೧. ವಿಭಙ್ಗವಾರೋ

ಹೇತುಪಚ್ಚಯೋ

೧೦೯. ಆಸವಞ್ಚೇವ ಸಾಸವಞ್ಚ ಧಮ್ಮಂ ಪಟಿಚ್ಚ ಆಸವೋ ಚೇವ ಸಾಸವೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಾಮಾಸವಂ ಪಟಿಚ್ಚ ದಿಟ್ಠಾಸವೋ ಅವಿಜ್ಜಾಸವೋ (ಚಕ್ಕಂ ಬನ್ಧಿತಬ್ಬಂ) ಭವಾಸವಂ ಪಟಿಚ್ಚ ಅವಿಜ್ಜಾಸವೋ (ಚಕ್ಕಂ ಬನ್ಧಿತಬ್ಬಂ) ದಿಟ್ಠಾಸವಂ ಪಟಿಚ್ಚ ಅವಿಜ್ಜಾಸವೋ. (೧)

ಆಸವಞ್ಚೇವ ಸಾಸವಞ್ಚ ಧಮ್ಮಂ ಪಟಿಚ್ಚ ಸಾಸವೋ ಚೇವ ನೋ ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಆಸವೇ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. (೨)

ಆಸವಞ್ಚೇವ ಸಾಸವಞ್ಚ ಧಮ್ಮಂ ಪಟಿಚ್ಚ ಆಸವೋ ಚೇವ ಸಾಸವೋ ಚ ಸಾಸವೋ ಚೇವ ನೋ ಚ ಆಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಕಾಮಾಸವಂ ಪಟಿಚ್ಚ ದಿಟ್ಠಾಸವೋ ಅವಿಜ್ಜಾಸವೋ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ಭವಾಸವಂ (ಚಕ್ಕಂ ಬನ್ಧಿತಬ್ಬಂ). (೩)

೧೧೦. ಸಾಸವಞ್ಚೇವ ನೋ ಚ ಆಸವಂ ಧಮ್ಮಂ ಪಟಿಚ್ಚ ಸಾಸವೋ ಚೇವ ನೋ ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಾಸವಞ್ಚೇವ ನೋ ಚ ಆಸವಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ…. (೧)

ಸಾಸವಞ್ಚೇವ ನೋ ಚ ಆಸವಂ ಧಮ್ಮಂ ಪಟಿಚ್ಚ ಆಸವೋ ಚೇವ ಸಾಸವೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಾಸವೇ ಚೇವ ನೋ ಚ ಆಸವೇ ಖನ್ಧೇ ಪಟಿಚ್ಚ ಆಸವಾ. (೨)

ಸಾಸವಞ್ಚೇವ ನೋ ಚ ಆಸವಂ ಧಮ್ಮಂ ಪಟಿಚ್ಚ ಆಸವೋ ಚೇವ ಸಾಸವೋ ಚ ಸಾಸವೋ ಚೇವ ನೋ ಚ ಆಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸಾಸವಞ್ಚೇವ ನೋ ಚ ಆಸವಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಆಸವಾ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೩)

೧೧೧. ಆಸವಞ್ಚೇವ ಸಾಸವಞ್ಚ ಸಾಸವಞ್ಚೇವ ನೋ ಚ ಆಸವಞ್ಚ ಧಮ್ಮಂ ಪಟಿಚ್ಚ ಆಸವೋ ಚೇವ ಸಾಸವೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಾಮಾಸವಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ದಿಟ್ಠಾಸವೋ ಅವಿಜ್ಜಾಸವೋ (ಏವಂ ಚಕ್ಕಂ ಬನ್ಧಿತಬ್ಬಂ). (೧)

ಆಸವಞ್ಚೇವ ಸಾಸವಞ್ಚ ಸಾಸವಞ್ಚೇವ ನೋ ಚ ಆಸವಞ್ಚ ಧಮ್ಮಂ ಪಟಿಚ್ಚ ಸಾಸವೋ ಚೇವ ನೋ ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಾಸವಞ್ಚೇವ ನೋ ಚ ಆಸವಂ ಏಕಂ ಖನ್ಧಞ್ಚ ಆಸವೇ ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಚ…ಪೇ…. (೨)

ಆಸವಞ್ಚೇವ ಸಾಸವಞ್ಚ ಸಾಸವಞ್ಚೇವ ನೋ ಚ ಆಸವಞ್ಚ ಧಮ್ಮಂ ಪಟಿಚ್ಚ ಆಸವೋ ಚೇವ ಸಾಸವೋ ಚ ಸಾಸವೋ ಚೇವ ನೋ ಚ ಆಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸಾಸವಞ್ಚೇವ ನೋ ಚ ಆಸವಂ ಏಕಂ ಖನ್ಧಞ್ಚ ಕಾಮಾಸವಞ್ಚ ಪಟಿಚ್ಚ ತಯೋ ಖನ್ಧಾ ದಿಟ್ಠಾಸವೋ ಅವಿಜ್ಜಾಸವೋ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಚ…ಪೇ… (ಚಕ್ಕಂ. ಸಂಖಿತ್ತಂ). (೩)