೧. ಪಚ್ಚಯಾನುಲೋಮಂ

ಹೇತುಪಚ್ಚಯೋ

೪೦. ಪರಿತ್ತಂ ಧಮ್ಮಂ ಪಟಿಚ್ಚ ನಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಪರಿತ್ತಂ ಧಮ್ಮಂ ಪಟಿಚ್ಚ ನಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಪರಿತ್ತಂ ಧಮ್ಮಂ ಪಟಿಚ್ಚ ನಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಪರಿತ್ತಂ ಧಮ್ಮಂ ಪಟಿಚ್ಚ ನಪರಿತ್ತೋ ಚ ನಅಪ್ಪಮಾಣೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಪರಿತ್ತಂ ಧಮ್ಮಂ ಪಟಿಚ್ಚ ನಮಹಗ್ಗತೋ ಚ ನಅಪ್ಪಮಾಣೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೫)

ಮಹಗ್ಗತಂ ಧಮ್ಮಂ ಪಟಿಚ್ಚ ನಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಮಹಗ್ಗತಂ ಧಮ್ಮಂ ಪಟಿಚ್ಚ ನಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಮಹಗ್ಗತಂ ಧಮ್ಮಂ ಪಟಿಚ್ಚ ನಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಮಹಗ್ಗತಂ ಧಮ್ಮಂ ಪಟಿಚ್ಚ ನಪರಿತ್ತೋ ಚ ನಅಪ್ಪಮಾಣೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಮಹಗ್ಗತಂ ಧಮ್ಮಂ ಪಟಿಚ್ಚ ನಮಹಗ್ಗತೋ ಚ ನಅಪ್ಪಮಾಣೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೫)

ಅಪ್ಪಮಾಣಂ ಧಮ್ಮಂ ಪಟಿಚ್ಚ ನಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಪ್ಪಮಾಣಂ ಧಮ್ಮಂ ಪಟಿಚ್ಚ ನಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಪ್ಪಮಾಣಂ ಧಮ್ಮಂ ಪಟಿಚ್ಚ ನಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಪ್ಪಮಾಣಂ ಧಮ್ಮಂ ಪಟಿಚ್ಚ ನಮಹಗ್ಗತೋ ಚ ನಅಪ್ಪಮಾಣೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಅಪ್ಪಮಾಣಂ ಧಮ್ಮಂ ಪಟಿಚ್ಚ ನಪರಿತ್ತೋ ಚ ನಮಹಗ್ಗತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೫)

ಪರಿತ್ತಞ್ಚ ಅಪ್ಪಮಾಣಞ್ಚ ಧಮ್ಮಂ ಪಟಿಚ್ಚ ನಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಪರಿತ್ತಞ್ಚ ಅಪ್ಪಮಾಣಞ್ಚ ಧಮ್ಮಂ ಪಟಿಚ್ಚ ನಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಪರಿತ್ತಞ್ಚ ಅಪ್ಪಮಾಣಞ್ಚ ಧಮ್ಮಂ ಪಟಿಚ್ಚ ನಮಹಗ್ಗತೋ ಚ ನಅಪ್ಪಮಾಣೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ನಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ನಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ನಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ನಪರಿತ್ತೋ ಚ ನಅಪ್ಪಮಾಣೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ನಮಹಗ್ಗತೋ ಚ ನಅಪ್ಪಮಾಣೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೫) (ಸಂಖಿತ್ತಂ.)

ಹೇತುಯಾ ತೇವೀಸ, ಆರಮ್ಮಣೇ ಚುದ್ದಸ. (ಸಬ್ಬತ್ಥ ವಿತ್ಥಾರೇತಬ್ಬಂ.)