೨೨-೧. ಸನಿದಸ್ಸನತ್ತಿಕ-ಕುಸಲತ್ತಿಕಂ

೪೮. ನಸನಿದಸ್ಸನಸಪ್ಪಟಿಘಂ ನಕುಸಲಂ ಧಮ್ಮಂ ಪಚ್ಚಯಾ ಅನಿದಸ್ಸನಅಪ್ಪಟಿಘೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅನಿದಸ್ಸನಸಪ್ಪಟಿಘಂ ನಕುಸಲಂ ಧಮ್ಮಂ ಪಚ್ಚಯಾ ಅನಿದಸ್ಸನಅಪ್ಪಟಿಘೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸನಿದಸ್ಸನಸಪ್ಪಟಿಘಂ ನಕುಸಲಞ್ಚ ನಅನಿದಸ್ಸನಸಪ್ಪಟಿಘಂ ನಕುಸಲಞ್ಚ ಧಮ್ಮಂ ಪಚ್ಚಯಾ ಅನಿದಸ್ಸನಅಪ್ಪಟಿಘೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ತೀಣಿ.

ನಸನಿದಸ್ಸನಸಪ್ಪಟಿಘಂ ನಅಕುಸಲಂ ಧಮ್ಮಂ ಪಚ್ಚಯಾ ಅನಿದಸ್ಸನಅಪ್ಪಟಿಘೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಸನಿದಸ್ಸನಸಪ್ಪಟಿಘಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ಸನಿದಸ್ಸನಸಪ್ಪಟಿಘೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಸತ್ತ.

(ನಅನಿದಸ್ಸನಸಪ್ಪಟಿಘನಅಬ್ಯಾಕತಮೂಲಾನಿ ಸತ್ತಮೇವ, ದುಕಮೂಲಾನಿ ಸತ್ತಮೇವ, ಸಬ್ಬಂ ಏಕವೀಸತಿಮೇವ.)