೨೨-೧೯. ಸನಿದಸ್ಸನತ್ತಿಕ-ಆಸವವಿಪ್ಪಯುತ್ತಸಾಸವದುಕಂ

೧೦೬. ಅನಿದಸ್ಸನಅಪ್ಪಟಿಘಂ ಆಸವವಿಪ್ಪಯುತ್ತಂ ಸಾಸವಂ ಧಮ್ಮಂ ಪಚ್ಚಯಾ ನಸನಿದಸ್ಸನಸಪ್ಪಟಿಘೋ ಆಸವವಿಪ್ಪಯುತ್ತೋ ನಸಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅನಿದಸ್ಸನಅಪ್ಪಟಿಘಂ ಆಸವವಿಪ್ಪಯುತ್ತಂ ಸಾಸವಂ ಧಮ್ಮಂ ಪಚ್ಚಯಾ ನಅನಿದಸ್ಸನಸಪ್ಪಟಿಘೋ ಆಸವವಿಪ್ಪಯುತ್ತೋ ನಸಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅನಿದಸ್ಸನಅಪ್ಪಟಿಘಂ ಆಸವವಿಪ್ಪಯುತ್ತಂ ಸಾಸವಂ ಧಮ್ಮಂ ಪಚ್ಚಯಾ ನಸನಿದಸ್ಸನಸಪ್ಪಟಿಘೋ ಆಸವವಿಪ್ಪಯುತ್ತೋ ನಸಾಸವೋ ಚ ನಅನಿದಸ್ಸನಸಪ್ಪಟಿಘೋ ಆಸವವಿಪ್ಪಯುತ್ತೋ ನಸಾಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಹೇತುಯಾ ತೀಣಿ.

ಅನಿದಸ್ಸನಅಪ್ಪಟಿಘಂ ಆಸವವಿಪ್ಪಯುತ್ತಂ ಅನಾಸವಂ ಧಮ್ಮಂ ಪಟಿಚ್ಚ ನಅನಿದಸ್ಸನಅಪ್ಪಟಿಘೋ ಆಸವವಿಪ್ಪಯುತ್ತೋ ನಅನಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅನಿದಸ್ಸನಅಪ್ಪಟಿಘಂ ಆಸವವಿಪ್ಪಯುತ್ತಂ ಅನಾಸವಂ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ಆಸವವಿಪ್ಪಯುತ್ತೋ ನಅನಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ…ಪೇ… ಅನಿದಸ್ಸನಅಪ್ಪಟಿಘಂ ಆಸವವಿಪ್ಪಯುತ್ತಂ ಅನಾಸವಂ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ಆಸವವಿಪ್ಪಯುತ್ತೋ ನಅನಾಸವೋ ಚ ನಅನಿದಸ್ಸನಸಪ್ಪಟಿಘೋ ಆಸವವಿಪ್ಪಯುತ್ತೋ ನಅನಾಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ… ಹೇತುಯಾ ಛ.