತಿ?

ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನುಪ್ಪಜ್ಜಿತ್ಥ ಧಮ್ಮಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥಾತಿ? ಆಮನ್ತಾ. (ಚಕ್ಖಾಯತನಮೂಲಕಂ)

೪೯. (ಕ) ಯಸ್ಸ ಯತ್ಥ ಘಾನಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥಾತಿ?

ರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ಅರೂಪಾನಂ ತೇಸಂ ತತ್ಥ ಘಾನಾಯತನಞ್ಚ ನುಪ್ಪಜ್ಜಿತ್ಥ ರೂಪಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥಾತಿ? ಆಮನ್ತಾ.

(ಕ) ಯಸ್ಸ ಯತ್ಥ ಘಾನಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಮನಾಯತನಂ ನುಪ್ಪಜ್ಜಿತ್ಥಾತಿ?

ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಘಾನಾಯತನಞ್ಚ ನುಪ್ಪಜ್ಜಿತ್ಥ ಮನಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥಾತಿ? ಆಮನ್ತಾ.

(ಕ) ಯಸ್ಸ ಯತ್ಥ ಘಾನಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥಾತಿ?

ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ತೇಸಂ ತತ್ಥ ಘಾನಾಯತನಞ್ಚ ನುಪ್ಪಜ್ಜಿತ್ಥ ಧಮ್ಮಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥಾತಿ? ಆಮನ್ತಾ. (ಘಾನಾಯತನಮೂಲಕಂ)

೫೦. (ಕ) ಯಸ್ಸ ಯತ್ಥ ರೂಪಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಮನಾಯತನಂ ನುಪ್ಪಜ್ಜಿತ್ಥಾತಿ?

ಅರೂಪಾನಂ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ತೇಸಂ ತತ್ಥ ರೂಪಾಯತನಞ್ಚ ನುಪ್ಪಜ್ಜಿತ್ಥ ಮನಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥಾತಿ?

ಅಸಞ್ಞಸತ್ತಾನಂ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ತೇಸಂ ತತ್ಥ ಮನಾಯತನಞ್ಚ ನುಪ್ಪಜ್ಜಿತ್ಥ ರೂಪಾಯತನಞ್ಚ ನುಪ್ಪಜ್ಜಿತ್ಥ.

(ಕ) ಯಸ್ಸ ಯತ್ಥ ರೂಪಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥಾತಿ?

ಅರೂಪಾನಂ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ತೇಸಂ ತತ್ಥ ರೂಪಾಯತನಞ್ಚ ನುಪ್ಪಜ್ಜಿತ್ಥ ಧಮ್ಮಾಯತನಞ್ಚ ನುಪ್ಪಜ್ಜಿತ್ಥ.

(ಕ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥಾತಿ? ಆಮನ್ತಾ. (ರೂಪಾಯತನಮೂಲಕಂ)

೫೧. (ಕ) ಯಸ್ಸ ಯತ್ಥ ಮನಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥಾತಿ?

ಅಸಞ್ಞಸತ್ತಾನಂ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ತೇಸಂ ತತ್ಥ ಮನಾಯತನಞ್ಚ ನುಪ್ಪಜ್ಜಿತ್ಥ ಧಮ್ಮಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಮನಾಯತನಂ ನುಪ್ಪಜ್ಜಿತ್ಥಾತಿ? ಆಮನ್ತಾ. (ಮನಾಯತನಮೂಲಕಂ)