೧೪-೧೯. ಆಸವಗೋಚ್ಛಕಂ

೧೪. ನಆಸವಂ ಧಮ್ಮಂ ಪಟಿಚ್ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಆಸವಂ ಧಮ್ಮಂ ಪಟಿಚ್ಚ ನೋಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಆಸವಂ ಧಮ್ಮಂ ಪಟಿಚ್ಚ ಆಸವೋ ಚ ನೋಆಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ತೀಣಿ.

ನನೋಆಸವಂ ಧಮ್ಮಂ ಪಟಿಚ್ಚ ನೋಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನನೋಆಸವಂ ಧಮ್ಮಂ ಪಟಿಚ್ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನನೋಆಸವಂ ಧಮ್ಮಂ ಪಟಿಚ್ಚ ಆಸವೋ ಚ ನೋಆಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ತೀಣಿ.

ನಆಸವಞ್ಚ ನನೋಆಸವಞ್ಚ ಧಮ್ಮಂ ಪಟಿಚ್ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ. ಹೇತುಯಾ ನವ.

೧೫. ನಸಾಸವಂ ಧಮ್ಮಂ ಪಟಿಚ್ಚ ಸಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸಾಸವಂ ಧಮ್ಮಂ ಪಟಿಚ್ಚ ಅನಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸಾಸವಂ ಧಮ್ಮಂ ಪಟಿಚ್ಚ ಸಾಸವೋ ಚ ಅನಾಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ತೀಣಿ.

ನಅನಾಸವಂ ಧಮ್ಮಂ ಪಟಿಚ್ಚ ಸಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ.

ನಸಾಸವಞ್ಚ ನಅನಾಸವಞ್ಚ ಧಮ್ಮಂ ಪಟಿಚ್ಚ ಸಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ. (ಸಂಖಿತ್ತಂ.) ಹೇತುಯಾ ಪಞ್ಚ.

೧೬. ನಆಸವಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಆಸವಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ನವ.

೧೭. ನಆಸವಞ್ಚೇವ ಅನಾಸವಞ್ಚ ಧಮ್ಮಂ ಪಟಿಚ್ಚ ಆಸವೋ ಚೇವ ಸಾಸವೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ನವ.

೧೮. ನಆಸವಞ್ಚೇವ ನಆಸವವಿಪ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಆಸವೋ ಚೇವ ಆಸವಸಮ್ಪಯುತ್ತೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ನವ.

೧೯. ಆಸವವಿಪ್ಪಯುತ್ತಂ ನಸಾಸವಂ ಧಮ್ಮಂ ಪಟಿಚ್ಚ ಆಸವವಿಪ್ಪಯುತ್ತೋ ಸಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಪಞ್ಚ.