೧-೫೮. ಕುಸಲತ್ತಿಕ-ಚಿತ್ತಸಮ್ಪಯುತ್ತದುಕಂ

೩೬. ಕುಸಲಂ ಚಿತ್ತಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನಚಿತ್ತಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಚಿತ್ತಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಕುಸಲೋ ನಚಿತ್ತಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಚಿತ್ತಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ನಚಿತ್ತಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಚಿತ್ತಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಕುಸಲೋ ನಚಿತ್ತಸಮ್ಪಯುತ್ತೋ ಚ ನಅಬ್ಯಾಕತೋ ನಚಿತ್ತಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಕುಸಲಂ ಚಿತ್ತಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನಚಿತ್ತಸಮ್ಪಯುತ್ತೋ ಚ ನಅಕುಸಲೋ ನಚಿತ್ತಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಪಞ್ಚ.

ಅಕುಸಲಂ ಚಿತ್ತಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಕುಸಲೋ ನಚಿತ್ತಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಪಞ್ಚ.

ಅಬ್ಯಾಕತಂ ಚಿತ್ತಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನಚಿತ್ತಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಬ್ಯಾಕತಂ ಚಿತ್ತಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಕುಸಲೋ ನಚಿತ್ತಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಬ್ಯಾಕತಂ ಚಿತ್ತಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನಚಿತ್ತಸಮ್ಪಯುತ್ತೋ ಚ ನಅಕುಸಲೋ ನಚಿತ್ತಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ತೀಣಿ. (ಸಂಖಿತ್ತಂ.) ಹೇತುಯಾ ತೇರಸ. ಚಿತ್ತವಿಪ್ಪಯುತ್ತೇ ತೀಣಿ.