ಪಚ್ಚಯಚತುಕ್ಕಂ

ಹೇತು-ಆರಮ್ಮಣಪಚ್ಚಯಾ

೮. ಕುಸಲೋ ಧಮ್ಮೋ ನಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಕುಸಲೋ ಧಮ್ಮೋ ನಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಕುಸಲೋ ಧಮ್ಮೋ ನಅಬ್ಯಾಕತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಕುಸಲೋ ಧಮ್ಮೋ ನಅಕುಸಲಸ್ಸ ಚ ನಅಬ್ಯಾಕತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಕುಸಲೋ ಧಮ್ಮೋ ನಕುಸಲಸ್ಸ ಚ ನಅಕುಸಲಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೫)

೯. ಅಕುಸಲೋ ಧಮ್ಮೋ ನಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಅಕುಸಲೋ ಧಮ್ಮೋ ನಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಅಕುಸಲೋ ಧಮ್ಮೋ ನಅಬ್ಯಾಕತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಅಕುಸಲೋ ಧಮ್ಮೋ ನಕುಸಲಸ್ಸ ಚ ನಅಬ್ಯಾಕತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಅಕುಸಲೋ ಧಮ್ಮೋ ನಕುಸಲಸ್ಸ ಚ ನಅಕುಸಲಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೫)

ಅಬ್ಯಾಕತೋ ಧಮ್ಮೋ ನಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಅಬ್ಯಾಕತೋ ಧಮ್ಮೋ ನಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಅಬ್ಯಾಕತೋ ಧಮ್ಮೋ ನಕುಸಲಸ್ಸ ಚ ನಅಕುಸಲಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೩)

೧೦. ಕುಸಲೋ ಧಮ್ಮೋ ನಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ…. (ಛ ಪಞ್ಹಾ.)

ಅಕುಸಲೋ ಧಮ್ಮೋ ನಅಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ …. (ಛ ಪಞ್ಹಾ.)

ಅಬ್ಯಾಕತೋ ಧಮ್ಮೋ ನಅಬ್ಯಾಕತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ…. (ಛ ಪಞ್ಹಾ, ಸಂಖಿತ್ತಂ.)

೧೧. ಹೇತುಯಾ ತೇರಸ, ಆರಮ್ಮಣೇ ಅಟ್ಠಾರಸ, ಅಧಿಪತಿಯಾ ಸತ್ತರಸ, ಅನನ್ತರೇ ಸೋಳಸ, ಸಮನನ್ತರೇ ಸೋಳಸ, ಸಹಜಾತೇ ಏಕೂನವೀಸ, ಅಞ್ಞಮಞ್ಞೇ ನವ, ನಿಸ್ಸಯೇ ಛಬ್ಬೀಸ, ಉಪನಿಸ್ಸಯೇ ಅಟ್ಠಾರಸ, ಪುರೇಜಾತೇ ಛ, ಪಚ್ಛಾಜಾತೇ ನವ, ಆಸೇವನೇ ನವ, ಕಮ್ಮೇ ತೇರಸ, ವಿಪಾಕೇ ತೀಣಿ, ಆಹಾರೇ ತೇರಸ…ಪೇ… ಮಗ್ಗೇ ತೇರಸ, ಸಮ್ಪಯುತ್ತೇ ನವ, ವಿಪ್ಪಯುತ್ತೇ ದ್ವಾದಸ…ಪೇ… ಅವಿಗತೇ ಛಬ್ಬೀಸ. (ಪಞ್ಹಾವಾರಂ ವಿತ್ಥಾರೇತಬ್ಬಂ.)