೧-೧-೫. ಹೇತುದುಕ-ಸಹೇತುಕಾದಿದುಕಾನಿ

೧. ನಹೇತುಂ ನಸಹೇತುಕಂ ಧಮ್ಮಂ ಪಟಿಚ್ಚ ನಹೇತು ನಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಂಖಿತ್ತಂ.)

ಹೇತುಯಾ ತೀಣಿ, ಆರಮ್ಮಣೇ ಏಕಂ…ಪೇ… ಅವಿಗತೇ ತೀಣಿ.

೨. ನಹೇತುಂ ನಸಹೇತುಕಂ ಧಮ್ಮಂ ಪಟಿಚ್ಚ ನಹೇತು ನಸಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. (೧)

ನಹೇತುಂ ನಸಹೇತುಕಂ ಧಮ್ಮಂ ಪಟಿಚ್ಚ ನಹೇತು ನಸಹೇತುಕೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ. (ಸಂಖಿತ್ತಂ.)

ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ತೀಣಿ.

ಹೇತು-ಆರಮ್ಮಣಪಚ್ಚಯಾ

೩. ನನಹೇತು ನಸಹೇತುಕೋ ಧಮ್ಮೋ ನಹೇತುಸ್ಸ ನಸಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ನಹೇತು ನಸಹೇತುಕೋ ಧಮ್ಮೋ ನಹೇತುಸ್ಸ ನಸಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ನಹೇತು ನಸಹೇತುಕೋ ಧಮ್ಮೋ ನನಹೇತುಸ್ಸ ನಸಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ.

ಹೇತುಯಾ ಏಕಂ, ಆರಮ್ಮಣೇ ಚತ್ತಾರಿ…ಪೇ… ಅವಿಗತೇ ಚತ್ತಾರಿ.

೪. ನಹೇತುಂ ನಅಹೇತುಕಂ ಧಮ್ಮಂ ಪಟಿಚ್ಚ ನಹೇತು ನಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ನಅಹೇತುಕಂ ಧಮ್ಮಂ ಪಟಿಚ್ಚ ನನಹೇತು ನಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ನಅಹೇತುಕಂ ಧಮ್ಮಂ ಪಟಿಚ್ಚ ನಹೇತು ನಅಹೇತುಕೋ ಚ ನನಹೇತು ನಅಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ನನಹೇತುಂ ನಅಹೇತುಕಂ ಧಮ್ಮಂ ಪಟಿಚ್ಚ ನನಹೇತು ನಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನನಹೇತುಂ ನಅಹೇತುಕಂ ಧಮ್ಮಂ ಪಟಿಚ್ಚ ನಹೇತು ನಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನನಹೇತುಂ ನಅಹೇತುಕಂ ಧಮ್ಮಂ ಪಟಿಚ್ಚ ನಹೇತು ನಅಹೇತುಕೋ ಚ ನನಹೇತು ನಅಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ನಹೇತುಂ ನಅಹೇತುಕಞ್ಚ ನನಹೇತುಂ ನಅಹೇತುಕಞ್ಚ ಧಮ್ಮಂ ಪಟಿಚ್ಚ ನಹೇತು ನಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ನಅಹೇತುಕಞ್ಚ ನನಹೇತುಂ ನಅಹೇತುಕಞ್ಚ ಧಮ್ಮಂ ಪಟಿಚ್ಚ ನನಹೇತು ನಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ನಅಹೇತುಕಞ್ಚ ನನಹೇತುಂ ನಅಹೇತುಕಞ್ಚ ಧಮ್ಮಂ ಪಟಿಚ್ಚ ನಹೇತು ನಅಹೇತುಕೋ ಚ ನನಹೇತು ನಅಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩) (ಸಂಖಿತ್ತಂ.)

ಹೇತುಯಾ ನವ, ಆರಮ್ಮಣೇ ನವ…ಪೇ… ಅವಿಗತೇ ನವ. (ಸಬ್ಬತ್ಥ ನವ.)

೫. ನಹೇತುಂ ನಹೇತುಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಹೇತು ನಹೇತುಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

೬. ನಹೇತುಂ ನಹೇತುವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ನಹೇತು ನಹೇತುವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನನಹೇತುಂ ನಹೇತುವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ನನಹೇತು ನಹೇತುವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನಹೇತುಂ ನಹೇತುವಿಪ್ಪಯುತ್ತಞ್ಚ ನನಹೇತುಂ ನಹೇತುವಿಪ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಹೇತು ನಹೇತುವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಹೇತುಯಾ ನವ. (ಸಬ್ಬತ್ಥ ವಿತ್ಥಾರೋ.)

೭. ನಹೇತುಂ ನಹೇತುಞ್ಚೇವ ನಅಹೇತುಕಞ್ಚ ಧಮ್ಮಂ ಪಟಿಚ್ಚ ನಹೇತು ನಹೇತು ಚೇವ ನಅಹೇತುಕೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಯಾವ ಪಞ್ಹಾವಾರೇಪಿ ಏಕಂ.)

ನನಹೇತುಂ ನಅಹೇತುಕಞ್ಚೇವ ನನ ಚ ಹೇತುಂ ಧಮ್ಮಂ ಪಟಿಚ್ಚ ನನಹೇತು ನಅಹೇತುಕೋ ಚೇವ ನನ ಚ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ.

ನಹೇತುಂ ನಹೇತುಞ್ಚೇವ ನಹೇತುವಿಪ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಹೇತು ನಹೇತು ಚೇವ ನಹೇತುವಿಪ್ಪಯುತ್ತೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ.

ನನಹೇತುಂ ನಹೇತುವಿಪ್ಪಯುತ್ತಞ್ಚೇವ ನನ ಚ ಹೇತುಂ ಧಮ್ಮಂ ಪಟಿಚ್ಚ ನನಹೇತು ನಹೇತುವಿಪ್ಪಯುತ್ತೋ ಚೇವ ನನ ಚ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ.

ನಹೇತುಂ ನಸಹೇತುಕಂ ಧಮ್ಮಂ ಪಟಿಚ್ಚ ನಹೇತು ನಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ.

ನಹೇತುಂ ನಅಹೇತುಕಂ ಧಮ್ಮಂ ಪಟಿಚ್ಚ ನಹೇತು ನಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಬ್ಬತ್ಥ ಏಕಂ.)