೧-೬. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೧೦೨. ಪೀತಿಸಹಗತಂ ಹೇತುಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಸುಖಸಹಗತಂ ಹೇತುಂ ಧಮ್ಮಂ ಪಟಿಚ್ಚ ಸುಖಸಹಗತೋ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಉಪೇಕ್ಖಾಸಹಗತಂ ಹೇತುಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಏಕಂ.

ಪೀತಿಸಹಗತಂ ಹೇತುಞ್ಚ ಸುಖಸಹಗತಂ ಹೇತುಞ್ಚ ಧಮ್ಮಂ ಪಟಿಚ್ಚ ಪೀತಿಸಹಗತೋ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಸಂಖಿತ್ತಂ).

೧೦೩. ಹೇತುಯಾ ದಸ, ಆರಮ್ಮಣೇ ದಸ…ಪೇ… ಅವಿಗತೇ ದಸ (ಸಂಖಿತ್ತಂ).

ನಅಧಿಪತಿಯಾ ದಸ, ನಪುರೇಜಾತೇ ದಸ, ನಪಚ್ಛಾಜಾತೇ ದಸ, ನಆಸೇವನೇ ದಸ, ನವಿಪಾಕೇ ದಸ, ನವಿಪ್ಪಯುತ್ತೇ ದಸ (ಸಂಖಿತ್ತಂ).

(ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ವಿತ್ಥಾರೇತಬ್ಬಂ.)