(೨) ಮೂಲಮೂಲನಯೋ

೫೩. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲಮೂಲಾತಿ? ತೀಣೇವ ಕುಸಲಮೂಲಮೂಲಾನಿ. ಅವಸೇಸಾ ಕುಸಲಾ ಧಮ್ಮಾ ನ ಕುಸಲಮೂಲಮೂಲಾ.

(ಖ) ಯೇ ವಾ ಪನ ಕುಸಲಮೂಲಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾತಿ? ಆಮನ್ತಾ.

೫೪. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಏಕಮೂಲಮೂಲಾತಿ? ಆಮನ್ತಾ.

(ಖ) ಯೇ ವಾ ಪನ ಕುಸಲಮೂಲೇನ ಏಕಮೂಲಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾತಿ?

ಕುಸಲಸಮುಟ್ಠಾನಂ ರೂಪಂ ಕುಸಲಮೂಲೇನ ಏಕಮೂಲಮೂಲಂ, ನ ಕುಸಲಂ. ಕುಸಲಂ ಕುಸಲಮೂಲೇನ ಏಕಮೂಲಮೂಲಞ್ಚೇವ ಕುಸಲಞ್ಚ.

೫೫. (ಕ) ಯೇ ಕೇಚಿ ಕುಸಲಮೂಲೇನ ಏಕಮೂಲಮೂಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಅಞ್ಞಮಞ್ಞಮೂಲಮೂಲಾತಿ?

ಮೂಲಾನಿ ಯಾನಿ ಏಕತೋ ಉಪ್ಪಜ್ಜನ್ತಿ ಕುಸಲಮೂಲಾನಿ ಏಕಮೂಲಮೂಲಾನಿ ಚೇವ ಅಞ್ಞಮಞ್ಞಮೂಲಮೂಲಾನಿ ಚ. ಅವಸೇಸಾ ಕುಸಲಮೂಲಸಹಜಾತಾ ಧಮ್ಮಾ ಕುಸಲಮೂಲೇನ ಏಕಮೂಲಮೂಲಾ, ನ ಚ ಅಞ್ಞಮಞ್ಞಮೂಲಮೂಲಾ.

(ಖ) ಯೇ ವಾ ಪನ ಕುಸಲಮೂಲೇನ ಅಞ್ಞಮಞ್ಞಮೂಲಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾತಿ? ಆಮನ್ತಾ.