೧-೬. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತು-ಆರಮ್ಮಣಪಚ್ಚಯಾ

೧೧೮. ದಸ್ಸನೇನ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ದಸ್ಸನೇನ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ದಸ್ಸನೇನ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ನಹೇತು ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ನಹೇತು ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ… ತೀಣಿ.

ಭಾವನಾಯ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಭಾವನಾಯ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಭಾವನಾಯ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬೋ ನಹೇತು ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ನಹೇತು ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ… ತೀಣಿ.

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ದಸ್ಸನೇನ ಪಹಾತಬ್ಬಂ ನಹೇತುಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ನಹೇತುಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಭಾವನಾಯ ಪಹಾತಬ್ಬಂ ನಹೇತುಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ನಹೇತುಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ದಸ್ಸನೇನ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧)

ಭಾವನಾಯ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ (ಸಂಖಿತ್ತಂ).

೧೧೯. ಹೇತುಯಾ ನವ, ಆರಮ್ಮಣೇ ತೀಣಿ, ಅಧಿಪತಿಯಾ ನವ…ಪೇ… ಅವಿಗತೇ ನವ (ಸಂಖಿತ್ತಂ).

ನಹೇತು-ನಆರಮ್ಮಣಪಚ್ಚಯಾ

೧೨೦. ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ.

ದಸ್ಸನೇನ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ. (೧)

ಭಾವನಾಯ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ. (೧)

ದಸ್ಸನೇನ ಪಹಾತಬ್ಬಂ ನಹೇತುಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ನಹೇತುಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ. (೧)

ಭಾವನಾಯ ಪಹಾತಬ್ಬಂ ನಹೇತುಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ನಹೇತುಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ. (೧) (ಸಂಖಿತ್ತಂ.)

೧೨೧. ನಹೇತುಯಾ ಏಕಂ, ನಆರಮ್ಮಣೇ ಪಞ್ಚ, ನಅಧಿಪತಿಯಾ ನವ…ಪೇ… ನೋವಿಗತೇ ಪಞ್ಚ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ಪಞ್ಚ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ಏಕಂ (ಸಂಖಿತ್ತಂ).

(ಸಹಜಾತವಾರಮ್ಪಿ ಪಚ್ಚಯವಾರಮ್ಪಿ ನಿಸ್ಸಯವಾರಮ್ಪಿ ಸಂಸಟ್ಠವಾರಮ್ಪಿ ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ ವಿತ್ಥಾರೇತಬ್ಬಂ.)