೧-೭-೧೩. ಕುಸಲತ್ತಿಕ-ಚೂಳನ್ತರದುಕಾನಿ

೧೦. ನಕುಸಲೋ ನಸಪ್ಪಚ್ಚಯೋ ಧಮ್ಮೋ ಕುಸಲಸ್ಸ ಸಪ್ಪಚ್ಚಯಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಆರಮ್ಮಣೇ ಛ. (ಸಙ್ಖತಂ ಸಪ್ಪಚ್ಚಯಸದಿಸಂ.)

೧೧. ನಕುಸಲಂ ನಸನಿದಸ್ಸನಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಸನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಛ.

ನಕುಸಲೋ ನಅನಿದಸ್ಸನೋ ಧಮ್ಮೋ ಕುಸಲಸ್ಸ ಅನಿದಸ್ಸನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (ನವ ಪಞ್ಹಾ ಕಾತಬ್ಬಾ).

೧೨. ನಕುಸಲಂ ನಸಪ್ಪಟಿಘಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಛ.

ನಕುಸಲಂ ನಅಪ್ಪಟಿಘಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೧೩. ನಕುಸಲಂ ನರೂಪಿಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ರೂಪೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಛ.

ನಕುಸಲಂ ನಅರೂಪಿಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅರೂಪೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೧೪. ನಕುಸಲಂ ನಲೋಕಿಯಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಲೋಕಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಪಞ್ಚ.

ನಕುಸಲಂ ನಲೋಕುತ್ತರಂ ಧಮ್ಮಂ ಪಚ್ಚಯಾ ಕುಸಲೋ ಲೋಕುತ್ತರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನಲೋಕುತ್ತರಂ ಧಮ್ಮಂ ಪಚ್ಚಯಾ ಅಬ್ಯಾಕತೋ ಲೋಕುತ್ತರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಛ ಪಞ್ಹಾ ಕಾತಬ್ಬಾ.)

೧೫. ನಕುಸಲಂ ನಕೇನಚಿ ವಿಞ್ಞೇಯ್ಯಂ ಧಮ್ಮಂ ಪಟಿಚ್ಚ ಅಕುಸಲೋ ಕೇನಚಿ ವಿಞ್ಞೇಯ್ಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಅಟ್ಠಾರಸ.

ನಕುಸಲಂ ನಕೇನಚಿ ನವಿಞ್ಞೇಯ್ಯಂ ಧಮ್ಮಂ ಪಟಿಚ್ಚ ಅಕುಸಲೋ ಕೇನಚಿ ವಿಞ್ಞೇಯ್ಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಅಟ್ಠಾರಸ.