೪-೧. ಉಪಾದಿನ್ನತ್ತಿಕ-ಹೇತುದುಕಂ

೬೯. ಉಪಾದಿನ್ನುಪಾದಾನಿಯಂ ಹೇತುಂ ಧಮ್ಮಂ ಪಟಿಚ್ಚ ನಉಪಾದಿನ್ನುಪಾದಾನಿಯೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಉಪಾದಿನ್ನುಪಾದಾನಿಯಂ ಹೇತುಂ ಧಮ್ಮಂ ಪಟಿಚ್ಚ ನಅನುಪಾದಿನ್ನುಪಾದಾನಿಯೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಉಪಾದಿನ್ನುಪಾದಾನಿಯಂ ಹೇತುಂ ಧಮ್ಮಂ ಪಟಿಚ್ಚ ನಅನುಪಾದಿನ್ನಅನುಪಾದಾನಿಯೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಉಪಾದಿನ್ನುಪಾದಾನಿಯಂ ಹೇತುಂ ಧಮ್ಮಂ ಪಟಿಚ್ಚ ನಉಪಾದಿನ್ನುಪಾದಾನಿಯೋ ನಹೇತು ಚ ನಅನುಪಾದಿನ್ನಅನುಪಾದಾನಿಯೋ ನಹೇತು ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಉಪಾದಿನ್ನುಪಾದಾನಿಯಂ ಹೇತುಂ ಧಮ್ಮಂ ಪಟಿಚ್ಚ ನಅನುಪಾದಿನ್ನುಪಾದಾನಿಯೋ ನಹೇತು ಚ ನಅನುಪಾದಿನ್ನಅನುಪಾದಾನಿಯೋ ನಹೇತು ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಪಞ್ಚ.

ಅನುಪಾದಿನ್ನುಪಾದಾನಿಯಂ ಹೇತುಂ ಧಮ್ಮಂ ಪಟಿಚ್ಚ ನಉಪಾದಿನ್ನುಪಾದಾನಿಯೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅನುಪಾದಿನ್ನಅನುಪಾದಾನಿಯಂ ಹೇತುಂ ಧಮ್ಮಂ ಪಟಿಚ್ಚ ನಅನುಪಾದಿನ್ನಅನುಪಾದಾನಿಯೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಪಞ್ಚ… ಹೇತುಯಾ ತೇರಸ.

೭೦. ಉಪಾದಿನ್ನುಪಾದಾನಿಯಂ ನಹೇತುಂ ಧಮ್ಮಂ ಪಟಿಚ್ಚ ನಅನುಪಾದಿನ್ನುಪಾದಾನಿಯೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ… ಹೇತುಯಾ ನವ.