೧-೨೧. ಹೇತುದುಕ-ಸನಿದಸ್ಸನತ್ತಿಕಂ

೨೯. ನಹೇತು ಸನಿದಸ್ಸನಸಪ್ಪಟಿಘೋ ಧಮ್ಮೋ ನನಹೇತುಸ್ಸ ನಸನಿದಸ್ಸನಸಪ್ಪಟಿಘಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ…ಪೇ… ನಹೇತು ಸನಿದಸ್ಸನಸಪ್ಪಟಿಘೋ ಧಮ್ಮೋ ನಹೇತುಸ್ಸ ನಸನಿದಸ್ಸನಸಪ್ಪಟಿಘಸ್ಸ ಚ ನನಹೇತುಸ್ಸ ನಸನಿದಸ್ಸನಸಪ್ಪಟಿಘಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಆರಮ್ಮಣೇ ತೀಣಿ, ಅಧಿಪತಿಯಾ ಉಪನಿಸ್ಸಯೇ ಪುರೇಜಾತೇ ಅತ್ಥಿಯಾ ಅವಿಗತೇ ತೀಣಿ.

ನಹೇತುಂ ಅನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಹೇತು ನಅನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ…ಪೇ… ಅವಿಗತೇ ಏಕಂ.

ಹೇತುಂ ಅನಿದಸ್ಸನಅಪ್ಪಟಿಘಂ ಧಮ್ಮಂ ಪಟಿಚ್ಚ ನಹೇತು ನಅನಿದಸ್ಸನಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ಅನಿದಸ್ಸನಅಪ್ಪಟಿಘಂ ಧಮ್ಮಂ ಪಟಿಚ್ಚ ನಹೇತು ನಅನಿದಸ್ಸನಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಂ ಅನಿದಸ್ಸನಅಪ್ಪಟಿಘಞ್ಚ ನಹೇತುಂ ಅನಿದಸ್ಸನಅಪ್ಪಟಿಘಞ್ಚ ಧಮ್ಮಂ ಪಟಿಚ್ಚ ನಹೇತು ನಅನಿದಸ್ಸನಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೩) ಹೇತುಯಾ ತೀಣಿ.