೧. ವಿಭಙ್ಗವಾರೋ

ಹೇತುಪಚ್ಚಯೋ

೧೨೧. ಆಸವೋ ಚೇವ ಆಸವಸಮ್ಪಯುತ್ತೋ ಚ ಧಮ್ಮೋ ಆಸವಸ್ಸ ಚೇವ ಆಸವಸಮ್ಪಯುತ್ತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚೇವ ನೋ ಚ ಆಸವಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಆಸವಸಮ್ಪಯುತ್ತಾ ಚೇವ ನೋ ಚ ಆಸವಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ಆರಮ್ಮಣಪಚ್ಚಯಾದಿ

೧೨೨. ಆಸವೋ ಚೇವ ಆಸವಸಮ್ಪಯುತ್ತೋ ಚ ಧಮ್ಮೋ ಆಸವಸ್ಸ ಚೇವ ಆಸವಸಮ್ಪಯುತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚೇವ ನೋ ಚ ಆಸವಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಆಸವಸಮ್ಪಯುತ್ತೇ ಚೇವ ನೋ ಚ ಆಸವೇ ಖನ್ಧೇ ಆರಬ್ಭ ಆಸವಸಮ್ಪಯುತ್ತಾ ಚೇವ ನೋ ಚ ಆಸವಾ ಖನ್ಧಾ ಉಪ್ಪಜ್ಜನ್ತಿ. (೧)

ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ ಧಮ್ಮೋ ಆಸವಸ್ಸ ಚೇವ ಆಸವಸಮ್ಪಯುತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಆಸವಸಮ್ಪಯುತ್ತೇ ಚೇವ ನೋ ಚ ಆಸವೇ ಖನ್ಧೇ ಆರಬ್ಭ ಆಸವಾ ಉಪ್ಪಜ್ಜನ್ತಿ. (೨)

ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ ಧಮ್ಮೋ ಆಸವಸ್ಸ ಚೇವ ಆಸವಸಮ್ಪಯುತ್ತಸ್ಸ ಚ ಆಸವಸಮ್ಪಯುತ್ತಸ್ಸ ಚೇವ ನೋ ಚ ಆಸವಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಆಸವಸಮ್ಪಯುತ್ತೇ ಚೇವ ನೋ ಚ ಆಸವೇ ಖನ್ಧೇ ಆರಬ್ಭ ಆಸವಾ ಚ ಆಸವಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. (೩)

ಆಸವೋ ಚೇವ ಆಸವಸಮ್ಪಯುತ್ತೋ ಚ ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ ಚ ಧಮ್ಮಾ ಆಸವಸ್ಸ ಚೇವ ಆಸವಸಮ್ಪಯುತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ … ತೀಣಿ.

ಅಧಿಪತಿಪಚ್ಚಯಾ… (ಆರಮ್ಮಣಸದಿಸಾ, ಗರುಕಾರಮ್ಮಣಾ) ಅನನ್ತರಪಚ್ಚಯಾ… (ಆರಮ್ಮಣಸದಿಸಾಯೇವ, ಪುರಿಮಾ ಪುರಿಮಾತಿ ಕಾತಬ್ಬಾ.) ಸಮನನ್ತರಪಚ್ಚಯಾ… ಸಹಜಾತಪಚ್ಚಯಾ… ಅಞ್ಞಮಞ್ಞಪಚ್ಚಯಾ… ನಿಸ್ಸಯಪಚ್ಚಯಾ… ಉಪನಿಸ್ಸಯಪಚ್ಚಯಾ (ಆರಮ್ಮಣಸದಿಸಂಯೇವ, ವಿಭಜನಾ ನತ್ಥಿ… ತೀಣಿ. ಉಪನಿಸ್ಸಯಂ ಸಬ್ಬಂ ಕಾತಬ್ಬಂ).

ಕಮ್ಮಪಚ್ಚಯಾದಿ

೧೨೩. ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚೇವ ನೋ ಚ ಆಸವಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ… ತೀಣಿ… ಆಹಾರಪಚ್ಚಯೇನ ಪಚ್ಚಯೋ… ತೀಣಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ತೀಣಿ… ಝಾನಪಚ್ಚಯೇನ ಪಚ್ಚಯೋ… ತೀಣಿ… ಮಗ್ಗಪಚ್ಚಯೇನ ಪಚ್ಚಯೋ… ನವ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ನವ… ಅತ್ಥಿಪಚ್ಚಯೇನ ಪಚ್ಚಯೋ… ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ… ನವ.