೧-೫. ಕುಸಲತ್ತಿಕ-ವಿತಕ್ಕತ್ತಿಕಂ

೧೭. ಕುಸಲಂ ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ನಕುಸಲೋ ನಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೇರಸ. (ಕುಸಲೇ ಪಞ್ಚ, ಅಕುಸಲೇ ಪಞ್ಚ, ಅಬ್ಯಾಕತೇ ತೀಣಿ.)

ಕುಸಲಂ ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೇರಸ.

ಕುಸಲಂ ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ನಕುಸಲೋ ನಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಬ್ಯಾಕತಂ ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ನಕುಸಲೋ ನಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ… ಹೇತುಯಾ ಛ.