೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೫೮. ಅಕುಸಲಂ ಹೀನಂ ಧಮ್ಮಂ ಪಟಿಚ್ಚ ಅಕುಸಲೋ ಹೀನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಂಖಿತ್ತಂ.)

ಹೇತುಯಾ ಏಕಂ…ಪೇ… ಅವಿಗತೇ ಏಕಂ. (ಸಂಖಿತ್ತಂ. ಸಬ್ಬತ್ಥ ವಿತ್ಥಾರೋ.)

೫೯. ಕುಸಲಂ ಮಜ್ಝಿಮಂ ಧಮ್ಮಂ ಪಟಿಚ್ಚ ಕುಸಲೋ ಮಜ್ಝಿಮೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಮಜ್ಝಿಮಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಮಜ್ಝಿಮೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಮಜ್ಝಿಮಂ ಧಮ್ಮಂ ಪಟಿಚ್ಚ ಕುಸಲೋ ಮಜ್ಝಿಮೋ ಚ ಅಬ್ಯಾಕತೋ ಮಜ್ಝಿಮೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ಅಬ್ಯಾಕತಂ ಮಜ್ಝಿಮಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಮಜ್ಝಿಮೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಕುಸಲಂ ಮಜ್ಝಿಮಞ್ಚ ಅಬ್ಯಾಕತಂ ಮಜ್ಝಿಮಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಮಜ್ಝಿಮೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಕುಸಲಂ ಮಜ್ಝಿಮಂ ಧಮ್ಮಂ ಪಟಿಚ್ಚ ಕುಸಲೋ ಮಜ್ಝಿಮೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧)

ಅಬ್ಯಾಕತಂ ಮಜ್ಝಿಮಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಮಜ್ಝಿಮೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧) (ಸಂಖಿತ್ತಂ.)

ಹೇತುಯಾ ಪಞ್ಚ, ಆರಮ್ಮಣೇ ದ್ವೇ, ಅವಿಗತೇ ಪಞ್ಚ. (ಸಂಖಿತ್ತಂ. ಸಹಜಾತವಾರಮ್ಪಿ …ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

೬೦. ಕುಸಲೋ ಮಜ್ಝಿಮೋ ಧಮ್ಮೋ ಕುಸಲಸ್ಸ ಮಜ್ಝಿಮಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಬ್ಯಾಕತೋ ಮಜ್ಝಿಮೋ ಧಮ್ಮೋ ಅಬ್ಯಾಕತಸ್ಸ ಮಜ್ಝಿಮಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಕುಸಲೋ ಮಜ್ಝಿಮೋ ಧಮ್ಮೋ ಕುಸಲಸ್ಸ ಮಜ್ಝಿಮಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಕುಸಲೋ ಮಜ್ಝಿಮೋ ಧಮ್ಮೋ ಅಬ್ಯಾಕತಸ್ಸ ಮಜ್ಝಿಮಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ಅಬ್ಯಾಕತೋ ಮಜ್ಝಿಮೋ ಧಮ್ಮೋ ಅಬ್ಯಾಕತಸ್ಸ ಮಜ್ಝಿಮಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅಬ್ಯಾಕತೋ ಮಜ್ಝಿಮೋ ಧಮ್ಮೋ ಕುಸಲಸ್ಸ ಮಜ್ಝಿಮಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨) (ಸಂಖಿತ್ತಂ).

೬೧. ಹೇತುಯಾ ಚತ್ತಾರಿ, ಆರಮ್ಮಣೇ ಚತ್ತಾರಿ, ಅವಿಗತೇ ಸತ್ತ.

(ಸಂಖಿತ್ತಂ. ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)

ಪಣೀತಪದಂ

ಹೇತುಪಚ್ಚಯೋ

೬೨. ಕುಸಲಂ ಪಣೀತಂ ಧಮ್ಮಂ ಪಟಿಚ್ಚ ಕುಸಲೋ ಪಣೀತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಪಣೀತಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಪಣೀತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

ಹೇತುಯಾ ದ್ವೇ, ಅವಿಗತೇ ದ್ವೇ. (ಸಂಖಿತ್ತಂ. ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ವಿತ್ಥಾರೋ.)