೨೨-೧೬. ಸನಿದಸ್ಸನತ್ತಿಕ-ಆಸವಸಮ್ಪಯುತ್ತದುಕಂ

೧೦೩. ಅನಿದಸ್ಸನಅಪ್ಪಟಿಘಂ ಆಸವಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅನಿದಸ್ಸನಅಪ್ಪಟಿಘೋ ನಆಸವಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅನಿದಸ್ಸನಅಪ್ಪಟಿಘಂ ಆಸವಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಆಸವಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ…ಪೇ… ಅನಿದಸ್ಸನಅಪ್ಪಟಿಘಂ ಆಸವಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಆಸವಸಮ್ಪಯುತ್ತೋ ಚ ನಅನಿದಸ್ಸನಸಪ್ಪಟಿಘೋ ನಆಸವಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ… ಹೇತುಯಾ ಛ.

ಅನಿದಸ್ಸನಅಪ್ಪಟಿಘಂ ಆಸವವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಆಸವವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.