೨೨-೧೪-೧೯. ಸನಿದಸ್ಸನತ್ತಿಕ-ಆಸವಗೋಚ್ಛಕಾನಿ

೬೯. ನಸನಿದಸ್ಸನಸಪ್ಪಟಿಘಂ ನೋಆಸವಂ ಧಮ್ಮಂ ಪಟಿಚ್ಚ ಅನಿದಸ್ಸನಅಪ್ಪಟಿಘೋ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಸನಿದಸ್ಸನಸಪ್ಪಟಿಘಂ ನನೋಆಸವಂ ಧಮ್ಮಂ ಪಟಿಚ್ಚ ಸನಿದಸ್ಸನಸಪ್ಪಟಿಘೋ ನೋಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಏಕವೀಸ.

೭೦. ನಸನಿದಸ್ಸನಸಪ್ಪಟಿಘಂ ನಸಾಸವಂ ಧಮ್ಮಂ ಪಟಿಚ್ಚ ಸನಿದಸ್ಸನಸಪ್ಪಟಿಘೋ ಸಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಏಕವೀಸ.

ನಸನಿದಸ್ಸನಸಪ್ಪಟಿಘಂ ನಅನಾಸವಂ ಧಮ್ಮಂ ಪಚ್ಚಯಾ ಅನಿದಸ್ಸನಅಪ್ಪಟಿಘೋ ಅನಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಂಖಿತ್ತಂ.) ಹೇತುಯಾ ತೀಣಿ…ಪೇ… ಅವಿಗತೇ ತೀಣಿ.

೭೧. ನಸನಿದಸ್ಸನಸಪ್ಪಟಿಘಂ ನಆಸವಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಅನಿದಸ್ಸನಅಪ್ಪಟಿಘೋ ಆಸವಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಸನಿದಸ್ಸನಸಪ್ಪಟಿಘಂ ನಆಸವವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ಸನಿದಸ್ಸನಸಪ್ಪಟಿಘೋ ಆಸವವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಏಕವೀಸ.

೭೨. ನಸನಿದಸ್ಸನಸಪ್ಪಟಿಘಂ ನಆಸವಞ್ಚೇವ ನಅನಾಸವಞ್ಚ ಧಮ್ಮಂ ಪಟಿಚ್ಚ ಅನಿದಸ್ಸನಅಪ್ಪಟಿಘೋ ಆಸವೋ ಚೇವ ಸಾಸವೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಸನಿದಸ್ಸನಸಪ್ಪಟಿಘಂ ನಅನಾಸವಞ್ಚೇವ ನನೋ ಚ ಆಸವಂ ಧಮ್ಮಂ ಪಟಿಚ್ಚ ಸನಿದಸ್ಸನಸಪ್ಪಟಿಘೋ ಸಾಸವೋ ಚೇವ ನೋ ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಏಕವೀಸ.

೭೩. ನಸನಿದಸ್ಸನಸಪ್ಪಟಿಘಂ ನಆಸವಞ್ಚೇವ ನಆಸವವಿಪ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಅನಿದಸ್ಸನಅಪ್ಪಟಿಘೋ ಆಸವೋ ಚೇವ ಆಸವಸಮ್ಪಯುತ್ತೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಸನಿದಸ್ಸನಸಪ್ಪಟಿಘಂ ನಆಸವವಿಪ್ಪಯುತ್ತಞ್ಚೇವ ನನೋ ಚ ಆಸವಂ ಧಮ್ಮಂ ಪಟಿಚ್ಚ ಅನಿದಸ್ಸನಅಪ್ಪಟಿಘೋ ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೭೪. ನಸನಿದಸ್ಸನಸಪ್ಪಟಿಘಂ ಆಸವವಿಪ್ಪಯುತ್ತಂ ನಸಾಸವಂ ಧಮ್ಮಂ ಪಟಿಚ್ಚ ಸನಿದಸ್ಸನಸಪ್ಪಟಿಘೋ ಆಸವವಿಪ್ಪಯುತ್ತೋ ಸಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಏಕವೀಸ.

ನಸನಿದಸ್ಸನಸಪ್ಪಟಿಘಂ ಆಸವವಿಪ್ಪಯುತ್ತಂ ನಅನಾಸವಂ ಧಮ್ಮಂ ಪಚ್ಚಯಾ ಅನಿದಸ್ಸನಅಪ್ಪಟಿಘೋ ಆಸವವಿಪ್ಪಯುತ್ತೋ ಅನಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.