೧-೬. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೧. ಕುಸಲಂ ಧಮ್ಮಂ ಪಟಿಚ್ಚ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕುಸಲೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಕುಸಲಂ ಧಮ್ಮಂ ಪಟಿಚ್ಚ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕುಸಲಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ಕುಸಲಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕುಸಲಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ಕುಸಲಂ ಧಮ್ಮಂ ಪಟಿಚ್ಚ ನಅಕುಸಲೋ ಚ ನಅಬ್ಯಾಕತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಕುಸಲಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ಕುಸಲಂ ಧಮ್ಮಂ ಪಟಿಚ್ಚ ನಕುಸಲೋ ಚ ನಅಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಕುಸಲೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೫)

೨. ಅಕುಸಲಂ ಧಮ್ಮಂ ಪಟಿಚ್ಚ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಕುಸಲೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಅಕುಸಲಂ ಧಮ್ಮಂ ಪಟಿಚ್ಚ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಕುಸಲಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ಅಕುಸಲಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಕುಸಲಂ ಧಮ್ಮಂ ಪಟಿಚ್ಚ ನಕುಸಲೋ ಚ ನಅಬ್ಯಾಕತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಅಕುಸಲಂ ಧಮ್ಮಂ ಪಟಿಚ್ಚ ನಕುಸಲೋ ಚ ನಅಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೫)

೩. ಅಬ್ಯಾಕತಂ ಧಮ್ಮಂ ಪಟಿಚ್ಚ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವಿಪಾಕಾಬ್ಯಾಕತಂ ಕಿರಿಯಾಬ್ಯಾಕತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ಪಟಿಸನ್ಧಿಕ್ಖಣೇ…ಪೇ… ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ದ್ವೇ ಮಹಾಭೂತೇ ಪಟಿಚ್ಚ ದ್ವೇ ಮಹಾಭೂತಾ, ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಅಬ್ಯಾಕತಂ ಧಮ್ಮಂ ಪಟಿಚ್ಚ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವಿಪಾಕಾಬ್ಯಾಕತಂ…ಪೇ… ಪಟಿಸನ್ಧಿಕ್ಖಣೇ…ಪೇ… ಮಹಾಭೂತಂ…ಪೇ… ಅಬ್ಯಾಕತಂ ಧಮ್ಮಂ ಪಟಿಚ್ಚ ನಕುಸಲೋ ಚ ನಅಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವಿಪಾಕಾಬ್ಯಾಕತಂ ಕಿರಿಯಾಬ್ಯಾಕತಂ…ಪೇ…. (೩) (ಸಂಖಿತ್ತಂ.)

೪. ಕುಸಲಞ್ಚ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕುಸಲೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಕುಸಲಞ್ಚ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಞ್ಚ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ಚ ನಅಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ಅಕುಸಲಞ್ಚ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಕುಸಲಞ್ಚ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಕುಸಲಞ್ಚ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ಚ ನಅಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩) (ಚಿತ್ತಸಮುಟ್ಠಾನರೂಪಮೇವ ಏತ್ಥ ವತ್ತತಿ, ಏಕೂನವೀಸತಿ ಪಞ್ಹಾ ಕಾತಬ್ಬಾ.)

ಆರಮ್ಮಣಪಚ್ಚಯೋ

೫. ಕುಸಲಂ ಧಮ್ಮಂ ಪಟಿಚ್ಚ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. ಕುಸಲಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. ಕುಸಲಂ ಧಮ್ಮಂ ಪಟಿಚ್ಚ ನಅಕುಸಲೋ ಚ ನಅಬ್ಯಾಕತೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ. (೩)

ಅಕುಸಲಂ ಧಮ್ಮಂ ಪಟಿಚ್ಚ ನಕುಸಲೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. ಅಕುಸಲಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. ಅಕುಸಲಂ ಧಮ್ಮಂ ಪಟಿಚ್ಚ ನಕುಸಲೋ ಚ ನಅಬ್ಯಾಕತೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ. (೩)

ಅಬ್ಯಾಕತಂ ಧಮ್ಮಂ ಪಟಿಚ್ಚ ನಕುಸಲೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. ಅಬ್ಯಾಕತಂ ಧಮ್ಮಂ ಪಟಿಚ್ಚ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. ಅಬ್ಯಾಕತಂ ಧಮ್ಮಂ ಪಟಿಚ್ಚ ನಕುಸಲೋ ಚ ನಅಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ. (೩) (ಸಂಖಿತ್ತಂ.)

ಹೇತುಯಾ ಏಕೂನವೀಸ, ಆರಮ್ಮಣೇ ನವ, ಅಧಿಪತಿಯಾ ಏಕೂನವೀಸ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ಏಕೂನವೀಸ…ಪೇ… ಅವಿಗತೇ ಏಕೂನವೀಸ.

ಪಚ್ಚನೀಯಂ

ನಹೇತು-ನಆರಮ್ಮಣಪಚ್ಚಯಾ

೬. ಅಕುಸಲಂ ಧಮ್ಮಂ ಪಟಿಚ್ಚ ನಕುಸಲೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. ಅಕುಸಲಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. ಅಕುಸಲಂ ಧಮ್ಮಂ ಪಟಿಚ್ಚ ನಕುಸಲೋ ಚ ನಅಬ್ಯಾಕತೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ. (೩)

ಅಬ್ಯಾಕತಂ ಧಮ್ಮಂ ಪಟಿಚ್ಚ ನಕುಸಲೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. ಅಬ್ಯಾಕತಂ ಧಮ್ಮಂ ಪಟಿಚ್ಚ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. ಅಬ್ಯಾಕತಂ ಧಮ್ಮಂ ಪಟಿಚ್ಚ ನಕುಸಲೋ ಚ ನಅಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ. (೩)

೭. ಕುಸಲಂ ಧಮ್ಮಂ ಪಟಿಚ್ಚ ನಕುಸಲೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ. ಕುಸಲಂ ಧಮ್ಮಂ ಪಟಿಚ್ಚ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ. ಕುಸಲಂ ಧಮ್ಮಂ ಪಟಿಚ್ಚ ನಕುಸಲೋ ಚ ನಅಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ನಆರಮ್ಮಣಪಚ್ಚಯಾ. (೩)

ಅಕುಸಲಂ ಧಮ್ಮಂ ಪಟಿಚ್ಚ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ. ಅಕುಸಲಂ ಧಮ್ಮಂ ಪಟಿಚ್ಚ ನಕುಸಲೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ. ಅಕುಸಲಂ ಧಮ್ಮಂ ಪಟಿಚ್ಚ ನಕುಸಲೋ ಚ ನಅಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ನಆರಮ್ಮಣಪಚ್ಚಯಾ. (೩) (ಸಂಖಿತ್ತಂ.)

ನಹೇತುಯಾ ಛ, ನಆರಮ್ಮಣೇ ಪನ್ನರಸ, ನಅಧಿಪತಿಯಾ ಏಕೂನವೀಸ…ಪೇ… ನೋವಿಗತೇ ಪನ್ನರಸ.

(ಪಚ್ಚನೀಯಂ ವಿತ್ಥಾರೇತಬ್ಬಂ. ಸಹಜಾತವಾರಮ್ಪಿ ಪಚ್ಚಯವಾರಮ್ಪಿ ವಿತ್ಥಾರೇತಬ್ಬಂ. ಪಚ್ಚಯವಾರೇಪಿ ಹೇತುಯಾ ಛಬ್ಬೀಸ, ಆರಮ್ಮಣೇ ಅಟ್ಠಾರಸ…ಪೇ… ಅವಿಗತೇ ಛಬ್ಬೀಸ. ನಿಸ್ಸಯವಾರಮ್ಪಿ ಸಂಸಟ್ಠವಾರಮ್ಪಿ ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)