೧. ವಿಭಙ್ಗವಾರೋ

ಹೇತುಪಚ್ಚಯೋ

೯೦. ನೀವರಣೋ ಚೇವ ನೀವರಣಿಯೋ ಚ ಧಮ್ಮೋ ನೀವರಣಸ್ಸ ಚೇವ ನೀವರಣಿಯಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನೀವರಣಾ ಚೇವ ನೀವರಣಿಯಾ ಚ ಹೇತೂ ಸಮ್ಪಯುತ್ತಕಾನಂ ನೀವರಣಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ನೀವರಣೋ ಚೇವ ನೀವರಣಿಯೋ ಚ ಧಮ್ಮೋ ನೀವರಣಿಯಸ್ಸ ಚೇವ ನೋ ಚ ನೀವರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನೀವರಣಾ ಚೇವ ನೀವರಣಿಯಾ ಚ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ನೀವರಣೋ ಚೇವ ನೀವರಣಿಯೋ ಚ ಧಮ್ಮೋ ನೀವರಣಸ್ಸ ಚೇವ ನೀವರಣಿಯಸ್ಸ ಚ ನೀವರಣಿಯಸ್ಸ ಚೇವ ನೋ ಚ ನೀವರಣಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನೀವರಣಾ ಚೇವ ನೀವರಣಿಯಾ ಚ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ನೀವರಣಾನಞ್ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)

ನೀವರಣಿಯೋ ಚೇವ ನೋ ಚ ನೀವರಣೋ ಧಮ್ಮೋ ನೀವರಣಿಯಸ್ಸ ಚೇವ ನೋ ಚ ನೀವರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನೀವರಣಿಯಾ ಚೇವ ನೋ ಚ ನೀವರಣಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೧)

ಆರಮ್ಮಣಪಚ್ಚಯೋ

೯೧. ನೀವರಣೋ ಚೇವ ನೀವರಣಿಯೋ ಚ ಧಮ್ಮೋ ನೀವರಣಸ್ಸ ಚೇವ ನೀವರಣಿಯಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ನೀವರಣೇ ಆರಬ್ಭ ನೀವರಣಾ ಉಪ್ಪಜ್ಜನ್ತಿ. (ಮೂಲಂ ಪುಚ್ಛಿತಬ್ಬಂ) ನೀವರಣೇ ಆರಬ್ಭ ನೀವರಣಿಯಾ ಚೇವ ನೋ ಚ ನೀವರಣಾ ಖನ್ಧಾ ಉಪ್ಪಜ್ಜನ್ತಿ. (ಮೂಲಂ ಪುಚ್ಛಿತಬ್ಬಂ) ನೀವರಣೇ ಆರಬ್ಭ ನೀವರಣಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. (೩)

ನೀವರಣಿಯೋ ಚೇವ ನೋ ಚ ನೀವರಣೋ ಧಮ್ಮೋ ನೀವರಣಿಯಸ್ಸ ಚೇವ ನೋ ಚ ನೀವರಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ… ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ… ವಿಚಿಕಿಚ್ಛಾ… ಉದ್ಧಚ್ಚಂ… ದೋಮನಸ್ಸಂ ಉಪ್ಪಜ್ಜತಿ; ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ…ಪೇ… ಅರಿಯಾ ಗೋತ್ರಭುಂ ಪಚ್ಚವೇಕ್ಖನ್ತಿ, ವೋದಾನಂ…ಪೇ… ಪಹೀನೇ ಕಿಲೇಸೇ …ಪೇ… ವಿಕ್ಖಮ್ಭಿತೇ ಕಿಲೇಸೇ…ಪೇ… ಪುಬ್ಬೇ ಸಮುದಾಚಿಣ್ಣೇ…ಪೇ… ಚಕ್ಖುಂ…ಪೇ… ವತ್ಥುಂ ನೀವರಣಿಯೇ ಚೇವ ನೋ ಚ ನೀವರಣೇ ಖನ್ಧೇ ಅನಿಚ್ಚತೋ…ಪೇ… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ… (ಯಾವ ಆವಜ್ಜನಾ ತಾವ ಕಾತಬ್ಬಾ). (೧)

ನೀವರಣಿಯೋ ಚೇವ ನೋ ಚ ನೀವರಣೋ ಧಮ್ಮೋ ನೀವರಣಸ್ಸ ಚೇವ ನೀವರಣಿಯಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ… ಸೀಲಂ…ಪೇ… ಉಪೋಸಥಕಮ್ಮಂ…ಪೇ… ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ…ಪೇ… ಚಕ್ಖುಂ…ಪೇ… ವತ್ಥುಂ ನೀವರಣಿಯೇ ಚೇವ ನೋ ಚ ನೀವರಣೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ…ಪೇ… ದಿಟ್ಠಿ… ವಿಚಿಕಿಚ್ಛಾ… ಉದ್ಧಚ್ಚಂ… ದೋಮನಸ್ಸಂ ಉಪ್ಪಜ್ಜತಿ. (೨)

ನೀವರಣಿಯೋ ಚೇವ ನೋ ಚ ನೀವರಣೋ ಧಮ್ಮೋ ನೀವರಣಸ್ಸ ಚೇವ ನೀವರಣಿಯಸ್ಸ ಚ ನೀವರಣಿಯಸ್ಸ ಚೇವ ನೋ ಚ ನೀವರಣಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ… ಸೀಲಂ…ಪೇ… ಉಪೋಸಥಕಮ್ಮಂ…ಪೇ… ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ …ಪೇ… ಚಕ್ಖುಂ…ಪೇ… ವತ್ಥುಂ ನೀವರಣಿಯೇ ಚೇವ ನೋ ಚ ನೀವರಣೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ನೀವರಣಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ (ಏವಂ ಇತರೇಪಿ ತೀಣಿ ಕಾತಬ್ಬಾ). (೩)

(ಆರಮ್ಮಣಸದಿಸಾ ಅಧಿಪತಿಪಚ್ಚಯಾ, ಪುರೇಜಾತಮ್ಪಿ ಆರಮ್ಮಣಸದಿಸಂ. ಉಪನಿಸ್ಸಯೇಪಿ ಲೋಕುತ್ತರಂ ನ ಕಾತಬ್ಬಂ. ಸಂಖಿತ್ತಂ, ಏವಂ ವಿತ್ಥಾರೇತಬ್ಬಂ ಯಥಾ ನೀವರಣದುಕಂ, ಏವಂ ಪಚ್ಚವೇಕ್ಖಿತ್ವಾ ಕಾತಬ್ಬಂ.)

ನೀವರಣನೀವರಣಿಯದುಕಂ ನಿಟ್ಠಿತಂ.