೧-೭. ಪಟಿಚ್ಚವಾರಾದಿ

ಹೇತುಪಚ್ಚಯೋ

೧೦೫. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಕುಸಲಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಬ್ಬತ್ಥ ಏಕಂ. ಸಬ್ಬತ್ಥ ವಿತ್ಥಾರೋ.)

೧೦೬. ದಸ್ಸನೇನ ಪಹಾತಬ್ಬಹೇತುಕಂ ಅಕುಸಲಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ.

ಭಾವನಾಯ ಪಹಾತಬ್ಬಹೇತುಕಂ ಅಕುಸಲಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಂಖಿತ್ತಂ.)

ಹೇತುಯಾ ಛ, ಆರಮ್ಮಣೇ ದಸ, ಅಧಿಪತಿಯಾ ದ್ವೇ…ಪೇ… ಅವಿಗತೇ ದಸ. (ಸಬ್ಬತ್ಥ ವಿತ್ಥಾರೋ.)

೧೦೭. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಬ್ಬತ್ಥ ಏಕಂ.)