೧೦. ಸಪ್ಪಟಿಘದುಕಂ

೧-೭. ಪಟಿಚ್ಚವಾರಾದಿ

೨೧. ನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಸಪ್ಪಟಿಘೋ ಚ ನಅಪ್ಪಟಿಘೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ನಅಪ್ಪಟಿಘಂ ಧಮ್ಮಂ ಪಟಿಚ್ಚ ನಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನಸಪ್ಪಟಿಘಞ್ಚ ನಅಪ್ಪಟಿಘಞ್ಚ ಧಮ್ಮಂ ಪಟಿಚ್ಚ ನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ. (ಸಂಖಿತ್ತಂ.)

ಹೇತುಯಾ ನವ, ಆರಮ್ಮಣೇ ಏಕಂ.

(ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

೨೨. ನಸಪ್ಪಟಿಘೋ ಧಮ್ಮೋ ನಸಪ್ಪಟಿಘಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ನಸಪ್ಪಟಿಘೋ ಧಮ್ಮೋ ನಅಪ್ಪಟಿಘಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ನಸಪ್ಪಟಿಘೋ ಧಮ್ಮೋ ನಸಪ್ಪಟಿಘಸ್ಸ ಚ ನಅಪ್ಪಟಿಘಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೩)

ನಸಪ್ಪಟಿಘೋ ಧಮ್ಮೋ ನಸಪ್ಪಟಿಘಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ನಅಪ್ಪಟಿಘೋ ಧಮ್ಮೋ ನಸಪ್ಪಟಿಘಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨) (ಸಂಖಿತ್ತಂ.)

೨೩. ಹೇತುಯಾ ತೀಣಿ, ಆರಮ್ಮಣೇ ದ್ವೇ, ಅಧಿಪತಿಯಾ ಚತ್ತಾರಿ…ಪೇ… ಅವಿಗತೇ ನವ.