(೭) ಅಟ್ಠ ಅಸಞ್ಞೀವಾದಾ

೯೫೮. ತತ್ಥ ಕತಮೇ ಅಟ್ಠ ಅಸಞ್ಞೀವಾದಾ? ‘‘ರೂಪೀ ಅತ್ತಾ ಹೋತಿ ಅರೋಗೋ ಪರಂ ಮರಣಾ’’ತಿ – ಅಸಞ್ಞೀತಿ ನಂ ಪಞ್ಞಪೇನ್ತಿ; ಅರೂಪೀ ಅತ್ತಾ…ಪೇ… ರೂಪೀ ಚ ಅರೂಪೀ ಚ…ಪೇ… ನೇವರೂಪೀನಾರೂಪೀ…ಪೇ… ‘‘ಅನ್ತವಾ ಅತ್ತಾ ಹೋತಿ ಅರೋಗೋ ಪರಂ ಮರಣಾ’’ತಿ – ಅಸಞ್ಞೀತಿ ನಂ ಪಞ್ಞಪೇನ್ತಿ; ‘‘ಅನನ್ತವಾ ಅತ್ತಾ ಹೋತಿ ಅರೋಗೋ ಪರಂ ಮರಣಾ’’ತಿ – ಅಸಞ್ಞೀತಿ ನಂ ಪಞ್ಞಪೇನ್ತಿ; ‘‘ಅನ್ತವಾ ಚ ಅನನ್ತವಾ ಚ ಅತ್ತಾ ಹೋತಿ ಅರೋಗೋ ಪರಂ ಮರಣಾ’’ತಿ – ಅಸಞ್ಞೀತಿ ನಂ ಪಞ್ಞಪೇನ್ತಿ; ‘‘ನೇವನ್ತವಾ ನಾನನ್ತವಾ ಅತ್ತಾ ಹೋತಿ ಅರೋಗೋ ಪರಂ ಮರಣಾ’’ತಿ – ಅಸಞ್ಞೀತಿ ನಂ ಪಞ್ಞಪೇನ್ತಿ. ಇಮೇ ಅಟ್ಠ ಅಸಞ್ಞೀವಾದಾ.