೨೨-೧. ಸನಿದಸ್ಸನತ್ತಿಕ-ಹೇತುದುಕಂ

೫೭. ನಸನಿದಸ್ಸನಸಪ್ಪಟಿಘಂ ನಹೇತುಂ ಧಮ್ಮಂ ಪಟಿಚ್ಚ ಅನಿದಸ್ಸನಅಪ್ಪಟಿಘೋ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅನಿದಸ್ಸನಸಪ್ಪಟಿಘಂ ನಹೇತುಂ ಧಮ್ಮಂ ಪಟಿಚ್ಚ ಅನಿದಸ್ಸನಅಪ್ಪಟಿಘೋ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸನಿದಸ್ಸನಸಪ್ಪಟಿಘಂ ನಹೇತುಞ್ಚ ನಅನಿದಸ್ಸನಸಪ್ಪಟಿಘಂ ನಹೇತುಞ್ಚ ಧಮ್ಮಂ ಪಟಿಚ್ಚ ಅನಿದಸ್ಸನಅಪ್ಪಟಿಘೋ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ತೀಣಿ.

ನಸನಿದಸ್ಸನಸಪ್ಪಟಿಘಂ ನನಹೇತುಂ ಧಮ್ಮಂ ಪಟಿಚ್ಚ ಸನಿದಸ್ಸನಸಪ್ಪಟಿಘೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸನಿದಸ್ಸನಸಪ್ಪಟಿಘಂ ನನಹೇತುಂ ಧಮ್ಮಂ ಪಟಿಚ್ಚ ಅನಿದಸ್ಸನಸಪ್ಪಟಿಘೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ನಹೇತು ನನಹೇತು ಓವತ್ತಾ, ತೀಣಿ ಮೂಲಾನಿ, ಏಕವೀಸತಿ ಪಞ್ಹಾ ಕಾತಬ್ಬಾ.)