೨-೬-೧. ಸಹೇತುಕಾದಿದುಕಾನಿ-ಹೇತುದುಕಂ

೧೮. ನಸಹೇತುಕಂ ನಹೇತುಂ ಧಮ್ಮಂ ಪಟಿಚ್ಚ ನಸಹೇತುಕೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸಹೇತುಕಂ ನಹೇತುಂ ಧಮ್ಮಂ ಪಟಿಚ್ಚ ನಅಹೇತುಕೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸಹೇತುಕಂ ನಹೇತುಂ ಧಮ್ಮಂ ಪಟಿಚ್ಚ ನಸಹೇತುಕೋ ನಹೇತು ಚ ನಅಹೇತುಕೋ ನಹೇತು ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ನಅಹೇತುಕಂ ನಹೇತುಂ ಧಮ್ಮಂ ಪಟಿಚ್ಚ ನಅಹೇತುಕೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಹೇತುಕಂ ನಹೇತುಂ ಧಮ್ಮಂ ಪಟಿಚ್ಚ ನಸಹೇತುಕೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಹೇತುಕಂ ನಹೇತುಂ ಧಮ್ಮಂ ಪಟಿಚ್ಚ ನಸಹೇತುಕೋ ನಹೇತು ಚ ನಅಹೇತುಕೋ ನಹೇತು ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ನಸಹೇತುಕಂ ನಹೇತುಞ್ಚ ನಅಹೇತುಕಂ ನಹೇತುಞ್ಚ ಧಮ್ಮಂ ಪಟಿಚ್ಚ ನಸಹೇತುಕೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸಹೇತುಕಂ ನಹೇತುಞ್ಚ ನಅಹೇತುಕಂ ನಹೇತುಞ್ಚ ಧಮ್ಮಂ ಪಟಿಚ್ಚ ನಅಹೇತುಕೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸಹೇತುಕಂ ನಹೇತುಞ್ಚ ನಅಹೇತುಕಂ ನಹೇತುಞ್ಚ ಧಮ್ಮಂ ಪಟಿಚ್ಚ ನಸಹೇತುಕೋ ನಹೇತು ಚ ನಅಹೇತುಕೋ ನಹೇತು ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩) (ಸಂಖಿತ್ತಂ.)

ಹೇತುಯಾ ನವ. (ಸಬ್ಬತ್ಥ ವಿತ್ಥಾರೋ.)

೧೯. ನಅಹೇತುಕಂ ನನಹೇತುಂ ಧಮ್ಮಂ ಪಟಿಚ್ಚ ನಅಹೇತುಕೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಂಖಿತ್ತಂ.)

ಹೇತುಯಾ ಏಕಂ…ಪೇ… ಅವಿಗತೇ ಏಕಂ. (ಸಬ್ಬತ್ಥ ಏಕಂ.)

೨೦. ನಹೇತುಸಮ್ಪಯುತ್ತಂ ನಹೇತುಂ ಧಮ್ಮಂ ಪಟಿಚ್ಚ….

ನಹೇತುವಿಪ್ಪಯುತ್ತಂ ನನಹೇತುಂ ಧಮ್ಮಂ ಪಟಿಚ್ಚ….

೨೧. ನಹೇತುಞ್ಚೇವ ನಅಹೇತುಕಞ್ಚ ನಹೇತುಂ ಧಮ್ಮಂ ಪಟಿಚ್ಚ…ಪೇ… ನಅಹೇತುಕಞ್ಚೇವ ನನ ಚ ಹೇತುಂ ಧಮ್ಮಂ ಪಟಿಚ್ಚ…ಪೇ… ನಹೇತುಞ್ಚೇವ ನಹೇತುವಿಪ್ಪಯುತ್ತಞ್ಚ ನಹೇತುಂ ಧಮ್ಮಂ ಪಟಿಚ್ಚ…ಪೇ… ನಹೇತುವಿಪ್ಪಯುತ್ತಞ್ಚೇವ ನನ ಚ ಹೇತುಂ ಧಮ್ಮಂ ಪಟಿಚ್ಚ….

೨೨. ನಹೇತುಂ ನಸಹೇತುಕಂ ನಹೇತುಂ ಧಮ್ಮಂ ಪಟಿಚ್ಚ…ಪೇ… ನಹೇತುಂ ನಅಹೇತುಕಂ ನಹೇತುಂ ಧಮ್ಮಂ ಪಟಿಚ್ಚ….