೧-೧೪-೧೯. ಕುಸಲತ್ತಿಕ-ಆಸವಗೋಚ್ಛಕಂ

೨೪. ಅಕುಸಲಂ ಆಸವಂ ಧಮ್ಮಂ ಪಟಿಚ್ಚ ನಅಕುಸಲೋ ನಆಸವೋ ಧಮ್ಮೋ…ಪೇ… ನಕುಸಲೋ ನಆಸವೋ ಧಮ್ಮೋ…ಪೇ… ನಅಬ್ಯಾಕತೋ ನಆಸವೋ ಧಮ್ಮೋ…ಪೇ… ನಕುಸಲೋ ನಆಸವೋ ಚ ನಅಬ್ಯಾಕತೋ ನಆಸವೋ ಚ ಧಮ್ಮಾ…ಪೇ… ನಕುಸಲೋ ನಆಸವೋ ಚ ನಅಕುಸಲೋ ನಆಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಹೇತುಯಾ ಪಞ್ಚ, ಆರಮ್ಮಣೇ ತೀಣಿ…ಪೇ… ಅವಿಗತೇ ಪಞ್ಚ.

ಅಕುಸಲಂ ನೋಆಸವಂ ಧಮ್ಮಂ ಪಟಿಚ್ಚ ನಕುಸಲೋ ನನೋಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಕುಸಲಂ ನೋಆಸವಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ನನೋಆಸವೋ ಧಮ್ಮೋ…ಪೇ… ನಕುಸಲೋ ನನೋಆಸವೋ ಚ ನಅಬ್ಯಾಕತೋ ನನೋಆಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಹೇತುಯಾ ತೀಣಿ…ಪೇ… ಅವಿಗತೇ ತೀಣಿ.

೨೫. ಅಬ್ಯಾಕತಂ ಸಾಸವಂ ಧಮ್ಮಂ ಪಟಿಚ್ಚ…ಪೇ… (ಲೋಕಿಯದುಕಸದಿಸಂ).

೨೬. ಅಕುಸಲಂ ಆಸವಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಕುಸಲೋ ನಆಸವಸಮ್ಪಯುತ್ತೋ ಧಮ್ಮೋ …ಪೇ… ನಕುಸಲೋ ನಆಸವಸಮ್ಪಯುತ್ತೋ ಧಮ್ಮೋ…ಪೇ… ನಅಬ್ಯಾಕತೋ ನಆಸವಸಮ್ಪಯುತ್ತೋ ಧಮ್ಮೋ…ಪೇ… ನಕುಸಲೋ ನಆಸವಸಮ್ಪಯುತ್ತೋ ಚ ನಅಬ್ಯಾಕತೋ ನಆಸವಸಮ್ಪಯುತ್ತೋ ಚ ಧಮ್ಮಾ…ಪೇ… ನಕುಸಲೋ ನಆಸವಸಮ್ಪಯುತ್ತೋ ಚ ನಅಕುಸಲೋ ನಆಸವಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಹೇತುಯಾ ಪಞ್ಚ.

ಅಕುಸಲಂ ಆಸವವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನಆಸವವಿಪ್ಪಯುತ್ತೋ ಧಮ್ಮೋ…ಪೇ… ನಅಬ್ಯಾಕತೋ ನಆಸವವಿಪ್ಪಯುತ್ತೋ ಧಮ್ಮೋ…ಪೇ… ನಕುಸಲೋ ನಆಸವವಿಪ್ಪಯುತ್ತೋ ಚ ನಅಬ್ಯಾಕತೋ ನಆಸವವಿಪ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಹೇತುಯಾ ತೀಣಿ.

೨೭. ಅಕುಸಲಂ ಆಸವಞ್ಚೇವ ಸಾಸವಞ್ಚ ಧಮ್ಮಂ ಪಟಿಚ್ಚ ನಅಕುಸಲೋ ನಆಸವೋ ಚೇವ ನಅನಾಸವೋ ಚ ಧಮ್ಮೋ…ಪೇ… ನಕುಸಲೋ ನಆಸವೋ ಚೇವ ನಅನಾಸವೋ ಚ ಧಮ್ಮೋ…ಪೇ… ನಅಬ್ಯಾಕತೋ ನಆಸವೋ ಚೇವ ನಅನಾಸವೋ ಚ ಧಮ್ಮೋ…ಪೇ… ನಕುಸಲೋ ನಆಸವೋ ಚೇವ ನಅನಾಸವೋ ಚ ನಅಬ್ಯಾಕತೋ ನಆಸವೋ ಚೇವ ನಅನಾಸವೋ ಚ ಧಮ್ಮಾ…ಪೇ… ನಕುಸಲೋ ನಆಸವೋ ಚೇವ ನಅನಾಸವೋ ಚ ನಅಕುಸಲೋ ನಆಸವೋ ಚೇವ ನಅನಾಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಹೇತುಯಾ ಪಞ್ಚ.

ಅಕುಸಲಂ ಸಾಸವಞ್ಚೇವ ನೋ ಚ ಆಸವಂ ಧಮ್ಮಂ ಪಟಿಚ್ಚ ನಅಕುಸಲೋ ನಅನಾಸವೋ ಚೇವ ನನೋ ಚ ಆಸವೋ ಧಮ್ಮೋ…ಪೇ… ನಅಬ್ಯಾಕತೋ ನಅನಾಸವೋ ಚೇವ ನನೋ ಚ ಆಸವೋ ಧಮ್ಮೋ…ಪೇ… ನಕುಸಲೋ ನಅನಾಸವೋ ಚೇವ ನನೋ ಚ ಆಸವೋ ನಅಬ್ಯಾಕತೋ ನಅನಾಸವೋ ಚೇವ ನನೋ ಆಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಹೇತುಯಾ ತೀಣಿ.

೨೮. ಅಕುಸಲಂ ಆಸವಞ್ಚೇವ ಆಸವಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನಆಸವೋ ಚೇವ ನಆಸವವಿಪ್ಪಯುತ್ತೋ ಚ ಧಮ್ಮೋ…ಪೇ… ನಅಬ್ಯಾಕತೋ ನಆಸವೋ ಚೇವ ನಆಸವವಿಪ್ಪಯುತ್ತೋ ಚ ಧಮ್ಮೋ…ಪೇ… ನಕುಸಲೋ ನಆಸವೋ ಚೇವ ನಆಸವವಿಪ್ಪಯುತ್ತೋ ಚ ನಅಬ್ಯಾಕತೋ ನಆಸವೋ ಚೇವ ನಆಸವವಿಪ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಹೇತುಯಾ ತೀಣಿ.

ಅಕುಸಲಂ ಆಸವಸಮ್ಪಯುತ್ತಞ್ಚೇವ ನೋ ಚ ಆಸವಂ ಧಮ್ಮಂ ಪಟಿಚ್ಚ ನಕುಸಲೋ ನಆಸವವಿಪ್ಪಯುತ್ತೋ ಚೇವ ನನೋ ಚ ಆಸವೋ ಧಮ್ಮೋ…ಪೇ… ನಅಬ್ಯಾಕತೋ ನಆಸವವಿಪ್ಪಯುತ್ತೋ ಚೇವ ನನೋ ಚ ಆಸವೋ ಧಮ್ಮೋ …ಪೇ… ನಕುಸಲೋ ನಆಸವವಿಪ್ಪಯುತ್ತೋ ಚೇವ ನನೋಆಸವೋ ಚ ನಅಬ್ಯಾಕತೋ ನಆಸವವಿಪ್ಪಯುತ್ತೋ ಚೇವ ನನೋ ಚ ಆಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಹೇತುಯಾ ತೀಣಿ.

೨೯. ಅಬ್ಯಾಕತಂ ಆಸವವಿಪ್ಪಯುತ್ತಂ ಸಾಸವಂ ಧಮ್ಮಂ ಪಟಿಚ್ಚ…ಪೇ… (ಲೋಕಿಯದುಕಸದಿಸಂ).