೧. ವಿಭಙ್ಗವಾರೋ

ಹೇತುಪಚ್ಚಯೋ

೮೭. ಪರಾಮಟ್ಠೋ ಚೇವ ನೋ ಚ ಪರಾಮಾಸೋ ಧಮ್ಮೋ ಪರಾಮಟ್ಠಸ್ಸ ಚೇವ ನೋ ಚ ಪರಾಮಾಸಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಪರಾಮಟ್ಠಾ ಚೇವ ನೋ ಚ ಪರಾಮಾಸಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೧)

ಪರಾಮಟ್ಠೋ ಚೇವ ನೋ ಚ ಪರಾಮಾಸೋ ಧಮ್ಮೋ ಪರಾಮಾಸಸ್ಸ ಚೇವ ಪರಾಮಟ್ಠಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಪರಾಮಟ್ಠಾ ಚೇವ ನೋ ಚ ಪರಾಮಾಸಾ ಹೇತೂ ಪರಾಮಾಸಸ್ಸ ಹೇತುಪಚ್ಚಯೇನ ಪಚ್ಚಯೋ. (೨)

ಪರಾಮಟ್ಠೋ ಚೇವ ನೋ ಚ ಪರಾಮಾಸೋ ಧಮ್ಮೋ ಪರಾಮಾಸಸ್ಸ ಚೇವ ಪರಾಮಟ್ಠಸ್ಸ ಚ ಪರಾಮಟ್ಠಸ್ಸ ಚೇವ ನೋ ಚ ಪರಾಮಾಸಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಪರಾಮಟ್ಠಾ ಚೇವ ನೋ ಚ ಪರಾಮಾಸಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಪರಾಮಾಸಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)

ಆರಮ್ಮಣಪಚ್ಚಯೋ

೮೮. ಪರಾಮಾಸೋ ಚೇವ ಪರಾಮಟ್ಠೋ ಚ ಧಮ್ಮೋ ಪರಾಮಾಸಸ್ಸ ಚೇವ ಪರಾಮಟ್ಠಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ (ಆರಬ್ಭ ಕಾತಬ್ಬಾನಿ ಪರಾಮಾಸದುಕಸದಿಸಂ).

೮೯. ಪರಾಮಟ್ಠೋ ಚೇವ ನೋ ಚ ಪರಾಮಾಸೋ ಧಮ್ಮೋ ಪರಾಮಟ್ಠಸ್ಸ ಚೇವ ನೋ ಚ ಪರಾಮಾಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ… ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ…ಪೇ… ವಿಚಿಕಿಚ್ಛಾ, ಉದ್ಧಚ್ಚಂ, ದೋಮನಸ್ಸಂ ಉಪ್ಪಜ್ಜತಿ, ಪುಬ್ಬೇ…ಪೇ… ಝಾನಾ…ಪೇ… ಅರಿಯಾ ಗೋತ್ರಭುಂ ಪಚ್ಚವೇಕ್ಖನ್ತಿ, ವೋದಾನಂ ಪಚ್ಚವೇಕ್ಖನ್ತಿ, ಪಹೀನೇ ಕಿಲೇಸೇ…ಪೇ… ವಿಕ್ಖಮ್ಭಿತೇ ಕಿಲೇಸೇ…ಪೇ… ಪುಬ್ಬೇ…ಪೇ… ಚಕ್ಖುಂ…ಪೇ… ವತ್ಥುಂ ಪರಾಮಟ್ಠೇ ಚೇವ ನೋ ಚ ಪರಾಮಾಸೇ ಖನ್ಧೇ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ (ಯಾವ ಆವಜ್ಜನಾ ಸಬ್ಬಂ ಕಾತಬ್ಬಂ). (೧)

ಪರಾಮಟ್ಠೋ ಚೇವ ನೋ ಚ ಪರಾಮಾಸೋ ಧಮ್ಮೋ ಪರಾಮಾಸಸ್ಸ ಚೇವ ಪರಾಮಟ್ಠಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ… ಸೀಲಂ…ಪೇ… ಉಪೋಸಥಕಮ್ಮಂ…ಪೇ… ಪುಬ್ಬೇ…ಪೇ… ಝಾನಾ…ಪೇ… ಚಕ್ಖುಂ…ಪೇ… ವತ್ಥುಂ ಪರಾಮಟ್ಠೇ ಚೇವ ನೋ ಚ ಪರಾಮಾಸೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಿಟ್ಠಿ ಉಪ್ಪಜ್ಜತಿ. (೨)

ಪರಾಮಟ್ಠೋ ಚೇವ ನೋ ಚ ಪರಾಮಾಸೋ ಧಮ್ಮೋ ಪರಾಮಾಸಸ್ಸ ಚೇವ ಪರಾಮಟ್ಠಸ್ಸ ಚ ಪರಾಮಟ್ಠಸ್ಸ ಚೇವ ನೋ ಚ ಪರಾಮಾಸಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ… ಸೀಲಂ…ಪೇ… ಉಪೋಸಥಕಮ್ಮಂ…ಪೇ… ಪುಬ್ಬೇ…ಪೇ… ಝಾನಾ…ಪೇ… ಚಕ್ಖುಂ…ಪೇ… ವತ್ಥುಂ ಪರಾಮಟ್ಠೇ ಚೇವ ನೋ ಚ ಪರಾಮಾಸೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. (೩)

(ಏವಂ ಇತರೇಪಿ ತೀಣಿ ಆರಬ್ಭ ಕಾತಬ್ಬಾನಿ. ಇಮಂ ದುಕಂ ಪರಾಮಾಸದುಕಸದಿಸಂ. ಲೋಕುತ್ತರಂ ಯಹಿಂ ನ ಲಬ್ಭತಿ ತಹಿಂ ನ ಕಾತಬ್ಬಂ.)

ಪರಾಮಾಸಪರಾಮಟ್ಠದುಕಂ ನಿಟ್ಠಿತಂ.