೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೧. ಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ಹೇತು ಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ನಹೇತು ಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ಹೇತು ಸಹೇತುಕೋ ಚ ನಹೇತು ಸಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

೨. ನಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ನಹೇತು ಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ಹೇತು ಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ಹೇತು ಸಹೇತುಕೋ ಚ ನಹೇತು ಸಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

೩. ಹೇತುಂ ಸಹೇತುಕಞ್ಚ ನಹೇತುಂ ಸಹೇತುಕಞ್ಚ ಧಮ್ಮಂ ಪಟಿಚ್ಚ ಹೇತು ಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಂ ಸಹೇತುಕಞ್ಚ ನಹೇತುಂ ಸಹೇತುಕಞ್ಚ ಧಮ್ಮಂ ಪಟಿಚ್ಚ ನಹೇತು ಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಂ ಸಹೇತುಕಞ್ಚ ನಹೇತುಂ ಸಹೇತುಕಞ್ಚ ಧಮ್ಮಂ ಪಟಿಚ್ಚ ಹೇತು ಸಹೇತುಕೋ ಚ ನಹೇತು ಸಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

೪. ಹೇತುಯಾ ನವ, ಆರಮ್ಮಣೇ ನವ…ಪೇ… ಅವಿಗತೇ ನವ. (ಸಂಖಿತ್ತಂ.)

ಪಚ್ಚನೀಯಂ

ನಅಧಿಪತಿಪಚ್ಚಯೋ

೫. ಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ಹೇತು ಸಹೇತುಕೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ. (ಸಂಖಿತ್ತಂ.)

ನಅಧಿಪತಿಯಾ ನವ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನವಿಪ್ಪಯುತ್ತೇ ನವ. (ಸಂಖಿತ್ತಂ.)

ಹೇತುಪಚ್ಚಯಾ ನಅಧಿಪತಿಯಾ ನವ. (ಸಂಖಿತ್ತಂ.)

ನಅಧಿಪತಿಪಚ್ಚಯಾ ಹೇತುಯಾ ನವ. (ಸಂಖಿತ್ತಂ.)

(ಸಹಜಾತವಾರಮ್ಪಿ ಪಚ್ಚಯವಾರಮ್ಪಿ ನಿಸ್ಸಯವಾರಮ್ಪಿ ಸಂಸಟ್ಠವಾರಮ್ಪಿ ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

ಹೇತು-ಆರಮ್ಮಣಪಚ್ಚಯಾ

೬. ಹೇತು ಸಹೇತುಕೋ ಧಮ್ಮೋ ಹೇತುಸ್ಸ ಸಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಹೇತು ಸಹೇತುಕೋ ಧಮ್ಮೋ ನಹೇತುಸ್ಸ ಸಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಹೇತು ಸಹೇತುಕೋ ಧಮ್ಮೋ ಹೇತುಸ್ಸ ಸಹೇತುಕಸ್ಸ ಚ ನಹೇತುಸ್ಸ ಸಹೇತುಕಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೩)

೭. ಹೇತು ಸಹೇತುಕೋ ಧಮ್ಮೋ ಹೇತುಸ್ಸ ಸಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಹೇತು ಸಹೇತುಕೋ ಧಮ್ಮೋ ನಹೇತುಸ್ಸ ಸಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಹೇತು ಸಹೇತುಕೋ ಧಮ್ಮೋ ಹೇತುಸ್ಸ ಸಹೇತುಕಸ್ಸ ಚ ನಹೇತುಸ್ಸ ಸಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ನಹೇತು ಸಹೇತುಕೋ ಧಮ್ಮೋ ನಹೇತುಸ್ಸ ಸಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ನಹೇತು ಸಹೇತುಕೋ ಧಮ್ಮೋ ಹೇತುಸ್ಸ ಸಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ನಹೇತು ಸಹೇತುಕೋ ಧಮ್ಮೋ ಹೇತುಸ್ಸ ಸಹೇತುಕಸ್ಸ ಚ ನಹೇತುಸ್ಸ ಸಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ಹೇತು ಸಹೇತುಕೋ ಚ ನಹೇತು ಸಹೇತುಕೋ ಚ ಧಮ್ಮಾ ಹೇತುಸ್ಸ ಸಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಹೇತು ಸಹೇತುಕೋ ಚ ನಹೇತು ಸಹೇತುಕೋ ಚ ಧಮ್ಮಾ ನಹೇತುಸ್ಸ ಸಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಹೇತು ಸಹೇತುಕೋ ಚ ನಹೇತು ಸಹೇತುಕೋ ಚ ಧಮ್ಮಾ ಹೇತುಸ್ಸ ಸಹೇತುಕಸ್ಸ ಚ ನಹೇತುಸ್ಸ ಸಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩) (ಸಂಖಿತ್ತಂ.)

೮. ಹೇತುಯಾ ತೀಣಿ, ಆರಮ್ಮಣೇ ನವ…ಪೇ… ಉಪನಿಸ್ಸಯೇ ನವ ಅವಿಗತೇ ನವ. (ಸಂಖಿತ್ತಂ.)

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)

ಅಹೇತುಕಪದಂ

ಪಚ್ಚಯಚತುಕ್ಕಂ

೯. ಹೇತುಂ ಅಹೇತುಕಂ ಧಮ್ಮಂ ಪಟಿಚ್ಚ ನಹೇತು ಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ನಹೇತುಂ ಅಹೇತುಕಂ ಧಮ್ಮಂ ಪಟಿಚ್ಚ ನಹೇತು ಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಹೇತುಂ ಅಹೇತುಕಞ್ಚ ನಹೇತುಂ ಅಹೇತುಕಞ್ಚ ಧಮ್ಮಂ ಪಟಿಚ್ಚ ನಹೇತು ಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

ಹೇತುಯಾ ತೀಣಿ, ಆರಮ್ಮಣೇ ಏಕಂ, ಅವಿಗತೇ ತೀಣಿ. (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

೧೦. ಹೇತು ಅಹೇತುಕೋ ಧಮ್ಮೋ ನಹೇತುಸ್ಸ ಅಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಹೇತು ಅಹೇತುಕೋ ಧಮ್ಮೋ ಹೇತುಸ್ಸ ಅಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಹೇತು ಅಹೇತುಕೋ ಧಮ್ಮೋ ನಹೇತುಸ್ಸ ಅಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ನಹೇತು ಅಹೇತುಕೋ ಧಮ್ಮೋ ನಹೇತುಸ್ಸ ಅಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ನಹೇತು ಅಹೇತುಕೋ ಧಮ್ಮೋ ಹೇತುಸ್ಸ ಅಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨) (ಸಂಖಿತ್ತಂ.)

೧೧. ಹೇತುಯಾ ಏಕಂ, ಆರಮ್ಮಣೇ ಚತ್ತಾರಿ, ಅವಿಗತೇ ಚತ್ತಾರಿ. (ಸಂಖಿತ್ತಂ.)

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)