೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೫೧. ಕುಸಲಂ ಪರಿತ್ತಂ ಧಮ್ಮಂ ಪಟಿಚ್ಚ ಕುಸಲೋ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಪರಿತ್ತಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಪರಿತ್ತಂ ಧಮ್ಮಂ ಪಟಿಚ್ಚ ಕುಸಲೋ ಪರಿತ್ತೋ ಚ ಅಬ್ಯಾಕತೋ ಪರಿತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ಅಕುಸಲಂ ಪರಿತ್ತಂ ಧಮ್ಮಂ ಪಟಿಚ್ಚ ಅಕುಸಲೋ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಬ್ಯಾಕತಂ ಪರಿತ್ತಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಕುಸಲಂ ಪರಿತ್ತಞ್ಚ ಅಬ್ಯಾಕತಂ ಪರಿತ್ತಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಪರಿತ್ತಞ್ಚ ಅಬ್ಯಾಕತಂ ಪರಿತ್ತಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಂಖಿತ್ತಂ.)

ಹೇತುಯಾ ನವ, ಆರಮ್ಮಣೇ ತೀಣಿ, ಅವಿಗತೇ ನವ. (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

೫೨. ಕುಸಲೋ ಪರಿತ್ತೋ ಧಮ್ಮೋ ಕುಸಲಸ್ಸ ಪರಿತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಕುಸಲೋ ಪರಿತ್ತೋ ಧಮ್ಮೋ ಅಕುಸಲಸ್ಸ ಪರಿತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಬ್ಯಾಕತೋ ಪರಿತ್ತೋ ಧಮ್ಮೋ ಅಬ್ಯಾಕತಸ್ಸ ಪರಿತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಕುಸಲೋ ಪರಿತ್ತೋ ಧಮ್ಮೋ ಕುಸಲಸ್ಸ ಪರಿತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (ಸಂಖಿತ್ತಂ.)

ಹೇತುಯಾ ಸತ್ತ, ಆರಮ್ಮಣೇ ನವ, ಅವಿಗತೇ ತೇರಸ. (ಸಂಖಿತ್ತಂ. ಯಥಾ ಕುಸಲತ್ತಿಕೇ ಪಞ್ಹಾವಾರಂ ಏವಂ ವಿತ್ಥಾರೇತಬ್ಬಂ.)

ಮಹಗ್ಗತಾದಿಪದಾನಿ

ಹೇತುಪಚ್ಚಯೋ

೫೩. ಕುಸಲಂ ಮಹಗ್ಗತಂ ಧಮ್ಮಂ ಪಟಿಚ್ಚ ಕುಸಲೋ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಮಹಗ್ಗತಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

ಹೇತುಯಾ ದ್ವೇ, ಆರಮ್ಮಣೇ ದ್ವೇ, ಅವಿಗತೇ ದ್ವೇ. (ಸಂಖಿತ್ತಂ. ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ವಿತ್ಥಾರೋ).

೫೪. ಕುಸಲಂ ಅಪ್ಪಮಾಣಂ ಧಮ್ಮಂ ಪಟಿಚ್ಚ ಕುಸಲೋ ಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಅಪ್ಪಮಾಣಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

ಹೇತುಯಾ ದ್ವೇ, ಅವಿಗತೇ ದ್ವೇ. (ಸಂಖಿತ್ತಂ. ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ವಿತ್ಥಾರೋ.)