೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೧೧೪. ದಸ್ಸನೇನ ಪಹಾತಬ್ಬಂ ಹೇತುಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಭಾವನಾಯ ಪಹಾತಬ್ಬಂ ಹೇತುಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬೋ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಹೇತುಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

೧೧೫. ಹೇತುಯಾ ತೀಣಿ (ಸಬ್ಬತ್ಥ ತೀಣಿ), ವಿಪಾಕೇ ಏಕಂ…ಪೇ… ಅವಿಗತೇ ತೀಣಿ.

ನಅಧಿಪತಿಯಾ ತೀಣಿ, ನಪುರೇಜಾತೇ ತೀಣಿ…ಪೇ… ನವಿಪ್ಪಯುತ್ತೇ ತೀಣಿ (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ವಿತ್ಥಾರೇತಬ್ಬಂ).

೧೧೬. ದಸ್ಸನೇನ ಪಹಾತಬ್ಬೋ ಹೇತು ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ದಸ್ಸನೇನ ಪಹಾತಬ್ಬೋ ಹೇತು ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೧೧೭. ಹೇತುಯಾ ತೀಣಿ, ಆರಮ್ಮಣೇ ಅಟ್ಠ, ಅಧಿಪತಿಯಾ ಛ, ಅನನ್ತರೇ ಪಞ್ಚ, ಸಮನನ್ತರೇ ಪಞ್ಚ, ಸಹಜಾತೇ ತೀಣಿ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೀಣಿ, ಉಪನಿಸ್ಸಯೇ ಅಟ್ಠ, ಆಸೇವನೇ ತೀಣಿ, ವಿಪಾಕೇ ಏಕಂ, ಇನ್ದ್ರಿಯೇ ಏಕಂ, ಮಗ್ಗೇ ಏಕಂ…ಪೇ… ಅವಿಗತೇ ತೀಣಿ (ಸಂಖಿತ್ತಂ).

ನಹೇತುಯಾ ಅಟ್ಠ, ನಆರಮ್ಮಣೇ ಅಟ್ಠ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ತೀಣಿ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ಅಟ್ಠ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)

ನಹೇತುಪದಂ