೨೨-೮. ಸನಿದಸ್ಸನತ್ತಿಕ-ದಸ್ಸನತ್ತಿಕಂ

೫೫. ನಸನಿದಸ್ಸನಸಪ್ಪಟಿಘಂ ನದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ಅನಿದಸ್ಸನಅಪ್ಪಟಿಘೋ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಸನಿದಸ್ಸನಸಪ್ಪಟಿಘಂ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ಅನಿದಸ್ಸನಅಪ್ಪಟಿಘೋ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಸನಿದಸ್ಸನಸಪ್ಪಟಿಘಂ ನನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ಸನಿದಸ್ಸನಸಪ್ಪಟಿಘೋ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಏಕವೀಸ.