೬೬-೧. ಅಜ್ಝತ್ತಿಕದುಕ-ಕುಸಲತ್ತಿಕಂ

೫೮. ಅಜ್ಝತ್ತಿಕಂ ಕುಸಲಂ ಧಮ್ಮಂ ಪಟಿಚ್ಚ ನಅಜ್ಝತ್ತಿಕೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಬಾಹಿರಂ ಕುಸಲಂ ಧಮ್ಮಂ ಪಟಿಚ್ಚ ನಅಜ್ಝತ್ತಿಕೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಜ್ಝತ್ತಿಕಂ ಕುಸಲಞ್ಚ ಬಾಹಿರಂ ಕುಸಲಞ್ಚ ಧಮ್ಮಂ ಪಟಿಚ್ಚ ನಅಜ್ಝತ್ತಿಕೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ತೀಣಿ.

ಅಜ್ಝತ್ತಿಕಂ ಅಕುಸಲಂ ಧಮ್ಮಂ ಪಟಿಚ್ಚ ನಅಜ್ಝತ್ತಿಕೋ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಬಾಹಿರಂ ಅಕುಸಲಂ ಧಮ್ಮಂ ಪಟಿಚ್ಚ ನಅಜ್ಝತ್ತಿಕೋ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಜ್ಝತ್ತಿಕಂ ಅಕುಸಲಞ್ಚ ಬಾಹಿರಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ನಅಜ್ಝತ್ತಿಕೋ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ತೀಣಿ. (ಅಬ್ಯಾಕತಮೂಲಂ ತೀಣಿಯೇವ.)