೧-೬. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೫೦೧. ಹೇತುಂ ಪಚ್ಚುಪ್ಪನ್ನಾರಮ್ಮಣಂ ಧಮ್ಮಂ ಪಟಿಚ್ಚ ಹೇತು ಪಚ್ಚುಪ್ಪನ್ನಾರಮ್ಮಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನಹೇತುಂ ಪಚ್ಚುಪ್ಪನ್ನಾರಮ್ಮಣಂ ಧಮ್ಮಂ ಪಟಿಚ್ಚ ನಹೇತು ಪಚ್ಚುಪ್ಪನ್ನಾರಮ್ಮಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಹೇತುಂ ಪಚ್ಚುಪ್ಪನ್ನಾರಮ್ಮಣಞ್ಚ ನಹೇತುಂ ಪಚ್ಚುಪ್ಪನ್ನಾರಮ್ಮಣಞ್ಚ ಧಮ್ಮಂ ಪಟಿಚ್ಚ ಹೇತು ಪಚ್ಚುಪ್ಪನ್ನಾರಮ್ಮಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಸಂಖಿತ್ತಂ).

೫೦೨. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ… ಕಮ್ಮೇ ನವ…ಪೇ… ಅವಿಗತೇ ನವ (ಸಂಖಿತ್ತಂ).

ನಹೇತು-ನಅಧಿಪತಿಪಚ್ಚಯಾ

೫೦೩. ನಹೇತುಂ ಪಚ್ಚುಪ್ಪನ್ನಾರಮ್ಮಣಂ ಧಮ್ಮಂ ಪಟಿಚ್ಚ ನಹೇತು ಪಚ್ಚುಪ್ಪನ್ನಾರಮ್ಮಣೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. ನಹೇತುಂ ಪಚ್ಚುಪ್ಪನ್ನಾರಮ್ಮಣಂ ಧಮ್ಮಂ ಪಟಿಚ್ಚ ಹೇತು ಪಚ್ಚುಪ್ಪನ್ನಾರಮ್ಮಣೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. (೨)

ಹೇತುಂ ಪಚ್ಚುಪ್ಪನ್ನಾರಮ್ಮಣಂ ಧಮ್ಮಂ ಪಟಿಚ್ಚ ಹೇತು ಪಚ್ಚುಪ್ಪನ್ನಾರಮ್ಮಣೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ (ಸಂಖಿತ್ತಂ).

೫೦೪. ನಹೇತುಯಾ ದ್ವೇ, ನಅಧಿಪತಿಯಾ ನವ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ನವ (ಸಂಖಿತ್ತಂ).

ಹೇತುಪಚ್ಚಯಾ ನಅಧಿಪತಿಯಾ ನವ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ದ್ವೇ (ಸಂಖಿತ್ತಂ).

(ಸಹಜಾತವಾರೋಪಿ ಪಚ್ಚಯವಾರೋಪಿ ನಿಸ್ಸಯವಾರೋಪಿ ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ಪಟಿಚ್ಚವಾರಸದಿಸಾ ವಿತ್ಥಾರೇತಬ್ಬಾ.)