೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

(ಪಞ್ಹಾವಾರೇ ಹೇತುಪಚ್ಚಯೇಪಿ ಆರಮ್ಮಣಪಚ್ಚಯೇಪಿ ಲೋಕುತ್ತರಂ ನ ಕಾತಬ್ಬಂ, ಸೇಖಾ ಗೋತ್ರಭುಂ ಪಚ್ಚವೇಕ್ಖನ್ತಿ, ವೋದಾನಂ ಪಚ್ಚವೇಕ್ಖನ್ತೀತಿ ಕಾತಬ್ಬಾ. ಅಧಿಪತಿಪಚ್ಚಯಮ್ಪಿ ಸಬ್ಬಂ ಜಾನಿತ್ವಾ ಕಾತಬ್ಬಂ.)

ಅನನ್ತರಪಚ್ಚಯೋ

೧೧೨. ಆಸವೋ ಚೇವ ಸಾಸವೋ ಚ ಧಮ್ಮೋ ಆಸವಸ್ಸ ಚೇವ ಸಾಸವಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಆಸವಾ ಪಚ್ಛಿಮಾನಂ ಪಚ್ಛಿಮಾನಂ ಆಸವಾನಂ ಅನನ್ತರಪಚ್ಚಯೇನ ಪಚ್ಚಯೋ. (೧)

ಆಸವೋ ಚೇವ ಸಾಸವೋ ಚ ಧಮ್ಮೋ ಸಾಸವಸ್ಸ ಚೇವ ನೋ ಚ ಆಸವಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಆಸವಾ ಪಚ್ಛಿಮಾನಂ ಪಚ್ಛಿಮಾನಂ ಸಾಸವಞ್ಚೇವ ನೋ ಚ ಆಸವಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಆಸವಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

ಆಸವೋ ಚೇವ ಸಾಸವೋ ಚ ಧಮ್ಮೋ ಆಸವಸ್ಸ ಚೇವ ಸಾಸವಸ್ಸ ಚ ಸಾಸವಸ್ಸ ಚೇವ ನೋ ಚ ಆಸವಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಆಸವಾ ಪಚ್ಛಿಮಾನಂ ಪಚ್ಛಿಮಾನಂ ಆಸವಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೩)

೧೧೩. ಸಾಸವೋ ಚೇವ ನೋ ಚ ಆಸವೋ ಧಮ್ಮೋ ಸಾಸವಸ್ಸ ಚೇವ ನೋ ಚ ಆಸವಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸಾಸವಾ ಚೇವ ನೋ ಚ ಆಸವಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸಾಸವಾನಞ್ಚೇವ ನೋ ಚ ಆಸವಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ, ಅನುಲೋಮಂ ವೋದಾನಸ್ಸ, ಆವಜ್ಜನಾ ಸಾಸವಾನಞ್ಚೇವ ನೋ ಚ ಆಸವಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೧)

ಸಾಸವೋ ಚೇವ ನೋ ಚ ಆಸವೋ ಧಮ್ಮೋ ಆಸವಸ್ಸ ಚೇವ ಸಾಸವಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸಾಸವಾ ಚೇವ ನೋ ಚ ಆಸವಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಆಸವಾನಂ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ಆಸವಾನಂ ಅನನ್ತರಪಚ್ಚಯೇನ ಪಚ್ಚಯೋ. (೨)

ಸಾಸವೋ ಚೇವ ನೋ ಚ ಆಸವೋ ಧಮ್ಮೋ ಆಸವಸ್ಸ ಚೇವ ಸಾಸವಸ್ಸ ಚ ಸಾಸವಸ್ಸ ಚೇವ ನೋ ಚ ಆಸವಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸಾಸವಾ ಚೇವ ನೋ ಚ ಆಸವಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಆಸವಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ಆಸವಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೩)

೧೧೪. ಆಸವೋ ಚೇವ ಸಾಸವೋ ಚ ಸಾಸವೋ ಚೇವ ನೋ ಚ ಆಸವೋ ಚ ಧಮ್ಮಾ ಆಸವಸ್ಸ ಚೇವ ಸಾಸವಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಆಸವಾ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಆಸವಾನಂ ಅನನ್ತರಪಚ್ಚಯೇನ ಪಚ್ಚಯೋ. (೧)

ಆಸವೋ ಚೇವ ಸಾಸವೋ ಚ ಸಾಸವೋ ಚೇವ ನೋ ಚ ಆಸವೋ ಚ ಧಮ್ಮಾ ಸಾಸವಸ್ಸ ಚೇವ ನೋ ಚ ಆಸವಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಆಸವಾ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸಾಸವಾನಞ್ಚೇವ ನೋ ಚ ಆಸವಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಆಸವಾ ಚ ಸಮ್ಪಯುತ್ತಕಾ ಚ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

ಆಸವೋ ಚೇವ ಸಾಸವೋ ಚ ಸಾಸವೋ ಚೇವ ನೋ ಚ ಆಸವೋ ಚ ಧಮ್ಮಾ ಆಸವಸ್ಸ ಚೇವ ಸಾಸವಸ್ಸ ಚ ಸಾಸವಸ್ಸ ಚೇವ ನೋ ಚ ಆಸವಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಆಸವಾ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಆಸವಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ (ಏವಂ ಸಬ್ಬಂ ವಿತ್ಥಾರೇತಬ್ಬಂ). (೩)

(ಆಸವದುಕೇಪಿ ಅನನ್ತರಂ ಇಮಿನಾ ಸದಿಸಂ ಕಾತಬ್ಬಂ. ಆವಜ್ಜನಾಪಿ ವುಟ್ಠಾನಮ್ಪಿ ಏವಂ ಸಮುದ್ದಿಟ್ಠಂ ಸಂಖಿತ್ತಂ. ಸಬ್ಬಂ ಪರಿಪುಣ್ಣಂ. ಆಸವದುಕಸದಿಸಂ ಕಾತಬ್ಬಂ, ನಿನ್ನಾನಂ.)

ಆಸವಸಾಸವದುಕಂ ನಿಟ್ಠಿತಂ.