೭. ಪಞ್ಹಾವಾರೋ

ಪಚ್ಚಯಚತುಕ್ಕಂ

ಹೇತುಆರಮ್ಮಣಪಚ್ಚಯಾದಿ

೧೦೪. ಪೀತಿಸಹಗತೋ ಹೇತು ಧಮ್ಮೋ ಪೀತಿಸಹಗತಸ್ಸ ಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಸುಖಸಹಗತೋ ಹೇತು ಧಮ್ಮೋ ಸುಖಸಹಗತಸ್ಸ ಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಉಪೇಕ್ಖಾಸಹಗತೋ ಹೇತು ಧಮ್ಮೋ ಉಪೇಕ್ಖಾಸಹಗತಸ್ಸ ಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ಏಕಂ.

ಪೀತಿಸಹಗತೋ ಹೇತು ಚ ಸುಖಸಹಗತೋ ಹೇತು ಚ ಧಮ್ಮಾ ಪೀತಿಸಹಗತಸ್ಸ ಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

೧೦೫. ಪೀತಿಸಹಗತೋ ಹೇತು ಧಮ್ಮೋ ಪೀತಿಸಹಗತಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಪೀತಿಸಹಗತೋ ಹೇತು ಧಮ್ಮೋ ಸುಖಸಹಗತಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಪೀತಿಸಹಗತೋ ಹೇತು ಧಮ್ಮೋ ಉಪೇಕ್ಖಾಸಹಗತಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಪೀತಿಸಹಗತೋ ಹೇತು ಧಮ್ಮೋ ಪೀತಿಸಹಗತಸ್ಸ ಹೇತುಸ್ಸ ಚ ಸುಖಸಹಗತಸ್ಸ ಹೇತುಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಚತ್ತಾರಿ.

ಸುಖಸಹಗತೋ ಹೇತು ಧಮ್ಮೋ ಸುಖಸಹಗತಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಸುಖಸಹಗತೋ ಹೇತು ಧಮ್ಮೋ ಪೀತಿಸಹಗತಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಸುಖಸಹಗತೋ ಹೇತು ಧಮ್ಮೋ ಉಪೇಕ್ಖಾಸಹಗತಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಸುಖಸಹಗತೋ ಹೇತು ಧಮ್ಮೋ ಪೀತಿಸಹಗತಸ್ಸ ಹೇತುಸ್ಸ ಚ ಸುಖಸಹಗತಸ್ಸ ಹೇತುಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಚತ್ತಾರಿ.

ಉಪೇಕ್ಖಾಸಹಗತೋ ಹೇತು ಧಮ್ಮೋ ಉಪೇಕ್ಖಾಸಹಗತಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಉಪೇಕ್ಖಾಸಹಗತೋ ಹೇತು ಧಮ್ಮೋ ಪೀತಿಸಹಗತಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಉಪೇಕ್ಖಾಸಹಗತೋ ಹೇತು ಧಮ್ಮೋ ಸುಖಸಹಗತಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಉಪೇಕ್ಖಾಸಹಗತೋ ಹೇತು ಧಮ್ಮೋ ಪೀತಿಸಹಗತಸ್ಸ ಹೇತುಸ್ಸ ಚ ಸುಖಸಹಗತಸ್ಸ ಹೇತುಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಚತ್ತಾರಿ.

ಪೀತಿಸಹಗತೋ ಹೇತು ಚ ಸುಖಸಹಗತೋ ಹೇತು ಚ ಧಮ್ಮಾ ಪೀತಿಸಹಗತಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಚತ್ತಾರಿ.

ಪೀತಿಸಹಗತೋ ಹೇತು ಧಮ್ಮೋ ಪೀತಿಸಹಗತಸ್ಸ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ.

೧೦೬. ಹೇತುಯಾ ದಸ, ಆರಮ್ಮಣೇ ಸೋಳಸ, ಅಧಿಪತಿಯಾ ಸೋಳಸ, ಅನನ್ತರೇ ಸೋಳಸ, ಸಮನನ್ತರೇ ಸೋಳಸ, ಸಹಜಾತೇ ದಸ, ಅಞ್ಞಮಞ್ಞೇ ದಸ, ನಿಸ್ಸಯೇ ದಸ, ಉಪನಿಸ್ಸಯೇ ಸೋಳಸ…ಪೇ… ವಿಪಾಕೇ ದಸ…ಪೇ… ಅವಿಗತೇ ದಸ (ಸಂಖಿತ್ತಂ).

ನಹೇತುಯಾ ಸೋಳಸ, ನಆರಮ್ಮಣೇ ಸೋಳಸ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ದಸ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ಸೋಳಸ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)

ನಹೇತುಪದಂ