೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೬. ಕುಸಲಂ ಸಹೇತುಕಂ ಧಮ್ಮಂ ಪಟಿಚ್ಚ ನಕುಸಲೋ ನಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಸಹೇತುಕಂ ಧಮ್ಮಂ ಪಟಿಚ್ಚ ನಅಕುಸಲೋ ನಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಸಹೇತುಕಂ ಧಮ್ಮಂ ಪಟಿಚ್ಚ ನಕುಸಲೋ ನಸಹೇತುಕೋ ಚ ನಅಕುಸಲೋ ನಸಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ತೀಣಿ.

ಅಕುಸಲಂ ಸಹೇತುಕಂ ಧಮ್ಮಂ ಪಟಿಚ್ಚ ನಅಕುಸಲೋ ನಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಕುಸಲಂ ಸಹೇತುಕಂ ಧಮ್ಮಂ ಪಟಿಚ್ಚ ನಕುಸಲೋ ನಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಕುಸಲಂ ಸಹೇತುಕಂ ಧಮ್ಮಂ ಪಟಿಚ್ಚ ನಕುಸಲೋ ನಸಹೇತುಕೋ ಚ ನಅಕುಸಲೋ ನಸಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ತೀಣಿ.

ಅಬ್ಯಾಕತಂ ಸಹೇತುಕಂ ಧಮ್ಮಂ ಪಟಿಚ್ಚ ನಕುಸಲೋ ನಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಬ್ಯಾಕತಂ ಸಹೇತುಕಂ ಧಮ್ಮಂ ಪಟಿಚ್ಚ ನಅಕುಸಲೋ ನಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಬ್ಯಾಕತಂ ಸಹೇತುಕಂ ಧಮ್ಮಂ ಪಟಿಚ್ಚ ನಕುಸಲೋ ನಸಹೇತುಕೋ ಚ ನಅಕುಸಲೋ ನಸಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ತೀಣಿ.

ಹೇತುಯಾ ನವ, ಆರಮ್ಮಣೇ ತೀಣಿ…ಪೇ… ಅವಿಗತೇ ಏಕಾದಸ. (ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

೭. ಕುಸಲೋ ಸಹೇತುಕೋ ಧಮ್ಮೋ ನಕುಸಲಸ್ಸ ನಸಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಕುಸಲೋ ಸಹೇತುಕೋ ಧಮ್ಮೋ ನಅಕುಸಲಸ್ಸ ನಸಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಕುಸಲೋ ಸಹೇತುಕೋ ಧಮ್ಮೋ ನಕುಸಲಸ್ಸ ನಸಹೇತುಕಸ್ಸ ಚ ನಅಕುಸಲಸ್ಸ ನಸಹೇತುಕಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ತೀಣಿ.

ಅಕುಸಲೋ ಸಹೇತುಕೋ ಧಮ್ಮೋ ನಅಕುಸಲಸ್ಸ ನಸಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಅಕುಸಲೋ ಸಹೇತುಕೋ ಧಮ್ಮೋ ನಕುಸಲಸ್ಸ ನಸಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಅಕುಸಲೋ ಸಹೇತುಕೋ ಧಮ್ಮೋ ನಕುಸಲಸ್ಸ ನಸಹೇತುಕಸ್ಸ ಚ ನಅಕುಸಲಸ್ಸ ನಸಹೇತುಕಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ತೀಣಿ.

ಅಬ್ಯಾಕತೋ ಸಹೇತುಕೋ ಧಮ್ಮೋ ನಕುಸಲಸ್ಸ ನಸಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಅಬ್ಯಾಕತೋ ಸಹೇತುಕೋ ಧಮ್ಮೋ ನಅಕುಸಲಸ್ಸ ನಸಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಅಬ್ಯಾಕತೋ ಸಹೇತುಕೋ ಧಮ್ಮೋ ನಕುಸಲಸ್ಸ ನಸಹೇತುಕಸ್ಸ ಚ ನಅಕುಸಲಸ್ಸ ನಸಹೇತುಕಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ತೀಣಿ. (ಸಂಖಿತ್ತಂ.)

೮. ಹೇತುಯಾ ನವ, ಆರಮ್ಮಣೇ ಪನ್ನರಸ…ಪೇ… ಅವಿಗತೇ ಏಕಾದಸ.

೯. ಅಕುಸಲಂ ಅಹೇತುಕಂ ಧಮ್ಮಂ ಪಟಿಚ್ಚ ನಕುಸಲೋ ನಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಕುಸಲಂ ಅಹೇತುಕಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ನಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಕುಸಲಂ ಅಹೇತುಕಂ ಧಮ್ಮಂ ಪಟಿಚ್ಚ ನಕುಸಲೋ ನಅಹೇತುಕೋ ಚ ನಅಬ್ಯಾಕತೋ ನಅಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ತೀಣಿ.

ಅಬ್ಯಾಕತಂ ಅಹೇತುಕಂ ಧಮ್ಮಂ ಪಟಿಚ್ಚ ನಕುಸಲೋ ನಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಬ್ಯಾಕತಂ ಅಹೇತುಕಂ ಧಮ್ಮಂ ಪಟಿಚ್ಚ ನಅಕುಸಲೋ ನಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಬ್ಯಾಕತಂ ಅಹೇತುಕಂ ಧಮ್ಮಂ ಪಟಿಚ್ಚ ನಕುಸಲೋ ನಅಹೇತುಕೋ ಚ ನಅಕುಸಲೋ ನಅಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ತೀಣಿ.

ಹೇತುಯಾ ಛ, ಆರಮ್ಮಣೇ ಛ…ಪೇ… ಅವಿಗತೇ ಛ.