೧. ವಿಭಙ್ಗವಾರೋ

ಹೇತುಪಚ್ಚಯೋ

೧೧೫. ಆಸವಞ್ಚೇವ ಆಸವಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಆಸವೋ ಚೇವ ಆಸವಸಮ್ಪಯುತ್ತೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಾಮಾಸವಂ ಪಟಿಚ್ಚ ದಿಟ್ಠಾಸವೋ ಅವಿಜ್ಜಾಸವೋ (ಚಕ್ಕಂ ಬನ್ಧಿತಬ್ಬಂ). ಭವಾಸವಂ ಪಟಿಚ್ಚ ಅವಿಜ್ಜಾಸವೋ (ಚಕ್ಕಂ ಬನ್ಧಿತಬ್ಬಂ). ದಿಟ್ಠಾಸವಂ ಪಟಿಚ್ಚ ಅವಿಜ್ಜಾಸವೋ. (೧)

ಆಸವಞ್ಚೇವ ಆಸವಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಆಸವೇ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ. (೨)

ಆಸವಞ್ಚೇವ ಆಸವಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಆಸವೋ ಚೇವ ಆಸವಸಮ್ಪಯುತ್ತೋ ಚ ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಆಸವಸಮ್ಪಯುತ್ತಂ ಕಾಮಾಸವಂ ಪಟಿಚ್ಚ ದಿಟ್ಠಾಸವೋ ಅವಿಜ್ಜಾಸವೋ ಸಮ್ಪಯುತ್ತಕಾ ಚ ಖನ್ಧಾ (ಸಬ್ಬಂ ಚಕ್ಕಂ). (೩)

೧೧೬. ಆಸವಸಮ್ಪಯುತ್ತಞ್ಚೇವ ನೋ ಚ ಆಸವಂ ಧಮ್ಮಂ ಪಟಿಚ್ಚ ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಆಸವಸಮ್ಪಯುತ್ತಞ್ಚೇವ ನೋ ಚ ಆಸವಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಆಸವಸಮ್ಪಯುತ್ತಞ್ಚೇವ ನೋ ಚ ಆಸವಂ ಧಮ್ಮಂ ಪಟಿಚ್ಚ ಆಸವೋ ಚೇವ ಆಸವಸಮ್ಪಯುತ್ತೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಆಸವಸಮ್ಪಯುತ್ತಞ್ಚೇವ ನೋ ಚ ಆಸವೇ ಖನ್ಧೇ ಪಟಿಚ್ಚ ಆಸವಾ. (೨)

ಆಸವಸಮ್ಪಯುತ್ತಞ್ಚೇವ ನೋ ಚ ಆಸವಂ ಧಮ್ಮಂ ಪಟಿಚ್ಚ ಆಸವೋ ಚೇವ ಆಸವಸಮ್ಪಯುತ್ತೋ ಚ ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಆಸವಸಮ್ಪಯುತ್ತಞ್ಚೇವ ನೋ ಚ ಆಸವಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಆಸವಾ ಚ…ಪೇ… ದ್ವೇ ಖನ್ಧೇ…ಪೇ…. (೩)

೧೧೭. ಆಸವಞ್ಚೇವ ಆಸವಸಮ್ಪಯುತ್ತಞ್ಚ ಆಸವಸಮ್ಪಯುತ್ತಞ್ಚೇವ ನೋ ಚ ಆಸವಞ್ಚ ಧಮ್ಮಂ ಪಟಿಚ್ಚ ಆಸವೋ ಚೇವ ಆಸವಸಮ್ಪಯುತ್ತೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಾಮಾಸವಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ದಿಟ್ಠಾಸವೋ ಅವಿಜ್ಜಾಸವೋ (ಸಬ್ಬಂ ಚಕ್ಕಂ). (೧)

ಆಸವಞ್ಚೇವ ಆಸವಸಮ್ಪಯುತ್ತಞ್ಚ ಆಸವಸಮ್ಪಯುತ್ತಞ್ಚೇವ ನೋ ಚ ಆಸವಞ್ಚ ಧಮ್ಮಂ ಪಟಿಚ್ಚ ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಆಸವಸಮ್ಪಯುತ್ತಞ್ಚೇವ ನೋ ಚ ಆಸವಂ ಏಕಂ ಖನ್ಧಞ್ಚ ಆಸವೇ ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೨)

ಆಸವಞ್ಚೇವ ಆಸವಸಮ್ಪಯುತ್ತಞ್ಚ ಆಸವಸಮ್ಪಯುತ್ತಞ್ಚೇವ ನೋ ಚ ಆಸವಞ್ಚ ಧಮ್ಮಂ ಪಟಿಚ್ಚ ಆಸವೋ ಚೇವ ಆಸವಸಮ್ಪಯುತ್ತೋ ಚ ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಆಸವಸಮ್ಪಯುತ್ತಞ್ಚೇವ ನೋ ಚ ಆಸವಂ ಏಕಂ ಖನ್ಧಞ್ಚ ಕಾಮಾಸವಞ್ಚ ಪಟಿಚ್ಚ ತಯೋ ಖನ್ಧಾ ದಿಟ್ಠಾಸವೋ ಅವಿಜ್ಜಾಸವೋ…ಪೇ… ದ್ವೇ ಖನ್ಧೇ…ಪೇ…. (೩)

(ಚಕ್ಕಂ. ಏವಂ ಸಬ್ಬೇ ಪಚ್ಚಯಾ ಕಾತಬ್ಬಾ.)