೭. ಪಞ್ಹಾವಾರೋ

ಪಚ್ಚಯಚತುಕ್ಕಂ

ಹೇತುಪಚ್ಚಯಾದಿ

೫೦೫. ಹೇತು ಪಚ್ಚುಪ್ಪನ್ನಾರಮ್ಮಣೋ ಧಮ್ಮೋ ಹೇತುಸ್ಸ ಪಚ್ಚುಪ್ಪನ್ನಾರಮ್ಮಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಹೇತು ಪಚ್ಚುಪ್ಪನ್ನಾರಮ್ಮಣೋ ಧಮ್ಮೋ ಹೇತುಸ್ಸ ಪಚ್ಚುಪ್ಪನ್ನಾರಮ್ಮಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ನವ.

ಹೇತು ಪಚ್ಚುಪ್ಪನ್ನಾರಮ್ಮಣೋ ಧಮ್ಮೋ ಹೇತುಸ್ಸ ಪಚ್ಚುಪ್ಪನ್ನಾರಮ್ಮಣಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ… ತೀಣಿ.

ನಹೇತು ಪಚ್ಚುಪ್ಪನ್ನಾರಮ್ಮಣೋ ಧಮ್ಮೋ ನಹೇತುಸ್ಸ ಪಚ್ಚುಪ್ಪನ್ನಾರಮ್ಮಣಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ… ತೀಣಿ.

ಹೇತು ಪಚ್ಚುಪ್ಪನ್ನಾರಮ್ಮಣೋ ಚ ನಹೇತು ಪಚ್ಚುಪ್ಪನ್ನಾರಮ್ಮಣೋ ಚ ಧಮ್ಮಾ ಹೇತುಸ್ಸ ಪಚ್ಚುಪ್ಪನ್ನಾರಮ್ಮಣಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ… ತೀಣಿ (ಸಂಖಿತ್ತಂ).

೫೦೬. ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ನವ, ಅಞ್ಞಮಞ್ಞೇ ನವ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಆಸೇವನೇ ನವ, ಕಮ್ಮೇ ತೀಣಿ, ವಿಪಾಕೇ ನವ, ಆಹಾರೇ ತೀಣಿ, ಇನ್ದ್ರಿಯೇ ನವ…ಪೇ… ಅವಿಗತೇ ನವ (ಸಂಖಿತ್ತಂ).

ಪಚ್ಚನೀಯುದ್ಧಾರೋ

೫೦೭. ಹೇತು ಪಚ್ಚುಪ್ಪನ್ನಾರಮ್ಮಣೋ ಧಮ್ಮೋ ಹೇತುಸ್ಸ ಪಚ್ಚುಪ್ಪನ್ನಾರಮ್ಮಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೫೦೮. ನಹೇತುಯಾ ನವ, ನಆರಮ್ಮಣೇ ನವ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ತೀಣಿ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ನವ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಸ್ಸ ಅನುಲೋಮಮ್ಪಿ ಪಚ್ಚನೀಯಮ್ಪಿ ಅನುಲೋಮಪಚ್ಚನೀಯಮ್ಪಿ ಪಚ್ಚನೀಯಾನುಲೋಮಮ್ಪಿ ಗಣಿತಂ, ಏವಂ ಗಣೇತಬ್ಬಂ.)

ಹೇತುದುಕಅತೀತಾರಮ್ಮಣತ್ತಿಕಂ ನಿಟ್ಠಿತಂ.