೪-೫-೧. ಹೇತುಸಹೇತುಕಾದಿದುಕಾನಿ-ಕುಸಲತ್ತಿಕಂ

೩೨. ಹೇತು ಚೇವ ಸಹೇತುಕೋ ಚ ಕುಸಲೋ ಧಮ್ಮೋ ನಹೇತುಸ್ಸ ಚೇವ ನಅಹೇತುಕಸ್ಸ ಚ ನಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಹೇತು ಚೇವ ಸಹೇತುಕೋ ಚ ಕುಸಲೋ ಧಮ್ಮೋ ನಅಹೇತುಕಸ್ಸ ಚೇವ ನನ ಚ ಹೇತುಸ್ಸ ನಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಹೇತು ಚೇವ ಸಹೇತುಕೋ ಚ ಕುಸಲೋ ಧಮ್ಮೋ ನಹೇತುಸ್ಸ ಚೇವ ನಅಹೇತುಕಸ್ಸ ಚ ನಕುಸಲಸ್ಸ ಚ ನಅಹೇತುಕಸ್ಸ ಚೇವ ನನ ಚ ಹೇತುಸ್ಸ ನಕುಸಲಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ಸಹೇತುಕೋ ಚೇವ ನ ಚ ಹೇತು ಕುಸಲೋ ಧಮ್ಮೋ ನಅಹೇತುಕಸ್ಸ ಚೇವ ನನ ಚ ಹೇತುಸ್ಸ ನಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಸಹೇತುಕೋ ಚೇವ ನ ಚ ಹೇತು ಕುಸಲೋ ಧಮ್ಮೋ ನಹೇತುಸ್ಸ ಚೇವ ನಅಹೇತುಕಸ್ಸ ಚ ನಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಸಹೇತುಕೋ ಚೇವ ನ ಚ ಹೇತು ಕುಸಲೋ ಧಮ್ಮೋ ನಹೇತುಸ್ಸ ಚೇವ ನಅಹೇತುಕಸ್ಸ ಚ ನಕುಸಲಸ್ಸ ಚ ನಅಹೇತುಕಸ್ಸ ಚೇವ ನನ ಚ ಹೇತುಸ್ಸ ನಕುಸಲಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ಹೇತು ಚೇವ ಸಹೇತುಕೋ ಕುಸಲೋ ಚ ಸಹೇತುಕೋ ಚೇವ ನ ಚ ಹೇತು ಕುಸಲೋ ಚ ಧಮ್ಮಾ ನಹೇತುಸ್ಸ ಚೇವ ನಅಹೇತುಕಸ್ಸ ನಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಹೇತು ಚೇವ ಸಹೇತುಕೋ ಕುಸಲೋ ಚ ಸಹೇತುಕೋ ಚೇವ ನ ಚ ಹೇತು ಕುಸಲೋ ಚ ಧಮ್ಮಾ ನಅಹೇತುಕಸ್ಸ ಚೇವ ನನ ಚ ಹೇತುಸ್ಸ ನಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಹೇತು ಚೇವ ಸಹೇತುಕೋ ಕುಸಲೋ ಚ ಸಹೇತುಕೋ ಚೇವ ನ ಚ ಹೇತು ಕುಸಲೋ ಚ ಧಮ್ಮಾ ನಹೇತುಸ್ಸ ಚೇವ ನಅಹೇತುಕಸ್ಸ ನಕುಸಲಸ್ಸ ಚ ನಅಹೇತುಕಸ್ಸ ಚೇವ ನನ ಹೇತುಸ್ಸ ನಕುಸಲಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ಆರಮ್ಮಣೇ ನವ.

೩೩. ಹೇತು ಚೇವ ಸಹೇತುಕೋ ಚ ಅಕುಸಲೋ ಧಮ್ಮೋ ನಹೇತುಸ್ಸ ಚೇವ ನಅಹೇತುಕಸ್ಸ ನಅಕುಸಲಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (ಏತೇನ ಉಪಾಯೇನ ನವ ಪಞ್ಹಾ ಕಾತಬ್ಬಾ.)

೩೪. ಹೇತು ಚೇವ ಸಹೇತುಕೋ ಚ ಅಬ್ಯಾಕತೋ ಧಮ್ಮೋ ನಹೇತುಸ್ಸ ಚೇವ ನಅಹೇತುಕಸ್ಸ ಚ ನಅಬ್ಯಾಕತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (ನವ ಪಞ್ಹಾ ಕಾತಬ್ಬಾ.) (ಸಂಖಿತ್ತಂ, ಹೇತುಹೇತುಸಮ್ಪಯುತ್ತದುಕಂ ಹೇತುಸಹೇತುಕದುಕಸದಿಸಂ. ಸಂಖಿತ್ತಂ. ನವ ಪಞ್ಹಾ.)