೮೯-೧. ಸಪ್ಪೀತಿಕದುಕ-ಕುಸಲತ್ತಿಕಂ

೬೮. ಸಪ್ಪೀತಿಕಂ ಕುಸಲಂ ಧಮ್ಮಂ ಪಟಿಚ್ಚ ನಸಪ್ಪೀತಿಕೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಪ್ಪೀತಿಕಂ ಕುಸಲಂ ಧಮ್ಮಂ ಪಟಿಚ್ಚ ನಸಪ್ಪೀತಿಕೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಸಪ್ಪೀತಿಕಂ ಕುಸಲಞ್ಚ ಅಪ್ಪೀತಿಕಂ ಕುಸಲಞ್ಚ ಧಮ್ಮಂ ಪಟಿಚ್ಚ ನಸಪ್ಪೀತಿಕೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ತೀಣಿ.

ಸಪ್ಪೀತಿಕಂ ಅಕುಸಲಂ ಧಮ್ಮಂ ಪಟಿಚ್ಚ ನಸಪ್ಪೀತಿಕೋ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಪ್ಪೀತಿಕಂ ಅಕುಸಲಂ ಧಮ್ಮಂ ಪಟಿಚ್ಚ ನಸಪ್ಪೀತಿಕೋ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಸಪ್ಪೀತಿಕಂ ಅಕುಸಲಞ್ಚ ಅಪ್ಪೀತಿಕಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ನಸಪ್ಪೀತಿಕೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ತೀಣಿ. (ಅಬ್ಯಾಕತಮೂಲಂ ತೀಣಿಯೇವ.)