ಬಹಿದ್ಧಾಪದಂ

ಹೇತುಪಚ್ಚಯೋ

೮೦. ಕುಸಲಂ ಬಹಿದ್ಧಾ ಧಮ್ಮಂ ಪಟಿಚ್ಚ ಕುಸಲೋ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಕುಸಲಂ ಬಹಿದ್ಧಾ ಧಮ್ಮಂ ಪಟಿಚ್ಚ ಅಕುಸಲೋ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಬ್ಯಾಕತಂ ಬಹಿದ್ಧಾ ಧಮ್ಮಂ ಪಟಿಚ್ಚ ಅಬ್ಯಾಕತೋ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಕುಸಲಂ ಬಹಿದ್ಧಾ ಚ ಅಬ್ಯಾಕತಂ ಬಹಿದ್ಧಾ ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಬಹಿದ್ಧಾ ಚ ಅಬ್ಯಾಕತಂ ಬಹಿದ್ಧಾ ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

ಹೇತುಯಾ ನವ…ಪೇ… ವಿಪಾಕೇ ಏಕಂ…ಪೇ… ಅವಿಗತೇ ನವ. (ಸಂಖಿತ್ತಂ.)

(ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

೮೧. ಕುಸಲೋ ಬಹಿದ್ಧಾ ಧಮ್ಮೋ ಕುಸಲಸ್ಸ ಬಹಿದ್ಧಾ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಕುಸಲೋ ಬಹಿದ್ಧಾ ಧಮ್ಮೋ ಅಕುಸಲಸ್ಸ ಬಹಿದ್ಧಾ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಬ್ಯಾಕತೋ ಬಹಿದ್ಧಾ ಧಮ್ಮೋ ಅಬ್ಯಾಕತಸ್ಸ ಬಹಿದ್ಧಾ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

ಹೇತುಯಾ ಸತ್ತ, ಆರಮ್ಮಣೇ ನವ, ಅಧಿಪತಿಯಾ ದಸ…ಪೇ… ಅವಿಗತೇ ತೇರಸ. (ಸಂಖಿತ್ತಂ. ಯಥಾ ಕುಸಲತ್ತಿಕೇ ಪಞ್ಹಾವಾರಂ ಏವಂ ವಿತ್ಥಾರೇತಬ್ಬಂ.)